Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Amǝ Mishan 19:29 - Maləmce Məfele mala Ɓakuli: Kurcau Məbəshe

29 Zuku ka, loasǝban mǝno akinaban, ɓa nggeala kat lo cam nǝ kusǝì. Ɓwabunda nyāri, à pur nǝ mire aban ká a bankpapi mala nggeala. À bwal aburana ɓari, Gayus andǝ Aristakus, aɓi amǝ gya mala Bulǝs, mǝnana à pur a Masǝdoniya sǝ à yiu ka. À nunggia à um nǝia a bankpapi.

အခန်းကိုကြည့်ပါ။ ကော်ပီ




Amǝ Mishan 19:29
19 ပူးပေါင်းရင်းမြစ်များ  

Lang à kya bwalǝna Salamis ka, à hamnǝ cau mala Ɓakuli arǝ andakpapi mala amǝ Yahudi. Yohana Markus wario atea ace mǝnana ɓǝ̀ bwalia wia turo mishan ngga.


Akano ka sǝm eauwe a nza aban ká a Filipi, ɓe nggeala mǝgule mala bu-nzali Masǝdoniya aɓa nzali domurǝm mala amǝ Roma. Sǝm pakki aɓea anonggeo akano.


A bu mǝno yì du ka, Bulǝs kum sǝnǝ aɓa Bangŋo; sǝn ɓeɓwa mala bu-nzali Masǝdoniya aban came, aban zǝmbǝi wi ama, “Yiu a Masǝdoniya, yiu bwala sǝm!”


Lang amǝtala nggeala andǝ aɓwabunda nǝ̀ ok anggo ka, kara bumia lullo à lo aban loasǝban.


Anzǝm amǝno yì agir ka, Bulǝs kum ɗenyicau a ɓabumi ama ɓǝ̀ kar aɓalǝ abu-nzali Masǝdoniya andǝ Akaya sǝ ɓǝ̀ kutio ɓǝ̀ kyane a Urǝshalima. Na ama, “Anzǝm mana ɓǝ̀ ǝn warina a Urǝshalima ka, dumǝnam púp mǝ nǝ kutio, mǝ ká gbal a Roma.”


Nda gir mana tsǝa sǝ tasǝ Timoti andǝ Arasǝtus a Masǝdoniya, yia ɓari aɓalǝ aɓwana mana à kǝ bwali wi turo ka. Sǝ yì ka, do a bu-nzali Asiya banì ɓine sau zuku.


Ɓwabunda mana ram ngga, à twalo à zurǝki nǝ loasǝban: aɓea aɓwana ka à kǝ na cau bang-bang amur ɓe gir, sǝ aɓea aɓwana gbal ka à kǝ na malea ɗang. Yale banggulea ka à surǝ gir mǝnana tsǝa sǝ à yiu à yì ram ngga ɗang.


Sǝ wun, nǝ́ ɓamur rǝ wun ngga, wu sǝlǝna ama, nǝ́ abuam mǝnia ka, sǝ ǝn nggǝ kum girlina mǝnana mǝ nǝ li sǝnǝ aɓwana mana sǝm nda sǝnǝia ka.


Aɓea burana mǝnana à o ate ka à ndaka Sopata, muna mala Pirus ɓwa Biriya, andǝ Aristakus andǝ Sekundus amǝnana à pur nǝ nggeala Tasalonika ka. Gayus ɓwa Dabe, andǝ Tikikus andǝ Tǝrofimus, amana à pur a bu-nzali mala Asiya ka, à o ate gbal, yia andǝ Timoti.


Ban zunggǝli aɓa nggeala kat, sǝ ɓwapǝndǝa purkio nǝ mire, à yì rambǝa. À yì gbami Bulǝs, à nunggi à pusǝì a nza nǝ Ndàmǝgule mala Ɓakuli, pǝlǝa à girki akun-nda a kaurǝa.


A nda ɓwa Masar mǝnana mbo lo aɓalǝ apwari mǝno nǝ mgbicau arǝ nggwamnati, pwan amǝ walki-alú á-ine ate nǝ agirmunǝo, um nǝia a ɓabondo ka re?”


Pǝlǝa sǝm kutio aɓa waru mǝnana puro a nggeala Adǝrametiyom, sǝ lo gya nǝ̀ ngga karkya arǝ aban-kpashia mala awaru akun nggeamur mala bu-nzali Asiya ka. Sǝm lo gya sǝm puro aɓa nggeamur. Aristakus, yì ɓwa mǝnana pur nǝ nggeala Tasalonika aɓa bu-nzali Masǝdoniya ka, nda ata sǝm.


Gayus, ɓwa mǝnana ǝn sulǝo a ɓala male, sǝ a ɓala male sǝ amǝkpata Ɓakuli mana akani kǝ̀ kpapi ka, kǝ̀ makka wun kun. Arasǝtus, mǝ'tsǝk boalo mala nggeala, andǝ mǝ'eam sǝm Kwartus, à kǝ makka wun kun.


Mim ngga, ǝn pakki Ɓakuli yàwá, acemǝnana ǝn pakki kǝɓwa ata wun batisǝma ɗang. Kǝ Kǝrispus andǝ Gayus na mǝnana ǝn pakkia wia batisǝma ka.


Ən nggǝ sǝni kǝla Ɓakuli tsǝk sǝm, sǝm amǝ'mishan, a masǝlǝata agir kat, sǝm duk agir sǝna. Sǝm do kǝla aɓwana mǝnana à kasǝia wia ɓashi-lú a ɓamǝsǝ ɓwapǝndǝa kat andǝ amǝturonjar ka.


Ɗǝm ngga, amǝno yì a'ikǝlisiya ka à twalǝna mǝnia yì mǝ'eamrǝarǝu ka ɓǝ̀ duk ɓi sǝm mǝturo aɓa gya ma'sǝm. Yì ka, ɓǝà angŋa dǝmbǝa à warina a Korinti ka, sǝm nǝ̀ ngga o sǝnǝia a Urǝshalima nǝ ɓoro, ace gusǝlǝ Mǝtalabangŋo, andǝ lǝmndǝ pà ɓamuru ma'sǝm arǝ bwaliarǝu kam.


Aristakus mǝnana nda kani atam a ndàkurban ngga, kǝ makka wun kun, anggo gbal sǝ Markus mǝnana kèa mwashat andǝ Barnabas ka, kǝ makka wun kun. Kǝla mǝnana à bangŋǝna wun cau amuri yì Markus ka, ɓǝ̀ yina ka wu gingsǝi caca.


Sǝ anggo gbal, sǝ Markus, andǝ Aristakus, andǝ Dimas andǝ Luka, aɓeam amǝturo.


Mǝnia yì cautera ka, pur nǝ banam, mim ɓwamǝgule Yohana aban ká aban Gayus, gyajam mem mǝ'mǝsǝcau nì, mǝnana ǝn earkiyi ace raka.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ