Amǝ Mishan 2:17 - Maləmce Məfele mala Ɓakuli: Kurcau Məbəshe

¹⁷ “Ɓakuli bangŋa ama, a masǝlǝata apwari ka, Mǝ nǝ sulǝ Bangŋo mem amur ɓwapǝndǝa kat. Amuna-burana andǝ amuna- mamǝna ma'wun, à nǝ̀ na gì Ɓakuli. Alaggana ma'wun nǝ̀ sǝn sǝna aɓa bangŋo, sǝ aɓwana-mǝgule nǝ̀ lorǝ alorǝo.

Amǝ Mishan 2:17 ပူးပေါင်းရင်းမြစ်များ

Luka 3:6

Sǝ ɓwapǝndǝa kat ka nǝ̀ sǝn amsǝban mala Ɓakuli!’ ”

Yohana 17:2

A panì wi rǝcandǝa amur ɓanza kat, ɓǝ̀ pea aɓwana mǝnana a yinǝia abani ɓǝa duk amǝkpate ka, yilǝmu mǝnana málá male pà kàm raka.

Yohana 7:39

Yesu naban na cau amur kǝ Bangŋo mǝnana aɓwana mana à pà ɓamuria abani ka, à nǝ̀ ngga kum ngga. Sǝ a pwari mǝno gbal anggo ka à malaká pà Bangŋo ni ɗang, acemǝnana Yesu malaká loapi ɓembe kutia aɓa gulo male peatu raka.

Amǝ Mishan 10:45

Amǝ Yahudi mǝnana amǝkwaɗi na, mana à yiu andǝ Bitǝrus nǝ Jopa ka, à ndali nǝ sulǝo mala Bangŋo Mǝfele amur aɓwana mana amǝ Yahudi na raka.

Amǝ Mishan 11:27

Àkǝ̀ ɓalǝ anongge mǝno ka aɓea amǝ'ɓangna mala Ɓakuli pur a Urǝshalima sǝ à wario a Antiyok.

Amǝ Mishan 11:28

Mwashat aɓalǝia, à tunǝki ama Agabus, lo came aɓa rǝcandǝa mala Bangŋo mala Ɓakuli bangŋa ama, nzala mǝgule na nǝ̀ yia kpa a bu ɓanza mǝno ka kat. (Anggo sǝ gir nî yi lumsǝo, nzala kpa a baku mana Kǝlaudiyus nda murǝm mǝgule ka).

Amǝ Mishan 2:16

Awo, gir mǝnana ado wu sǝni ka, à angŋa dǝmbǝa à naná ce, a pwaryan, a kun mǝɓangna mala Ɓakuli kǝla Joyel, ama:

Amǝ Mishan 2:18

Arǝ apwari mǝno ka, mǝ nǝ sulǝ Bangŋo mem amur aguro mem, aburana andǝ amamǝna, sǝ à nǝ̀ na gì Ɓakuli.

Amǝ Mishan 2:33

Ado ka à loasǝni, à tsǝngŋǝni a buno-gulo a bu-mǝli mala Ɓakuli Tarrí. Sǝ Ɓakuli pani wi Bangŋo Mǝfele, kǝla mǝnana bangŋa ama nǝ̀ pà ka. Gir mǝnana ado wu sǝna sǝ wu ok ka, nda ɓoro male mǝnana yi soapa sǝm amur ngga.

Amǝ Mishan 21:9

Yì ka, ndanǝ ansarina ine mǝnana ko yana atea ka ndanǝ ɓoro mala ɓangna; à kǝ bang cau mala Ɓakuli mǝnana Bangŋo Mǝfele lǝmndǝia wia ka.

Amǝ Roma 5:5

Sǝ mǝnia yì tsǝkɓalǝu ka, pà nǝ̀ tsǝa sǝm nǝ̀ nu kǝsǝkya ɗang, acemǝnana Ɓakuli pana sǝm ɓoro male, yì Bangŋo Mǝfele, ɓǝ̀ lumsǝ ɓabum sǝm nǝ earcearǝu male.

1 Amǝ Korinti 12:10

Ɓe ɓwa ka, Bangŋo pe wi rǝcandǝa mala pakki agir-ndǝlǝki; ɓeɓwa ka, pe wi na gi Ɓakuli. Ɓe ɓwa ka, pe wi sǝlǝe mala gau nre bangŋo mǝɓafoe andǝ mǝ'nyirì. Ɓe ɓwa ka, pe wi nacau nǝ aɓea a kun, sǝ ɓeɓwa ka, pe wi sǝlǝ mala mǝnggi ɓalǝ acau mǝnana à ne nǝ aɓea a kun ngga.

1 Amǝ Korinti 12:28

Aɓa ikǝlisiya ka Ɓakuli tsǝngŋǝna aɓwana arǝ abancame. A bancame mǝdǝmbe ka amǝ'mishan na. A ɓaria bancame ka, amǝ'ɓangna mala Ɓakuli na. A tāruia bancame ka, amǝkanigir na. Acilia mǝnana à kpatea ka à nda ka amǝ'pakki agir-ndǝlǝki, andǝ amǝnana à pea wia rǝcandǝa mala twalban rǝkwana ka. Aɓea ɓwana ka, gandǝrǝu mala bwali aɓwana na, andǝ amǝnana malea ka yal aɓwana na ka, sǝ aɓea ɓwana ka, amǝ na akún-takuli ɗàngɗáng na.

Amǝ Ibǝru 1:2

Sǝ a masǝlǝata nza man ngga, yi na cau nǝ sǝm, nǝ mburkun Muni, mǝnana twali ɓǝ̀ yì duk mǝliɓala na amur girbunda kat, sǝ nǝ́ yi sǝ pusǝ kuli andǝ nzali ka.

Jemis 5:3

Agirkuma ma'wun mǝnana à pea nǝ azǝrfa andǝ zǝnariya ka, sásà linia. Sǝ mǝno yì sásà ka nda mana nǝ̀ yinǝ nakun ɓashi amur wun, sǝ nǝ̀ li nyam wun kǝla bǝsa ka. Wu ramǝni ɓamur rǝ wun gǝna aɓa mǝnia yì ɓanza kǝ ká nǝ ká masǝlǝate ka.

2 Bitǝrus 3:3

Gir mǝnana wu nǝ̀ sǝlǝa a dǝmbe ka, nda mǝnana ama, a masǝlǝata apwari ka, amǝ'oalban nǝ̀ yia pusǝ rǝia, à nǝ̀ nggǝ oal mǝsǝcau, sǝ à nǝ̀ nggǝ kpata suno malea mǝ'cauɓike.