Amǝ Mishan 19:9 - Maləmce Məfele mala Ɓakuli: Kurcau Məbəshe

⁹ Sǝ aɓea aɓwana ka à candǝkicau à ɓinǝ paɓamuria, à kǝ naki acau mǝɓane amur Njar kpata Mǝtalabangŋo, a ɓadǝmbǝ aɓwana. Pǝlǝa Bulǝs ɗekia, pwan amǝkpata Yesu à o andǝia, sǝ a koya pwari ka kǝ sǝnggi ɓalǝ acau andǝia aɓa ndà-kanigir mala Tiranus.

Amǝ Mishan 19:9 ပူးပေါင်းရင်းမြစ်များ

Matiu 15:14

Wu ɗekia; yia ka à ndaka ante mana à kǝ bwali ante gara ka. Ɓǝ̀ nte bwali nte gara ka, yia kǝm ngga à nǝ̀ kpa tūli.”

Matiu 16:4

Nza mala amǝ'ɓealɓikea andǝ amǝ'ɗwanyi ɓanggi Ɓakuli na à alkiyita gir mana à nǝ̀ sǝn ngga. Sǝ à pà nǝ̀ lǝmndǝia ɓe kǝ gir'lǝmndǝa ɗang, she kǝ mala Yunana. Yesu pǝlǝa nyia o.

Matiu 26:55

Yesu nê ɓwabunda mǝnana yiua bwale ka ama, “Wu yiu nǝ anggea-byau andǝ agara ace bwalam kǝla mǝ nda mǝyàl-nzongcau? Ko aya pwari ka ǝn nggǝ do aɓa Ndàmǝgule mala Ɓakuli aban kanigir, sǝ wu bwalam ɗang.

Yohana 12:40

Mǝtalabangŋo girkina amǝsǝia, ɗǝm ngga girkina ɓabumia. Girkia ace mǝnana amǝsǝia ɓǝa kǝa sǝnban ɗang, sǝ ɓabumia ɓǝ̀ kǝa kum sǝlǝe ɗang, sǝ à pà nǝ̀ nyàr abanam ace mǝnana ɓǝn sonzǝia ka raka.

Amǝ Mishan 11:26

Lang kumǝni ka, twali wari nǝi a Antiyok. Yia kǝm à pak pǝlǝa mwashat aban amǝkwaɗi aban kani aɓwana pas cau mala Ɓakuli. Àkǝ̀ Antiyok sǝ à tita tunǝ amǝkwaɗi ama a Kǝrǝsta.

Amǝ Mishan 14:4

Sǝ aɓwana mana a mǝnia yì nggeala ka, à gau banì ɓari: aɓea ɓwana ka à nda ta amǝ Yahudi, sǝ acilia ka à nda ta amǝ'mishan.

Amǝ Mishan 17:4

Aɓea amǝ Yahudi kum jeban mala Ɓakuli a ɓabumia pǝlǝa à kpapi muria andǝa Bulǝs andǝ Silas. Anggo gbal sǝ aɓwana-mǝgule amamǝna andǝ aɓwana pas amǝ Gǝrik, mana à kǝ peri aban Ɓakuli ka, à pu ata Bulǝs andǝ Silas.

Amǝ Mishan 19:23

Àkǝ̀ ɓalǝ anonggeo mǝno ka, nggea loasǝban lo kǝrkǝr aɓa Afisu amur cau mala kpata Njar mala Mǝtalabangŋo.

Amǝ Mishan 19:30

Bulǝs nǝ ɓamuri ka earce ama nǝ̀ ká a ɓadǝmbǝ aɓwabunda aban kpapi nǝ̀ bangcau nǝia, sǝ amǝkpata Ɓakuli pǝrki.

Amǝ Mishan 20:31

Ace mani ka, wu tsǝkir wun pepe! Wu ɗenyi ama, nǝ amǝrǝm a mǝsǝam, du andǝ pwari, mǝ nda aban kani ko yan ata wun ngga cau mala Ɓakuli kat ba apǝlǝa tārú.

Amǝ Mishan 22:4

Ən pea amǝ kpata Njar mala Mǝtalabangŋo tanni kǝrkǝr. Aɓea atea ka ǝn walia à wu tam-tam. Sǝ aɓea, aburana andǝ amamǝna ka, ǝn bwalkia ǝn turia aɓa ndàkurban.

Amǝ Mishan 24:21

Kǝ cau mwashat mǝnana à nǝ̀ yiu nǝi a rǝam ngga nda mǝnana ama ǝn loasǝ giem aɓa ndaɓashi aban na ama: “Mǝ ndaban cam ɓashi a ɓadǝm wun yalung ace earnǝ cau mǝnana mǝ ndanǝi ama alú nǝ̀ lo a ɓembe nǝ yilǝmu ka!”

Amǝ Mishan 28:22

Sǝa ma sǝm ngga sǝm nggǝ earce surǝ gir mǝnana a ndanǝi a bumo ka, acemǝnana sǝm sǝlǝna ama arǝ aban kat aɓwana kǝ naki acau mǝɓane amur mǝnia yì njargula kpata Yesu ka.”

Amǝ Mishan 7:51

Wun amǝ murcandǝa, andǝ amǝ ɗwanyi surǝ Ɓakuli aɓa ɗenyicau ma'wun! Kir wun dǝmbǝri aban ok cau mala Ɓakuli fat! Wu nda kǝla aká wun gbal, wu camarǝ mgbiki Bangŋo Mǝfele kiru!

Amǝ Mishan 9:2

kya zǝmbǝi wi ɓǝ̀ pe wi acautera aban ká aban aɓwana-mǝgule mala andakpapi mala amǝ Yahudi, mana a nggeala Damaska ka. Pa anggo ace mǝnana ɓǝa eari wi, ɓǝ̀ wario sǝ kum koya ɓwa, mana kǝ kwaɗi Njar mala Mǝtalabangŋo, ko aburana ko amamǝna ka, nǝ̀ bwalkia, nǝ̀ tākia abuia nǝ̀ um nǝia a Urǝshalima.

Amǝ Roma 11:7

Sǝ ado ka mana sǝm bang le? Ani sǝ ce pa, bangula amǝ Isǝrayila ka, à kum ɓwamuru mala Ɓakuli mǝnana à alkiyite ka ɗang. Aɓwana aɓalǝia mǝnana Ɓakuli tàrria ka, à nda à kum ngga. Acilia ka ɓabumia tǝra, à mgbikiru arǝ tunǝban mala Ɓakuli.

Amǝ Roma 9:18

Ace mani ka, Ɓakuli kǝ lǝmndǝ ɓwamuru male amur ko yana eare nǝ̀ lǝmndǝì ɓwamuru ka, sǝ kǝ candǝ mur ɓwa mǝnana eare nǝ̀ candǝ muri ka.

1 Amǝ Korinti 16:9

Anjar mala pakki aturo na pas kani, sǝa ma aɓibura gbal ka, à cambam kingging.

1 Timoti 6:5

Amǝnia yia aɓwana ka à nda aɓa yinǝ do mǝɓike koya pwari ka. Ɓabumia pǝndǝkina nǝ ɓealɓikea andǝ ɗwanyi kpata gir a njari andǝ mǝsǝcau. Abania ka, kpata Ɓakuli ka, njar mala ram gǝna na.

2 Timoti 1:15

Kǝla mǝnana a sǝlǝna ka, aɓwana mǝnana a bu-nzali Asiya ka, à pǝlǝna nzǝmia a rǝam kat à nyingŋǝnam. Ko nggearǝ Fijelus andǝ Hamojenis gbal ka, à nyingŋǝnam.

2 Timoti 3:5

À nǝ̀ lǝmndǝi a nza kǝla yia ka aɓwana mala Ɓakuli na, sǝ à ɓinǝ pà ɓamuria arǝ rǝcandǝa mala Ɓakuli mǝnana nǝ̀ cia à nǝ̀ duk do mala amǝkwaɗi ka. A ulang amǝnia yì aɓwana ka, wu ɓanggi bania.

2 Timoti 4:2

We ka, hamnǝ cau mala Ɓakuli. Do aɓa gilǝrǝu ace mǝnia yì turo ka, ko njar na kam ko pà kàm ɗang. Lǝmndǝi aɓwana ɓwarkio malea, nunkiria, sǝ wu ɓak ɓabumia nǝ munyi mǝgule andǝ kwarkiru ɓukɓuk.

Amǝ Ibǝru 3:13

Dumǝna ama wu nǝ̀ nggǝ ɓak ɓabum arǝ wun a koya pwari mǝnana à nǝ̀ tunǝi ama “Yalung” ngga, ace mǝnana ɓǝ̀ cauɓikea ɓǝ̀ kǝa swarki kǝ̀ ɓwa ata wun, ɓǝ̀ dum nǝ murcandǝa arǝ Ɓakuli ɗang.

2 Bitǝrus 2:12

Amǝnia yì amǝkanigir mǝ'nyirì ka, à kǝ gyata oe malea a rǝǔ, kǝla anyamɓikea mǝnana à pànǝ ɗenyicau raka, mana à pusǝia ace mǝnana ɓǝa bwalia ɓǝa wallia ka. À kǝ na mǝɓane amur gir mǝnana à bwalta kusǝì raka, sǝ acemǝnana à nda kǝla agirkusǝu ka, à nǝ̀ kiɗikia.

2 Bitǝrus 2:2

Aɓwana pas nǝ̀ kpata kusǝia mala ɓiki do kìɗìkì mala nongginǝ-rǝarǝu, sǝ ace amǝnia yì amǝkanigir mǝ'nyirì ka, aɓwana nǝ̀ ɓǝsǝki njar mala mǝsǝcau.

Yahuda 1:10

Sǝ amǝnia yì aɓwana ka, à kǝ bangcau nǝ ɓǝsǝkiban amur agir mǝnana à bwaltea raka. Sǝ agir mǝnana à bwaltea nǝ gyata oe malea a rǝǔ, andǝ ɗwanyi ɗenyicau kǝla agirkusǝu ka, à ndaka kǝ gir mǝnana à kǝ kiɗikia ka.