Amǝ Mishan 20:24 - Maləmce Məfele mala Ɓakuli: Kurcau Məbəshe

²⁴ Sǝ amur mani ka, ǝn twal yilǝmem a kun ɓe kǝgir ɗang. Mim ngga, gir mǝnana ǝn tsǝk muram a rǝì ka nda mǝnana ama ɓǝ̀ ǝn mal turo mǝnana Mǝtalabangŋo Yesu pam ɓǝ̀ ǝn pe ka, yì turo hamnǝ Cau Amsǝban mala ɓwamuru mala Ɓakuli.

Amǝ Mishan 20:24 ပူးပေါင်းရင်းမြစ်များ

Luka 16:28

acemǝnana mǝ ndanǝ amǝ'eambu tongno. Ɓǝ̀ kya nunkiria, ace mǝnana ɓǝa kǝa yiu a mǝnia yì ban tanni nggea mǝɓike ka ɗang.”

Yohana 15:27

Sǝ wun gbal ka dumǝna ama wu nǝ̀ nakunam aban aɓwana, acemǝnana tita turo mem ngga sǝm nda a tarǝ sǝm sǝnǝa wun.

Yohana 17:4

Ən yinǝno nǝ́ gulo a ɓanza man, acemǝnana ǝn malǝna turo mo mana a pam ama ɓǝn pe ka.

Amǝ Mishan 1:17

Ɗiɗyal ka nda aɓalǝ sǝm, sǝ ndanǝ kāmbe male gbal mǝnana à pe wi aɓa turo mishan ngga.

Amǝ Mishan 11:23

Lang yiu yi bwalǝna Antiyok sǝ sǝnǝna tsǝkbu mala Ɓakuli amur aɓwana ka, bumi pwasǝo, camarǝ kwarkiria ɓǝa cam kàngkàng aɓa paɓamuru malea sǝ ɓǝa do nǝ mǝsǝcau aban Mǝtalabangŋo.

Amǝ Mishan 13:25

Lang Yohana na rǝ mal turo mana Ɓakuli pe wi ɓǝ̀ pak ka, bangŋa ama, “Wu kǝ sǝni kǝla mǝ nda Kǝrǝsti, yì ɓwa mǝnana Ɓakuli tarrì ka le? Mim ngga mǝ nda yì ɗang. Yì ka, nda kǝ yiu atam tu ka, sǝ anggur ankura male ka ǝn kārǝa mǝ nǝ panzǝia ɗang.”

Amǝ Mishan 14:3

Sǝ Bulǝs andǝ Barnabas ka à akrǝia abanì, a sau kam, aban hamnǝ cau ɓwamuru mala Mǝtalabangŋo nǝ rǝcandǝa. Ɓakuli lumsǝ cau malea, nǝ pea wia rǝcandǝa mala pakkia agir-ndǝlǝki andǝ agir-gyambǝliban, lǝmndǝia aɓwana ama, cau male mana à banggia wia ka, mǝsǝcau na.

Amǝ Mishan 15:7

Anzǝm naki acau pas ka, Bitǝrus lo came, sǝ nea wia ama: Wun amǝ'eamrǝarǝu, wu sǝlǝna ama aɓea apwari mǝno a kuti ka, Ɓakuli twalam aɓalǝ wun mǝ hamnǝ Cau Amsǝban aban aɓwana mana amǝ Yahudi na raka. Ɓakuli tasǝam ace mǝnana yia gbal ka, ɓǝa o, ɓǝa paɓamuria aban Yesu.

Amǝ Mishan 18:5

Lang Silas andǝ Timoti nyingŋǝna bu-nzali Masǝdoniya, à yì bwalǝna ka, Bulǝs kara pa ɓamuri kat ace hamnǝ cau mala Ɓakuli. Camarǝ banggi amǝ Yahudi ama, Yesu nda Kǝrǝsti Mǝ'amsǝban.

Amǝ Mishan 20:21

Ən banggi amǝ Yahudi andǝ aɓwana mana amǝ Yahudi na raka, nǝ nunkiru nǝma, dumǝna púp ɓǝa nyare aban Ɓakuli. Ɓǝa pǝlǝ nzǝmia arǝ acauɓikea malea, ɓǝa pwanzali, sǝ ɓǝa paɓamuri aban Mǝtalabangŋo Yesu.

Amǝ Mishan 20:23

Kǝ gir mǝnana ǝn sǝlǝ ka nda mǝnana ama, a ko ya nggeala ǝn kuti kam ngga, Bangŋo Mǝfele kǝ nunkiram ama oasǝban a ndàkurban andǝ tanni na à kǝ kundǝam ngga.

Amǝ Mishan 20:32

Ado ka, ǝn nggǝ nying wun aɓa bu Ɓakuli ɓǝ̀ bwal wun sǝ ɓǝ̀ tamsǝ wun aɓa paɓamuru arǝ cau mala ɓwamuru male, mǝnana nǝ̀ gandǝ ɓak wun, nǝ̀ pa wun atsǝkbu mǝnana Ɓakuli ndanǝi ace aɓwana mana twalnia à dumǝna amale na ka.

Amǝ Mishan 21:13

Sǝ yì ka, na ama, “Mana wu pakkiyi anggo, wu tsǝk mǝrǝm a mǝsǝ wun, wu nǝ̀ ɓunggi ɓabumam? Yale kùrban na ǝn nakiyi ce ka ɗang, ko nggearǝ lú ka ǝn earǝna mǝ nǝ ngga wu, acau mala Mǝtalabangŋo Yesu.”

Amǝ Mishan 22:21

Pǝlǝa Mǝtalabangŋo nam ama, “Kyane, acemǝnana mǝ nǝ turo kuko aban aɓwana mǝnana amǝ Yahudi na raka.”

Amǝ Mishan 9:15

Mǝtalabangŋo ne Hananiya ama, “Kyane, mǝnia yì ɓwa ka, ǝn tarì girturo mem na, ɓǝ̀ kyan nǝ lullǝam aban aɓwana arǝ anzali, andǝ amurǝma, andǝ ban amǝ Isǝrayila.

Amǝ Roma 11:6

Sǝ ɓǝ̀ nda ace ɓwamuru mala Ɓakuli ka, lǝmndǝ ama pà ace aturo-ɓoarna mǝnana aɓwana pak ka ɗang. Ɓǝ̀ ana raka, ɓǝ́ ɓwamuru mala Ɓakuli ka pà nǝ̀ duk ɓwamuru ɓafo ɗang.

Amǝ Roma 4:4

Ɓǝ̀ ɓwa pak turo sǝ à mbwe ka, ɓoro na à pe wi ka ɗang, tangnakusǝu turo male na kum ngga.

1 Amǝ Korinti 15:58

Ace mani ka, wun amǝ'eambǝam, wu cam kàngkàng. Ɓǝ̀ kǝgir ɓǝ̀ kǝa gǝshi wun ɗang. Wu pita turo mala Mǝtalabangŋo koya pwari ka, acemǝnana wu sǝlǝna ama ɓe kǝ turo pà kàm wu nǝ̀ pe ace Mǝtalabangŋo, sǝ ture na ɓà ka ɗang.

2 Amǝ Korinti 12:10

Nda gir nî sǝ ban kǝ ɓoaram arǝ rǝɓunggia mem, andǝ sanggiban, andǝ domǝkwane, andǝ pàtanni, andǝ atanni mǝnana ǝn nggǝ kutio aɓalǝia ace Kǝrǝsti ka. Acemǝnana ɓǝ̀ mǝ nda aɓa rǝɓunggia ka, sǝ mǝ nǝ̀ kum rǝcandǝa.

2 Amǝ Korinti 4:1

Sǝ acemǝnana Ɓakuli, aɓa sǝn mǝsǝswatǝr male sǝ pà sǝm mǝnia yì turo mishan ngga, ɓabum sǝm pà nǝ̀ ɓunggi ɗang.

2 Amǝ Korinti 4:12

Mǝnia ka lǝmndǝ ama sǝm amǝ'mishan ngga, sǝm nda aɓa wara sǝnǝa lú, sǝa ma mǝno ka ndarǝ yinǝ wun aɓa kum yilǝmu.

2 Amǝ Korinti 5:8

E, sǝm ndanǝ mǝsǝkang-kangŋa, ɓǝ́ eare ma'sǝm ngga, ɓǝ̀ sǝm gapi tarǝ sǝm sǝnǝ mǝnia yì nggūrǝu mala ɓanza ka, ɓǝ̀ sǝm do aban Mǝtalabangŋo.

2 Amǝ Korinti 7:4

Mǝ ndanǝ mǝsǝkang-kangŋa arǝ wun, sǝ ǝn nggǝ nggori nǝ wun. Wu ɓàngnà ɓabumam kǝrkǝr; aɓalǝ atanni ma'sǝm kat ka ǝn lumsǝ nǝ banɓoarnado kǝrkǝr.

Amǝ Galati 1:1

Mǝnia yì cautera ka, pur a banam, mim Bulǝs mǝ'mishan. Twalban mem a turo mishan ngga pur nǝban ɓwapǝndǝa ɗang, pur nǝ bu Yesu Kǝrǝsti andǝ Ɓakuli Tarrû, mana loasǝi yì Kǝrǝsti a ɓembe ka.

Amǝ Afisu 1:6

Ace mani ka, sǝm nggǝ ɓwangsǝ Ɓakuli ace ɓwamuru male mǝgule mǝnana soapa sǝm mi amur sǝm, sǝm aɓwana mǝnana sǝm nda ka mala Muni mǝnana earkiyi ace raka.

Amǝ Afisu 3:13

Ace mani ka, ǝn nggǝ zǝmbǝa wun, ɓabum wun ɓǝ̀ kǝa ɓunggio ace tanni mǝnana mǝ nda ɓālǝi akani ace wun ngga ɗang, nda àkǝ̀ ce gulo ma'wun.

Amǝ Filipi 2:17

Paɓamuru andǝ aturo ma'wun aɓa kpata Mǝtalabangŋo ka, à ndà kǝla pa ɓoro abani. Sǝ ko ɓǝ̀ yi do ama à nda rǝ ɗarǝ yilǝmem kǝla gir-ɗarǝa amur mǝnia yì ɓoro mala paɓamuru ma'wun ngga, bumam nǝ̀ pwasǝo, sǝm nǝ̀ pak banɓoarnado a tarǝ sǝm kat.

Amǝ Filipi 2:30

Acemǝnana api lú bǝti aban pakki Kǝrǝsti turo. Twal yilǝmi a kun kǝgir ɗang aɓa pakkam turo mǝnana ɓǝ́ wu nda wu nǝ̀ pakkam ngga.

Amǝ Kolosi 1:24

Sǝ ado ka ban kǝ ɓoaram arǝ tanni mǝnana ǝn nggǝ nu ace wun ngga. Acemǝnana aɓa tanni mem a nggūrǝu ka, mǝ nda ban ɓariki mǝ lumsǝkun gir mǝnana ueo aɓa tanni mala Kǝrǝsti ace nggūrǝi, yì amǝkpate.

1 Amǝ Tasalonika 2:2

A dǝmbe ka sǝm nu tanni sǝ à pakka sǝm gir kǝsǝkya a Filipi, kǝla mǝnana wu sǝlǝ ka. Sǝa ma Ɓakuli ma'sǝm pakka sǝm gbasha sǝm dumnǝ mǝsǝkang-kangŋa aɓa hamba wun Cau Amsǝban male, kat andǝ amani ama aɓwana lǝmndǝa sǝm ɓinǝcau mǝkǝrkǝr nì ka.

1 Amǝ Tasalonika 3:3

Sǝm pa anggo, ace mǝnana ɓǝ̀ ɓeɓwa aɓalǝ wun, ɓǝ̀ kǝa dǝurǝo ata cau mala amǝnia yì atanni ka ɗang. Sǝ wu sǝlǝna ama mǝno ka kàni mala Ɓakuli na ace sǝm.

2 Timoti 1:12

Nda gir mǝnana tsǝa sǝ ǝn nggǝ nu tanni kǝla mǝno mǝ nda a ɓalǝi ka. Sǝ mim ngga, kǝsǝkya kǝ pakkam arǝ mani ɗang, acemǝnana ǝn surǝna rǝ ɓwa mǝnana ǝn guli a rǝì, sǝ ǝn sǝlǝna ama gir mǝnana ǝn nyingŋǝni wi a bui ka, nǝ̀ gandǝ bwale ba pwari nyare male.

2 Timoti 3:11

kat andǝ atanni mem, andǝ apatanni mana à yiu amuram ngga. À surǝna rǝ kanggǝrang tanni mǝnana à pam a Antiyok, andǝ Ikoniya andǝ Listǝra ka. Kat andǝ amani ka, Mǝtalabangŋo amsǝam aɓalǝ amǝnia yì agir ka kat.

2 Timoti 4:17

Sǝa ma Mǝtalabangŋo na atam sǝ pam rǝcandǝa ace mǝnana ɓǝ̀ ǝn hamnǝ Cau Amsǝban kat ace aɓwana mana amǝ Yahudi na raka ɓǝa oe. Nyar ɗǝm ngga, amsǝam a bu lú, a kuna im mǝnana ɓǝ́ à nǝ̀ turam aɓalǝia ka.

Titus 1:3

Anggo lang pwari male mǝnana tsǝk ka yi karǝna ka, Ɓakuli yi lǝmndǝi a banfana aɓa cau male. Mǝnia yì cau ka, à pam sǝ ǝn yi hamnǝi kǝla mǝnana Ɓakuli Mǝ'amsǝ sǝm tasǝam ngga.

Titus 2:11

Ɓakuli ka, lǝmndǝna ɓwamuru male aban ɓwapǝndǝa kat, ace mǝnana nǝ̀ amsǝia ka.

Amǝ Ibǝru 10:34

Aɓwana mǝnana à turia aɓa ndàkurban ngga, wu sǝn mǝsǝswatǝr malea. Ko nggearǝ akume ma'wun mǝnana à ea arǝ wun nǝ rǝcandǝa ka, wu pak bumpwasǝa nǝ mǝno, acemǝnana wu sǝlǝna ama wu ndanǝ kume mana kuti mǝno ka, sǝ ɗǝm ngga pà nǝ̀ mal raka.

1 Bitǝrus 5:12

Nǝ́ bu Silas mǝnana ǝn earnǝi kǝla mǝ'eamrǝarǝu mǝ'mǝsǝcau nì ka, sǝ ǝn nggǝ gilǝa wun mǝnia yì cau gbǝlǝm ngga. Ən nggǝ earce mǝ ɓak ɓabum wun, sǝ mǝ na wun ama, mǝnia yì gir wu nda ɓālǝi ado ka, ɓwamuru mala Ɓakuli na kat ace wun. Wu cam kàngkàng a ɓalǝi.

1 Yohana 3:16

Ani sǝ sǝm nǝ̀ surǝ mana nda earcearǝu, yi mǝnana Kǝrǝsti pa yilǝmi ace sǝm ngga. Sǝm gbal ka, ɓoaro ɓǝ̀ sǝm pa yilǝmi sǝm ace amǝ'eam sǝm.

Sǝna 12:11

À limurǝm amuri nǝ nkila mala Mǝgam, andǝ nakun malea nǝ mǝsǝcau amur Mǝgam a ɓadǝmbǝ aɓwana; yia ka à eare à pa yilǝmia, à nyar nǝ tea ɗang yi pur a lú malea.

Sǝna 6:11

Pǝlǝa à pe ko yana atea ka nggea-daura pwasǝa, sǝ à banggia wia ama ɓǝa do, ɓǝa kundǝ kam bǝti, she ɓǝ̀ lakki mala aɓia amǝturo andǝ amǝ'eambǝia mǝnana à nǝ̀ wal-luia, kǝla mǝnana à walia ka, lumsǝna ka.