Amǝ Mishan 20:2 - Maləmce Məfele mala Ɓakuli: Kurcau Məbəshe

² Lang gingna arǝ abumban aɓa mǝno yì bu-nzali aban ɓak ɓabum amǝkwaɗi nǝ cau mala Ɓakuli ka, pǝlǝa kutio wario a Gǝris mǝnana gbal à tunǝki ama bu-nzali Akaya ka.

Amǝ Mishan 20:2 ပူးပေါင်းရင်းမြစ်များ

Luka 3:18

Anggo nǝ aɓea cau pas sǝ Yohana kwarkir ɓwapǝndǝa sǝ hamnǝ Cau Amsǝban abania.

Amǝ Mishan 14:22

À camarǝ pe amǝkwaɗi rǝcandǝa, à kǝ kwarkiria ama, ɓǝa lidǝmbǝa nǝ paɓamuru malea. À kǝ kasǝ ɓalǝia nǝ mǝnia yì cau ka ama, “Dumǝna pup sǝm nǝ̀ nu tanni ɗàngɗáng, sǝ sǝm nǝ̀ kutio a Domurǝm mala Ɓakuli.”

Amǝ Mishan 15:41

Pǝlǝa Bulǝs lidǝmbǝa nǝ gya a tarǝia andǝ Silas aɓalǝ abu-nzali Suriya andǝ Sǝlisiya, kǝ kwarkir amǝkwaɗi aban pea wia rǝcandǝa.

Amǝ Mishan 16:12

Akano ka sǝm eauwe a nza aban ká a Filipi, ɓe nggeala mǝgule mala bu-nzali Masǝdoniya aɓa nzali domurǝm mala amǝ Roma. Sǝm pakki aɓea anonggeo akano.

Amǝ Mishan 17:1

Bulǝs andǝ Silas yi gya arǝ ala Amfipolis andǝ Apoloniya, à yì bwal Tasalonika, ban mǝnana ɓe ndakpapi mala amǝ Yahudi nakam ngga.

Amǝ Mishan 17:10

Lang du pǝndǝna ka, amǝkpata Yesu tasǝ ta Bulǝs andǝ Silas a Biriya. À yì bwalǝna ka, à kutio a ndakpapi mala amǝ Yahudi.

Amǝ Mishan 2:40

Pǝlǝa Bitǝrus banggia wia aɓea acau pas sǝ nunkiria ama, “Wu amsǝ ɓamur rǝ wun aɓa nza mǝɓike mǝnia ka!”

Amǝ Mishan 20:1

Anzǝm mana loasǝkiaban malǝna ka, Bulǝs tunǝ amǝkwaɗi à yì rambǝa abanarǝia, pǝlǝa ɓak ɓabumia nǝ cau mala Ɓakuli, pea wia rǝcandǝa sǝ cia a ndà. Pǝlǝa nying banì kutio o a bu-nzali Masǝdoniya.

Amǝ Mishan 20:11

Pǝlǝa Bulǝs andǝ acili aɓwana nyare à o a ndakuli ɗǝm. Anzǝm mǝnana à lina girlina a tarǝia ka, Bulǝs lidǝmbǝa nǝ nea wia cau ba kwaro mala ban. Pǝlǝa bwal njar kutio o.

Amǝ Mishan 20:3

Abanì sǝ kya do pak azongŋo tārú. Lang Bulǝs mala nǝ̀ twal gya a waru nǝ̀ o a Suriya ka, yi ok ama aɓea amǝ Yahudi kùrna kunia amuri à nǝ̀ wal-lui a njar. Nda gir mǝnana tsǝa sǝ nyar a kusǝì twal nza, pǝlǝ nǝ njar ɓa bu-nzali Masǝdoniya ka.

1 Amǝ Korinti 4:19

Ɓǝ̀ Mǝtalabangŋo ear ka, banì pà nǝ̀ sau ɗang, mǝ nǝ yiu aban wun. Sǝ mǝ nǝ yia sǝlǝ cau mǝnana amǝ twalɓamuru mǝnia banggiyi ka, andǝ man nda rǝcandǝa mǝnana kàngkàng a ndanǝi ka.

Amǝ Kolosi 1:28

Nda gir nî sǝ sǝm nggǝ banggi aɓwana cau mala Kǝrǝsti, sǝm nggǝ nunkir koyan ngga. Sǝm nggǝ kani koyan ngga nǝ sǝlǝe mǝnana kat Ɓakuli pa sǝm ngga. Sǝm nggǝ earce ama sǝm nǝ̀ yinǝia a ɓadǝm Ɓakuli kǝla aɓwana mǝnana à lumsǝna aɓa do malea andǝ Kǝrǝsti ka.

1 Amǝ Tasalonika 2:11

Wun nǝ nggearǝ wun ngga wu sǝlǝna ama sǝm bwal ko yan ata wun ngga kǝla mǝnana tár amuna kǝ bwal amuna male ka.

1 Amǝ Tasalonika 2:3

Cau kwarkiru mǝnana sǝm yinǝi aban wun ngga, pur aɓa ɓwarkio ɗang, ko nǝ ɓe a ɓalǝi ɗang, sǝ sǝm pà aban swarki wun gbal ɗang.

1 Amǝ Tasalonika 4:1

Sǝ ado ka, wun amǝ'eam sǝm, wu kumǝna kwarkiru nǝ bu sǝm amur njar mǝnana ɓoaro wu nǝ̀ dukdo sǝ ɓabum Ɓakuli nǝ̀ pwasǝ a rǝì ka. Sǝ ado mǝnana wu ndarǝ duk ulang mǝno yì do ka, sǝm nggǝ zǝmbǝa wun nǝ kwarkiru mǝcande aɓa lullǝ Mǝtalabangŋo Yesu, wu lidǝmbǝa nǝi aɓa pe anggo andǝ mǝnana kuti mǝno ka ko aya pwari, aban káne a dǝmbǝa.