Amǝ Mishan 2:9 - Maləmce Məfele mala Ɓakuli: Kurcau Məbəshe

⁹ Sǝm ngga sǝm purki arǝ anzali Pataya, andǝ Medes, andǝ Elam, andǝ Mesopotamiya, andǝ Yahudi andǝ Kapadosiya. Sǝ aɓea ɓwana ata sǝm ngga à purki arǝ anzali Pwantus andǝ Asiya,

Amǝ Mishan 2:9 ပူးပေါင်းရင်းမြစ်များ

Amǝ Mishan 16:6

Bulǝs andǝ aɓi amǝgya à o arǝ abu-nzali Firigiya andǝ Galati, acemǝnana Bangŋo Mǝfele earia wia ama ɓǝa hamnǝ cau a bu-nzali Asiya ɗang.

Amǝ Mishan 18:2

Abanì sǝ kya kum ɓeɓwa Yahudi à kǝ tunǝi ama Akila, mǝnana à ɓǝli a bu-nzali Pwantus ka. Yì andǝ mami Pǝrisǝla ka, à pur a nggeala Roma, a nzali Italiya sǝ à yiu a dyan tu, acemǝnana Kǝlaudiyus, yì murǝm mǝgule mala amǝ Roma, pǝr amǝ Yahudi kat ɓǝa nying Roma. Bulǝs wario a sǝn a Akila andǝ Pǝrisǝla.

Amǝ Mishan 19:10

Bulǝs lidǝmbǝa nǝ kanigir a mǝno yì ndà-kanigir ka, kya bwal pǝlǝa ɓari, sǝ ace mǝno ka aɓwana kat mana nǝ do a bu-nzali mala Asiya ka, amǝ Yahudi andǝ amǝ Gǝrik, à ok cau mala Mǝtalabangŋo.

Amǝ Mishan 19:27

Ɓangciu ma'sǝm ngga nda mǝnana ama, limo ma'sǝm no nǝ̀ kum lullǝu mǝɓane. Sǝ nggearǝ mǝno na nǝmurǝì ɗang, ndàperi mala ma-ɓǝ̀nzál mǝgulo mǝnana à kǝ peri abani, yì Atimis gbal ka, nǝ̀ duk gir mǝɓane; sǝ Atimis, yì ma-ɓǝ̀nzál mǝnana ko yan a Asiya andǝ ɓanza kat kǝ peri abani ka, gulo male nǝ̀ kpa!

Amǝ Mishan 19:31

Nggearǝ aɓwana-mǝgule mala la, mana à gyajam mala Bulǝs na ka, à teri wi cau ama, ɓǝ̀ kǝa na ama nǝ̀ kutio aɓa ban-kpapi ɗang.

Amǝ Mishan 2:8

Sǝ lang sǝ sǝm oea aban na cau nǝ a kun la sǝm?

Amǝ Mishan 20:16

Amur njar aban ká Miletus ka, waru samsǝa yi kuti nǝ ban nggeala Afisu. Bulǝs ka angŋǝna dǝmbǝa twalǝna a ɓabumi ama pà nǝ̀ came a Afisu ɗang, ace mǝnana ɓǝ̀ kǝa kiɗiki pwari kǝrkǝr aɓa bu-nzali Asiya raka. Yì ka, nda mur larri nǝ̀ ngga bwal Urǝshalima, ɓǝ̀ nǝ̀ gandǝ pa ka ɓǝ̀ yi kum pwari Pakiɗire Pentikos.

Amǝ Mishan 20:18

Lang à yina ka, pǝlǝa nea wi ama: Wun ngga wu surǝna ulang do mem andǝ turo mǝnana ǝn pa aɓalǝ apwari mǝno kat mǝ nda aban wun ngga, tite àkǝ̀ pwari mǝnana ǝn yiu nǝi a bu-nzali Asiya ka.

Amǝ Mishan 20:4

Aɓea burana mǝnana à o ate ka à ndaka Sopata, muna mala Pirus ɓwa Biriya, andǝ Aristakus andǝ Sekundus amǝnana à pur nǝ nggeala Tasalonika ka. Gayus ɓwa Dabe, andǝ Tikikus andǝ Tǝrofimus, amana à pur a bu-nzali mala Asiya ka, à o ate gbal, yia andǝ Timoti.

Amǝ Mishan 21:27

Anonggeo tongno nong-ɓari mala mǝno yì gilǝki rǝia ka a malanǝ mala, sǝ aɓea amǝ Yahudi mǝnana à pur a bu-nzali Asiya ka, à sǝn Bulǝs aɓa Ndàmǝgule mala Ɓakuli. Pǝlǝa à swarkita ɓwabunda kat, kara à bwal Bulǝs.

Amǝ Mishan 24:18

Mǝ ndaban pak mǝnia ka sǝ à yì kumam a Ndàmǝgule mala Ɓakuli, ǝn malǝna pakkiagir mala lak rǝǔ, kǝ ɓwabunda pa atam ɗang, sǝ loasǝban pa abanì ɗang.

Amǝ Mishan 27:2

Pǝlǝa sǝm kutio aɓa waru mǝnana puro a nggeala Adǝrametiyom, sǝ lo gya nǝ̀ ngga karkya arǝ aban-kpashia mala awaru akun nggeamur mala bu-nzali Asiya ka. Sǝm lo gya sǝm puro aɓa nggeamur. Aristakus, yì ɓwa mǝnana pur nǝ nggeala Tasalonika aɓa bu-nzali Masǝdoniya ka, nda ata sǝm.

Amǝ Mishan 6:9

Sǝ aɓea amǝ Yahudi mǝnana à pur nǝ anggea-là Sayirin andǝ Alizandǝriya, mǝnana à nda ɓalǝ amǝ ndakpapi mǝnana à tunǝki ama Ndakpapi mala aɓwana mǝnana à panzǝia ka, à mgbicau a rǝi. Yia andǝ aɓea mǝnana à pur arǝ abu-nzali mala amǝ Sǝlisiya andǝ Asiya ka, à lo nǝ makgir a rǝi.

Amǝ Mishan 7:2

Itǝfanu eare ama: Wun amǝ'eambǝam andǝ atarram, wu kwaki kir wun a rǝam! Ɓakuli mǝɓoarɓwe pusǝrǝi aban ká sǝm Ibǝrayim a nzali Mesopotamiya peatu, kaniama ɓǝ̀ o a dola a Haran.

Amǝ Roma 16:5

Wu makki Ikǝlisiya mǝnana kǝ kpapi a ɓala malea ka kun. Wu makki Epenetus, gyajam mem mǝnana ǝn earkiyi ace raka kun. Yì ka, nda ɓwa mǝnana tita ak Kǝrǝsti a bu-nzali Asiya ka.

1 Amǝ Korinti 16:19

A'ikǝlisiya mǝnana a bu-nzali Asiya ka, à kǝ makka wun kun. Akila andǝ Pǝrisǝla, andǝ ikǝlisiya mǝnana kpapiyi a ɓala malea ka, à kǝ makka wun kun, nǝ earcearǝu mala Mǝtalabangŋo.

2 Amǝ Korinti 1:8

Wun amǝ'eamrǝarǝu, sǝm nggǝ earce ama, wu kǝa dum nǝ ɗwanyi sǝlǝe amur tanni mǝnana kum sǝm a nzali Asiya ka ɗang. Acemǝnana sǝm kutio aɓata parban mala tanni mǝgule mǝnana kuti rǝcandǝa ma'sǝm, yale kǝla pà sǝm nǝ̀ au ɗang.

2 Timoti 1:15

Kǝla mǝnana a sǝlǝna ka, aɓwana mǝnana a bu-nzali Asiya ka, à pǝlǝna nzǝmia a rǝam kat à nyingŋǝnam. Ko nggearǝ Fijelus andǝ Hamojenis gbal ka, à nyingŋǝnam.

1 Bitǝrus 1:1

Mǝnia yì cautera ka, pur nǝ́ bu Bitǝrus, mǝ'mishan mala Yesu Kǝrǝsti. Aban ká aban aɓwana mala Ɓakuli mǝnana à tària ka, yia amǝnana à mesǝke, à do kǝla abǝri arǝ abu-nzali mala amǝ Pwantus, andǝ Galati, andǝ Kapadosiya, andǝ bu-nzali Asiya, andǝ bu-nzali Bitiniya ka.

Sǝna 1:11

Kǝ na ama, “Gilǝ agir mǝnana a kǝ sǝnia ka aɓa malǝmce. Sǝ wu teri aban a'ikǝlisiya mǝnia tongno-nong-ɓari ka, amǝnana arǝ anggea-là Afisu, andǝ Sǝmirna, andǝ Pargamu, andǝ Tiyatǝra, andǝ Sardis, andǝ Filadefiya, sǝ Lawodisi ka.”

Sǝna 1:4

Cautera mǝnia ka pur abanam, Yohana, aban ká aban a'ikǝlisiya tongno-nong-ɓari aɓa nzali Asiya. Ən nggǝ shamba wun ɓwamuru andǝ do rǝpwala mǝnana à kǝ pur nǝban Ɓakuli ka. Yì Ɓakuli ka nda mana ndakam ado, mǝnana ndakam a pwaryan, sǝ nda mǝnana nǝ̀ pàk kàm a dǝmbǝa ka. Ɗǝm ngga ǝn nggǝ shamba wun ɓwamuru andǝ do rǝpwala mǝnana à kǝ pur nǝban abangŋo tongno-nong-ɓari mǝnana à nda a ɓadǝm bunomurǝm mala Ɓakuli ka.