Amǝ Mishan 2:45 - Maləmce Məfele mala Ɓakuli: Kurcau Məbəshe

⁴⁵ À makki agirkuma andǝ agǝna malea, sǝ à pe koya ɓwa nani ka gir mǝnana karǝ arǝ tǝle male ka.

Amǝ Mishan 2:45 ပူးပေါင်းရင်းမြစ်များ

Matiu 19:21

Yesu nyesǝi wi ama, “Ɓǝ̀ a nǝ lumsǝ nǝ cauɓoarna ka, o kya makki agirkuma mo, boale ka pe amǝtǝr, a nǝ kum gǝna a kuli. Sǝ wu yiu wu yi kpatam.”

Luka 16:9

Yesu lidǝmbǝa nǝ cau ama: Ən nggǝ bangga wun, wu pak turo nǝ gǝna mala ɓanza, wu bwal agyajam nǝi, ace mǝnana ɓǝ̀ gǝne umna ka, Ɓakuli nǝ̀ ak wun gbal arǝ aɓala mǝnana à pà nǝ̀ kiɗiki raka.

Luka 18:22

Lang Yesu ok mǝnia ka, ne wi ama, “Ɓe gir mwashat na a ɗwanyi ka. Maki agir mǝnana kat a ndanǝia ka, gaki amǝtǝr, a wu nǝ kum gǝna a kuli, sǝ wu yiu, wu yi kpatam.”

Luka 19:8

Zaka pǝlǝa lo sǝ ne Mǝtalabangŋo ama, “Mǝtalabangŋo, sǝni, mǝ nǝ gau girkuma mem aɓalǝu, mǝ nǝ pe amǝtǝr kāmbe mwashat, sǝ ɓǝ̀ ǝn mbǝrina kǝɓwa ka, mǝ nǝ nyesǝi ɓwe gir nî kusǝ ine.”

Amǝ Mishan 11:29

Pǝlǝa amǝkwaɗi nea rǝia ama, koyan aɓalǝia ka ɓǝ̀ pa ɓoro mana nǝ̀ gandǝi ka, ɓǝa tasǝi ace pa gbasha aban amǝ'eamrǝarǝu mana a nzali Yahudi ka.

Amǝ Mishan 4:34

Kǝ ɓwa pà kàm aɓalǝia mǝnana ɗwanyi kǝgir ka ɗang, acemǝnana aɓwana mana à ndanǝ agirkuma kǝla anzali ko aɓala ka, à mea,

Amǝ Mishan 4:35

sǝ à yiu nǝ boale aban amǝ'mishan, acemǝnana ɓǝa pe koyan ngga gir mǝnana pak tǝle ka.

2 Amǝ Korinti 9:1

Pà nǝ̀ ɓoaro mǝ gilǝa wun cau amur mǝnia yì turo bwali amǝkwaɗi mǝnana a Urǝshalima ka ɗang,

2 Amǝ Korinti 9:9

Kǝla mǝnana Malǝmce bang ngga: “Kǝ mesǝ ɓoro aban amǝtǝr, Aturo mǝɓoarne male ka, à pà nǝ̀ mal ɗang.”

1 Yohana 3:17

Ɓǝ̀ kǝɓwa nanǝ agirkuma mala ɓanza man, sǝ sǝn mǝ'eambǝi aɓa tǝle, sǝ ɓinǝ sǝn mǝsǝswatǝr male ka, lang sǝ earcearǝu mala Ɓakuli nǝ̀ pa a ɓabum mǝnia yì ɓwa ka?