Amǝ Mishan 2:20 - Maləmce Məfele mala Ɓakuli: Kurcau Məbəshe

²⁰ Pwari nǝ̀ pǝlǝ pǝndǝa, sǝ zongŋo nǝ̀ pǝlǝ mǝbangŋe kǝla nkila, sǝ Pwari Mǝgule andǝ Mǝɓoarɓwe mala Mǝtalabangŋo nǝ̀ yia tusǝo.

Amǝ Mishan 2:20 ပူးပေါင်းရင်းမြစ်များ

Matiu 24:29

Tu àkǝ̀ nzǝm tanni mǝnana aɓalǝ amǝno yì anonggeo ka, “Pǝndǝa nǝ̀ gir ɓamǝsǝ pwari, sǝ zongŋo ka pà nǝ̀ ta ɗǝm ɗang; anlero nǝ̀ puri kuli à nǝ̀ kpa, sǝ arǝcandǝa mǝnana a bumkuli ka à nǝ̀ dǝurǝkio.”

Matiu 27:45

Nǝ bu-pwari lum-nong-ɓari mala pwari ka kara pǝndǝa yi gir ban, yi pur a bu-pwari tārú.

Markus 13:24

Aɓalǝ amǝno yia anonggeo anzǝm nggea tanni ka, À nǝ̀ kongsǝ pwari aɓa pǝndǝa. Sǝ zongŋo ka pà nǝ̀ ta ɗang.

Luka 21:25

Agir-lǝmndǝa nǝ̀ purkio aɓa pwari, andǝ zongŋo andǝ anlero. A ɓanza ka ɓwapǝndǝa kat nǝ̀ do nǝ ɓalǝkasǝkya andǝ gakia mala ɗenyicau, à nǝ̀ pǝlǝ nǝ ɓalǝia ɓà nǝ ɓangciu arǝ songnǝo mala nggeamur andǝ eaki-nkono male.

Amǝ Mishan 2:19

Mǝ nǝ pakki agir- gyambǝliban a kuli andǝ agir-ndali a nzali. À nǝ̀ sǝn nkila, andǝ bǝsa, andǝ apǝrɓang-yelebǝsa.

Amǝ Mishan 2:21

Sǝ ɓwa mǝnana kat ɓua aban Mǝtalabangŋo ka, nǝ̀ kum auwa.”

1 Amǝ Korinti 5:5

wu pusǝ mǝnia yì ɓwa ka, wu turi a ɓabu Shetan, ace mǝnana ɓǝa kiɗiki nggūrǝi mǝnana pakkina cauɓikea nǝi ka, sǝ yilǝmi ka ɓǝ̀ kum auwa a Pwari nyare yiu mala Mǝtalabangŋo.

1 Amǝ Tasalonika 5:2

Acemǝnana wun nǝ ɓamur rǝ wun ngga, wu sǝlǝna ama pwari mǝnana Mǝtalabangŋo ci nǝ̀ yiu nǝi ka, nǝ̀ yiu kǝla yiu mala mǝn'i nǝ du.

2 Bitǝrus 3:10

Sǝa ma pwari mala Mǝtalabangŋo ka, nǝ̀ yiu kǝla yiu mala mǝn'i. A pwari mǝno ka kuli nǝ̀ ndǝrmya nǝ gǝggǝli mǝcande, sǝ agir mǝnana a kuli ka à nǝ̀ pì kǝring a bǝsa, à nǝ̀ kiɗikea, sǝ ɓanza andǝ aturo mǝnana a ɓalǝi ka à nǝ̀ nong kwas.

2 Bitǝrus 3:7

Nǝ́ kǝ cau mǝ'mwashati ka, kuli andǝ ɓanza mana ado ndakam ngga, cia nǝ tsǝa ace kiɗikia nǝ bǝsa. À cia nǝ tsǝa ace pwari ɓashi mǝnana Ɓakuli nǝ̀ kiɗiki aɓwana mana à pànǝ ulang do male raka.

Sǝna 16:8

Inea mǝturonjar solǝ gir ɓa tasau male amur pwari, sǝ pwari tita pisǝki aɓwana nǝ bǝsa.

Sǝna 6:12

Mǝ ndarǝ sǝne sǝ Mǝgam fasǝ tongno-nong-mwashatia gbatali myang. Kara nzali dǝurǝki kǝrkǝr. Pwari twalo pǝndǝ cikcik kǝla nggurbyau pǝndǝa, zongŋo pǝlǝ mǝbangŋe kǝla nkila,