Amǝ Mishan 2:23 - Maləmce Məfele mala Ɓakuli: Kurcau Məbəshe

²³ Ɓakuli surǝna rǝ gir mǝnana nǝ̀ kumban ngga, sǝ nǝ kani male, sǝ wu mak Yesu aban aɓwana mǝnana amǝ Yahudi na raka, amǝ ɗwanyi kpata Nggurcau, mǝnana à yì gballì amur nggun-gangndi, à wal-lui ka.

Amǝ Mishan 2:23 ပူးပေါင်းရင်းမြစ်များ

Matiu 20:19

À nǝ̀ tasǝi a bu aɓwana mǝnana amǝ Yahudi na raka mǝnana à nǝ̀ ɓǝsǝki, à nǝ̀ kwe, sǝ à nǝ̀ gballì a nggun-gangndi ka. A tāruia nongŋo ka nǝ̀ lo nǝ yilǝmu!

Matiu 26:24

Muna mala Ɓwa ka nǝ̀ wú kǝla mǝnana à gilǝì amuri ka. Sǝa ma caukwanban na nǝ ɓwa mana nǝ̀ mak Muna mala Ɓwa ka! Kǝpǝna mǝnia yì ɓwa ka à ɓǝli raka.”

Matiu 27:35

Asoje pǝlǝa à gballì Yesu a nggun-gangndi sǝ à kocàca amur adaura male, à gakia rǝia.

Markus 15:24

Pǝlǝa à gballì amur nggun-gangndi. À ko caca, à gaki agir-nggurǝu male.

Luka 22:22

Lú mala Muna mala Ɓwa ka nǝ̀ pa kǝla mǝnana Ɓakuli kani ka, sǝ caukwanban na nǝ ɓwa mǝnana me ka!”

Luka 22:37

Mǝ ndaban bangga wun ama cau mǝnana à gilǝì aɓa Malǝmce ama, ‘À oasǝi ata amǝ'cauɓikea’ ka, nǝ̀ lumsǝo a muram pup. E, gir mǝnana à gilǝì a muram ngga nda kǝ yiu a lumsǝo ka.”

Luka 23:33

Lang à yì bwalǝna ban mǝnana à tunǝki ama, Nkpoula Ɓamuru ka, pǝlǝa à gballì Yesu kam amur nggun-gangndi, a tarǝia andǝ amǝ'ɓealɓikea mǝnia ɓari ka, mwashat ata bui mǝli, sǝ man mwashat ka, ata bui mǝnggare.

Luka 24:20

Agbani pǝris andǝ amurǝma ma'sǝm ramte ama ɓǝa kya kasǝi wi ɓashi lú, pǝlǝa à gballì a nggun.

Yohana 19:18

Àkǝ̀ banì sǝ à gballì Yesu amur nggun-gangndi. À gballì aɓea ɓwana ɓari gbal andǝ Yesu, mwashat ata bui mǝli sǝ ɓe ka ata bui mǝnggare, sǝ Yesu na aɓa ɓalǝu.

Yohana 19:24

Pǝlǝa à nea rǝia ama, “Ɓǝ̀ sǝm ngga na ama sǝm nǝ̀ sanggi daura man ɗang, a kun mani ka ɓǝ̀ sǝm kocàca amuri, ɓwa mǝnana li ka ɓǝ̀ twali.” Mǝnia yì gir ka yi pa anggo ace mǝnana ɓǝ̀ lumsǝ cau mala Ɓakuli mǝnana bangŋa ama, “À gakia rǝia adaura mem sǝ à kocàca ace nggea-daura mem.” Mǝnia ka nda gir mǝnana asoje pe ka.

Amǝ Mishan 13:27

Aɓwana, mana nǝ́ do a Urǝshalima andǝ aɓwana-mǝgule amǝyalban malea ka, à surǝ Yesu ama yì nda Mǝ'amsǝban mǝnana amǝ'ɓangna mala Ɓakuli gilǝ cau amuri ka ɗang. A kun mani ka, à kasǝi wi ɓashi wal-lui, sǝ aɓa pě anggo ka à lumsǝna acau mala amǝ'ɓangna mala Ɓakuli mana à kǝ ɓalli a koya pwari Sabbat, sǝ a bwalte raka.

Amǝ Mishan 15:18

Mǝnia ka Mǝtalabangŋo nǝ̀ bangŋa, yì ɓwa mana pusǝ amǝnia yì agir a banfana ɗiɗyal ka.”

Amǝ Mishan 2:36

Ace mani ka, aɓwana mala amǝ Isǝrayila kat, ɓǝa sǝlǝa nǝ mǝsǝcau ama, Yesu mǝnana wu gballì amur nggun-gangndi ka, nda ɓwa mǝnana Ɓakuli ci ɓǝ̀ do nda Mǝtalabangŋo, sǝ nda Kǝrǝsti, Mǝ'amsǝban ngga!

Amǝ Mishan 3:18

Sǝ Ɓakuli ka, nda aban lumsǝ agir mǝnana bangce nǝ kun amǝ'ɓangna male ama, Kǝrǝsti nǝ̀ nu tanni ka.

Amǝ Mishan 4:28

Sǝ gir mǝnana yia à pak kat ka, nda gir mǝnana we, aɓa rǝcandǝa andǝ kane mo ka, a tsǝa ama anggo sǝ nǝ̀ yia pa.

Amǝ Mishan 5:28

ama, “Sǝm nunkir wun nǝ rǝcandǝa ama, wu kǝa na ama, wu nǝ̀ kanigir nǝ lullǝ ɓwa man ɗǝm ɗang. Ado ka wu tsǝngŋǝna kanigir ma'wun akina ban kat aɓa Urǝshalima, nyar ɗǝm ngga, wu kǝ earce tsǝa ɓǝa na ama, sǝm nda sǝm wal Yesu ka!”

Amǝ Mishan 5:30

Ɓakuli mala aká sǝm na loasǝ Yesu a ɓembe, anzǝm mǝnana wu gballì amur nggun-gangndi, wu wal-luí

Amǝ Mishan 7:52

Kǝ ɓe mǝɓangna mala Ɓakuli nakam mǝnana aká wun pe wi tanni raka le? Amǝ'ɓangna mala Ɓakuli mana a pwaryan à bangce yiu mala Mǝɓealɓoarna ka, aká wun wal-luia. Sǝ ado ka wu kurkuro nǝi, nyare wu wali wú,

Amǝ Roma 2:12

Aɓwana mǝnana amǝ Yahudi na ɗang sǝ à surǝ Nggurcau mala Ɓakuli mǝnana pe Musa raka, ɓǝa pak cauɓikea ka à nǝ̀ kiɗikea. Ɓashi malea ka, pà nǝ̀ pang nǝ Nggurcau mala Ɓakuli mǝnana à gilǝì nǝ gilǝe ka ɗang. Sǝ aɓwana mǝnana à surǝ Nggurcau ka, à nǝ̀ ɓashia wia nǝ gir mǝnana Nggurcau na ka.

Amǝ Roma 4:17

Kǝla mǝnana à gilǝì aɓa Malǝmce ka, Ɓakuli ne wi ama, “Mim ngga ǝn tsǝ́ngŋǝno a dumǝna tarrû amur aɓwana arǝ anzali pas.” Mǝnia ka pa anggo, acemǝnana Ibǝrayim earnǝ Ɓakuli mana kǝ loasǝ alú nǝ yilǝmu sǝ kǝ pusǝ agir mǝbǝshe aban mǝnana kǝgir pà kàm raka.

1 Amǝ Tasalonika 2:15

Yia amǝ Yahudi ka, à nda à wal-lú Mǝtalabangŋo Yesu andǝ amǝ'ɓangna mala Ɓakuli ka. Yia na à pa sǝm tanni gbal mǝnana pǝr sǝm ngga. Aɓa pakkiagir malea ka à kǝ kiɗiki ɓabum Ɓakuli. Ɗǝm ngga à nda nggaro nǝ aɓwapǝndǝa kat

1 Bitǝrus 1:2

Ɓakuli Tárru aɓa kane male ka tàr wun ɗiɗyal ɓǝ̀ wu duk aɓwana male nǝ́ turo mala Bangŋo ace oki Yesu Kǝrǝsti, andǝ kum lakban aɓa nkila male. Ɓǝ̀ Ɓakuli hatǝki wun nǝ ɓwamuru andǝ dorǝpwala.

1 Bitǝrus 1:20

Kaniama à nǝ̀ kwakita ɓanza ka, Ɓakuli tarrì, ci male ɗang. Sǝ aɓa mǝnia yì masǝlǝata apwari ka, à yì lǝmndǝni a banfana àkǝ̀ ace wun.

1 Bitǝrus 2:8

Sǝ ɗǝm ngga, “Nda tali mǝnana kǝ tsǝk ɓwapǝndǝa à kǝ anndǝ ka, tali mǝnana kǝ cia à kǝ kpa ka.” À kǝ annda, acemǝnana à kpata cau mala Ɓakuli ɗang, sǝ mǝnia ka, nda gir mǝnana Ɓakuli tsǝkia wia ka.

Yahuda 1:4

Ən bangŋa anggo acemǝnana aɓea aɓwana mana à kǝ ɓanggi Ɓakuli raka, à swarǝ́na zàng, à kutikina aɓalǝ wun. À nda ka ɓwana mǝnana à nyesǝ ɓwamuru mala Ɓakuli ma'sǝm pǝlǝia wia njar pakki agirɓana mala nonggi nǝ rǝarǝu, sǝ à kǝ ginǝki kǝ Múr sǝm, Mǝtala sǝm, Yesu Kǝrǝsti. Ɓashi mǝnana nda amuria ka Ɓakuli angŋa dǝmbǝa gilǝni ɓara-ɓara.

Sǝna 13:8

Aɓwana kat mǝnana à ndanǝ do a ɓanza ka, à nǝ̀ peri aban nyamɓikea, yì aɓwana mǝnana tite a share ɓanza ka, lullǝia pà kàm a gilǝe aɓa Malǝmce raka, yì Malǝmce Yilǝmu mala Mǝgam mǝnana à pwan meali ka.