Amǝ Mishan 2:27 - Maləmce Məfele mala Ɓakuli: Kurcau Məbəshe

²⁷ We ka, a pà nǝ nying yilǝmem ɓǝ̀ ueo aɓalǝ alú ɗang, sǝ a pà wu nǝ nying guro mo Mǝfele ɓǝ̀ rǝmbǝo a ɓembe ɗang.

Amǝ Mishan 2:27 ပူးပေါင်းရင်းမြစ်များ

Matiu 11:23

Sǝ we Kapanahum ngga, ama à nǝ̀ loasǝo a kuli le? Awo, a nggearǝ nzali a tuli-lú sǝ à nǝ̀ yinǝ we. Ɓǝ̀ ama agir-ndali mana ǝn pakkia a ɓalǝo ka ǝn pangŋǝnia a Sodom ngga ɓǝ yalung ngga ndakam piu.

Markus 1:24

“We Yesu ɓwa Nazarat, mana a earkiyice arǝ sǝm? A yiua kiɗiki sǝm, a nǝ mal sǝm le? Ən surǝo, a nda Ɓwa Mǝfele mala Ɓakuli!”

Luka 1:35

Mǝturonjar eari wi ama, “Bangŋo mala Ɓakuli nǝ̀ sulǝ a muro. Rǝcandǝa mala Ɓakuli mana Karban nǝ Gulo kat ka, nǝ̀ yia zuppi a muro, sǝ Muna Mǝfele mǝnana a nǝ ɓǝli ka, à nǝ̀ tunǝi ama, Muna mala Ɓakuli.

Luka 16:23

Akano a ɓanza mala alú, aban mana kya kuti kam aɓa kwanban mala tanni mǝkǝrkǝr nì ka, loasǝ mǝsǝì sǝn Ibǝrayim kuko andǝ Liazaro a kanggari.

Luka 24:44

Pǝlǝa nea wia ama, “Mǝnia ka nda cau mǝnana ǝn bangga wun, mana sǝm nda a tarǝ sǝm ngga. Koya gir mǝnana à gilǝì a muram aɓa Nggurcau mala Musa andǝ amalǝmce mala Amǝ'ɓangna mala Ɓakuli andǝ Anggyal ka, dumǝna púp à nǝ̀ lumsǝo.”

Luka 4:34

“Oi! Mana a alkite arǝ sǝm, we Yesu Ɓwa Nazarat. A yiu ace wal sǝm le? Ən surǝna rǝo, a nda Ɓwa Mǝfele mala Ɓakuli.”

Yohana 11:39

Yesu na ama, “Wu gǝshi talî!” Sǝ Marta mǝ'eam lú ne Yesu ama, “Mǝtalabangŋo, lú ka à ci pangŋǝna nongŋo ine adyan. Rǝmban mǝɓike nǝ̀ akiban!”

Amǝ Mishan 2:26

Ace mani ka, ɓabumam nǝ̀ pakiɗire, sǝ lasǝam ngga lumsǝ nǝ bumpwasǝa; sǝ amur mǝno ka, nggūrǝam nǝ̀ usǝlǝo aɓa tsǝkɓalǝu.

Amǝ Mishan 2:28

A lǝmndǝnam anjar mala yilǝmu, sǝ do mo abanam ngga ndá nǝ̀ lumsǝam nǝ banɓoarnado ka.”

Amǝ Mishan 2:31

Dauda ka sǝnǝna gir mǝnana Ɓakuli nǝ̀ ngga pa a dǝmbǝa ka, nda gir mǝnana tsǝa sǝ na cau amur loapi ɓembe mala Kǝrǝsti ka. Yi mǝnana bangŋa ama, Ɓakuli nyi a ɓembe ɗang, sǝ nggūrǝi gbal ka rǝm raka.

Amǝ Mishan 3:14

Wu ginǝki Ɓwa Mǝɓoarne, Guro Mǝfele mala Ɓakuli, sǝ wu banggi Bilatus ama, ɓǝ̀ panzǝa wun mǝ walki alú.

Amǝ Mishan 4:27

Acemǝnana anggo sǝ Hirǝdus andǝ Buntu Bilatus kpapi kunarǝia aɓa mǝnia yì la ka. À kpapi kunarǝia andǝ aɓwana mǝnana à surǝ Ɓakuli raka, andǝ amǝ Isǝrayila kat, nǝ ɓibura arǝ Yesu, yì guro mo Mǝfele, yì ɓwa mana a ci nda Kǝrǝsti Mǝ'amsǝban ngga.

1 Amǝ Korinti 15:52

Nǝ̀ yia pa aɓa yasǝlǝban, a kaurǝa kǝla kuɓimǝsǝu, yi mǝnana à nǝ̀ twang masǝlǝata njawe ka. Ɓǝ̀ masǝlǝata njawe man ɓuana ka, aɓwana mǝnana à wuna ka, à nǝ̀ loapi ɓembe, à pà nǝ̀ wu ɗǝm ɗang. Sǝ sǝm mǝnana ado nǝ yilǝmu, sǝnǝia kat ka, à nǝ̀ nggaɗi sǝm.

1 Amǝ Korinti 15:55

“We lú, limurǝm mo ka nda ke? We lú, barya mo ka nda ke?”

1 Yohana 2:20

Sǝ wun ngga, à ɗarǝna wun nǝ Bangŋo Mǝfele, sǝ wun kat ka wu surǝna rǝ mǝsǝcau.

Sǝna 1:18

Mǝ nda mǝnana nǝ yilǝmu ka. Ɗiɗyal ka ǝn wú, sǝ sǝni, mǝ ndya nǝ amǝsǝam ngga, masǝlǝate pà kàm ɗang. Akyî mala Lú andǝ Domurǝm mala Lú ka nda aɓa buam.

Sǝna 20:13

Nggeamur ndǝli alú mǝnana a ɓalǝi ka. Lú andǝ Domurǝm mala lú ka, à pusǝ alú-aɓwana mǝnana aɓalǝia ka. Sǝ ko ya ɓwa ka, à pakki wi ɓashi arǝ aturo male mǝnana pak ka.

Sǝna 3:7

Gilǝî mǝturonjar mala ikǝlisiya mǝnana a Filadefiya ka ama: Mǝnia ka nda cautera mǝnana pur nǝban Yì ɓwa mana nda Mǝfele sǝ nda Mǝ'mǝsǝcau ka, yì ɓwa mana bwal kyî mala Dauda a bui ka. Gir mǝnana mǝnǝni ka, kǝɓwa kārǝa nǝ̀ gìrì ɗang, sǝ gir mǝnana gìrnì ka, kǝɓwa kārǝa nǝ̀ mǝnni ɗang.