Amǝ Mishan 2:42 - Maləmce Məfele mala Ɓakuli: Kurcau Məbəshe

⁴² Pǝlǝa yia ka à paɓamuria aban ak kanigir aban amǝ'mishan, andǝ do a tarǝia, andǝ ligirlina a tarǝia, andǝ pakki ahiwi.

Amǝ Mishan 2:42 ပူးပေါင်းရင်းမြစ်များ

Luka 24:30

À yì dumǝna amur girlina ka, yi twal bǝredi, pakki Ɓakuli yàwá, sǝ ɓwani pea wia.

Luka 24:35

Amǝnia ɓari ka à na ce gir mǝnana kumia a njargula Imawus ka, andǝ surǝo mǝnana à yì surǝ Yesu anzǝm mana ɓwanǝna bǝredi ka.

Amǝ Mishan 1:14

Yia a ɓinado malea ka, à uekiyi kpapi nǝ ɓabumia mwashat a tarǝia aban pak hiwi ɗang, andǝ amamǝna, andǝ Maryamu nggea Yesu, andǝ amǝ'eam Yesu.

Amǝ Mishan 11:23

Lang yiu yi bwalǝna Antiyok sǝ sǝnǝna tsǝkbu mala Ɓakuli amur aɓwana ka, bumi pwasǝo, camarǝ kwarkiria ɓǝa cam kàngkàng aɓa paɓamuru malea sǝ ɓǝa do nǝ mǝsǝcau aban Mǝtalabangŋo.

Amǝ Mishan 14:22

À camarǝ pe amǝkwaɗi rǝcandǝa, à kǝ kwarkiria ama, ɓǝa lidǝmbǝa nǝ paɓamuru malea. À kǝ kasǝ ɓalǝia nǝ mǝnia yì cau ka ama, “Dumǝna pup sǝm nǝ̀ nu tanni ɗàngɗáng, sǝ sǝm nǝ̀ kutio a Domurǝm mala Ɓakuli.”

Amǝ Mishan 2:46

Koya pwari ka, à kǝ yiu a kpapi a tarǝia, aban peri aɓa Ndàmǝgule mala Ɓakuli. À kǝ kpapiki arǝ aɓala malea aban li girlina. À kǝ li girlina a tarǝia nǝ banɓoarnado, nǝ ɓabumia mwashat.

Amǝ Mishan 20:11

Pǝlǝa Bulǝs andǝ acili aɓwana nyare à o a ndakuli ɗǝm. Anzǝm mǝnana à lina girlina a tarǝia ka, Bulǝs lidǝmbǝa nǝ nea wia cau ba kwaro mala ban. Pǝlǝa bwal njar kutio o.

Amǝ Mishan 20:7

Nǝ pwari kpǝra a pwari Ladi ka, sǝm yì rambǝa a tarǝ sǝm aban li girlina. Bulǝs tita hami aɓwana cau, sǝ acemǝnana ɓǝ̀ ban kwarǝna ka nǝ̀ bwal njar nǝ̀ o ka, camarǝ na cau kya bwal ɓadu.

Amǝ Mishan 4:23

Lang à nyingŋǝnia ka, Bitǝrus andǝ Yohana nyar aban aɓea amǝkpata Yesu, sǝ à yì banggia wia cau mǝnana agbani pǝris andǝ aɓwana-mǝgule mala amǝ Yahudi na ka.

Amǝ Mishan 4:31

Lang à nǝ̀ mal pak hiwi ani ka, kara ban mǝnana à ram nggam ngga dǝurǝkio. Sǝ yia kat ka, à lumsǝ nǝ Bangŋo Mǝfele, sǝ à hamnǝ cau mala Ɓakuli nǝ ɓabumcandǝa.

Amǝ Mishan 6:4

Sǝ sǝm ngga, sǝm nǝ̀ pa rǝcandǝa ma'sǝm arǝ pakki Ɓakuli turo nǝ hiwi andǝ hamnǝ cau.”

Amǝ Roma 12:12

Wu dum nǝ banɓoarnado aɓa tsǝkɓalǝu ma'wun; wu dum nǝ munyi aɓa tanni; wu do aɓa pak hiwi ko ya pwari.

1 Amǝ Korinti 10:21

A pà nǝ nu kwap mala Mǝtalabangŋo sǝ a nǝ ngga nu kwap mala akukwar ɗǝm ɗang; sǝ a pà nǝ li aɓa kwár mala Mǝtalabangŋo sǝ a nǝ ngga li aɓa kwár mala akukwar gbal ɗang.

1 Amǝ Korinti 11:2

Ən nggǝ ɓwangsǝ wun, acemǝnana wu kǝ ɗenyi nǝ mim aɓa koya gir, sǝ wu kǝ kpata gir mǝnana kat ǝn kania wun ngga.

1 Amǝ Korinti 14:6

Wun amǝ'eamrǝarǝu, ɓǝ̀ ǝn yiu aban wun, sǝ ǝn nggǝ na wun cau nǝ akún-takuli ka, mana wu nǝ̀ kumo a ɓalǝi? Sǝ ɓǝ̀ ǝn yiu nǝ sǝne mala Bangŋo, ko surǝgir, ko na gi Ɓakuli, ko kanigir ka, amǝnia ka à nǝ̀ bwala wun nggam.

Amǝ Galati 1:6

Ən nggǝ ndali nǝ kaurǝ ndǝli ma'wun arǝ Ɓakuli, mǝnana tunǝ wun nǝ ɓwamuru mala Kǝrǝsti, sǝ wu pǝlǝa wu kǝ kpata ɓe kǝ cau ɗàng ngga.

Amǝ Afisu 2:20

Sǝm dapi kat ka, sǝm dumǝna ɓala male, mǝnana à ɓè amur kusǝɓa mala amǝ'mishan andǝ amǝ'ɓangna mala Ɓakuli ka. Sǝ nggea tali mǝnana kùr kusǝɓǎ ka, nda Kǝrǝsti Yesu nǝ nggearǝì.

Amǝ Afisu 6:18

Wu pak hiwi aɓa Bangŋo a koya pwari, nǝ ko ya ulang hiwi andǝ zǝmbǝa amur koya gir kat. Wu dum nǝ tsǝkiru, wu lidǝmbǝa nǝ hiwi ace amǝ kpata Ɓakuli mǝnana a koya ban ngga.

Amǝ Filipi 1:5

acemǝnana wu pam gbasha aɓa hamnǝ Cau Amsǝban mala Kǝrǝsti, twalo a bu-pwari mǝnana wu tita oe ka, yi puro adyan.

Amǝ Kolosi 1:23

Sǝa ma dumǝna púp wu nǝ̀ lidǝmbǝa nǝ earnǝ mǝno yì mǝsǝcau ka, andǝ tamsǝ kusǝ wun kàngkàng amuri. Wu kǝa tusǝ kusǝ wun arǝ tsǝkɓalǝu mǝnana wu oe aɓa Cau Amsǝban ngga ɗang. Mǝnia yì Cau Amsǝban ngga à hamǝna nǝi a koya bum-ban a ɓanza, sǝ àkǝ̀ ce sǝ mim Bulǝs ka, ǝn duk guro mala Ɓakuli, ace hamnǝi.

Amǝ Kolosi 4:2

Wu pa ɓamur rǝ wun arǝ pak hiwi, sǝ aɓa pe ka wu dum nǝ parkiru andǝ ɓabum mala pak yàwá aban Ɓakuli.

2 Timoti 3:14

Sǝ we ka, lidǝmbǝa aɓa mǝsǝcau mǝnana à kanio, sǝ a earnǝi ka, acemǝnana a surǝna rǝ aɓwana mǝnana à kanio gir ka.

Amǝ Ibǝru 10:25

Sǝ ɓǝ̀ sǝm ngga burice kpapi ma'sǝm abanɓwáná, kǝla mǝnana aɓea aɓwana na aɓa ɓealǝu mala pê anggo ka ɗang. Ɓǝ̀ sǝm nggǝ ɓak ɓabuma rǝ sǝm, sǝ ɓǝ̀ sǝm pa rǝcandǝa arǝ pe kpǝm, kǝla mǝnana ado wu kǝ sǝn Pwari nyare yiu mala Mǝtalabangŋo no kǝ gbashi tu ka.

Amǝ Ibǝru 10:39

Sǝ sǝm ngga, sǝm pa aɓalǝ aɓwana mǝnana à kǝ̀ nyar nǝ nzǝmia aban ká kìɗìkì ka ɗang. Sǝm ndaka aɓwana mǝnana sǝm ndanǝ guliarǝu aban ká kum amsǝban ngga.

1 Yohana 1:3

Sǝm nggǝ na wun ce gir mǝnana mǝsǝ sǝm sǝni, sǝ kir sǝm oe ka, ace mǝnana wun gbal ka ɓǝ̀ wu kum dotarǝu nǝ sǝm. Sǝ dotarǝu ma'sǝm ngga, sǝm nda andǝ Ɓakuli Tarrû, andǝ Muni, Yesu Kǝrǝsti.

1 Yohana 1:7

Sǝa ma ɓǝ̀ sǝm gya aɓa tǎlaban, kǝla mǝnana yì ka, nda aɓa tǎlaban ngga, lǝmndǝ ama sǝm ndanǝ dotarǝu nǝ rǝarǝ sǝm, sǝ nkila mala Muni Yesu kǝ lak sǝm arǝ acauɓikea kat.

1 Yohana 2:19

Amǝnia yì aɓwana ka, à ma'sǝm na ɗang, nda gir mǝnana tsǝa sǝ à nying sǝm ngga. Ɓǝ̀ yia ka à ma'sǝm na ka, ɓǝ́ à dumǝna ata sǝm. À nying sǝm ace mǝnana ɓǝ̀ lǝmndǝ bwāng ama yia ka à ma'sǝm na raka.

Yahuda 1:20

Sǝ wun agyajam mem ngga, wu lidǝmbǝa nǝ ɓak rǝarǝ wun aɓa dokwaɗi ma'wun nggea mǝfele. Wu kǝ pak hiwi aɓa rǝcandǝa mala Bangŋo Mǝfele.