Amǝ Mishan 19:26 - Maləmce Məfele mala Ɓakuli: Kurcau Məbəshe

²⁶ A dyan ngga, wu nda wu kǝ sǝni sǝ wu kǝ oe nǝ akir wun, gir mǝnana mǝnia yì ɓwa à tunǝki ama Bulǝs kǝ pe ka. Nda ban na ama agir mǝnana aɓwapǝndǝa pe nǝ buia sǝ à kǝ peri abania ka, agir na à nǝ̀ peri abania ɗang ko bǝti, sǝ nda kǝ̀ pwan ɓabum ɓwapǝndǝa ka. Tsǝngŋǝnia à ɓwarkini tanjar akani aɓa Afisu andǝ bu-nzali Asiya kat.

Amǝ Mishan 19:26 ပူးပေါင်းရင်းမြစ်များ

Amǝ Mishan 14:15

Wun aɓwana, palang sǝ wu kǝ pak mǝnia yì gir ka? Sǝm gbal ka sǝm ndaka ɓwapǝndǝa kǝla wun. Sǝm yina wun nǝ Cau Amsǝban mala Ɓakuli. Cau mǝnana ama ɓǝ̀ wu nying kpata amǝnia yì agir mǝɓane mǝnana à panǝ yilǝmu raka. Wu nyare aban Ɓakuli mana nǝ yilǝmu, yì ɓwa mǝnana pusǝ kuli, andǝ nzali, andǝ nggeamur andǝ agir mǝnana aɓalǝia kat ka.

Amǝ Mishan 17:29

Sǝ acemǝnana sǝm ndaka muna mala Ɓakuli ka, ɓǝ̀ sǝm ngga sǝni ama Ɓakuli na kǝla ɓǝ̀nzál mana à ɓeì nǝ bolo, ko tali, aɓa nyoule ko sǝlǝpe mala ɓwapǝndǝa ka ɗang.

Amǝ Mishan 18:19

Lang à yì bwal nggeala Afisu ka, Bulǝs nying a Pǝrisǝla andǝ Akila aɓa waru. Sǝ kutio wario a ndakpapi aban naki acau andǝ amǝ Yahudi.

Amǝ Mishan 19:1

Mǝnana Apolo na aɓa Korinti ka, Bulǝs twal bǝri gya arǝ abuban, kya puro a Afisu. Abanì sǝ kum aɓea amǝkpata Yesu,

Amǝ Mishan 19:10

Bulǝs lidǝmbǝa nǝ kanigir a mǝno yì ndà-kanigir ka, kya bwal pǝlǝa ɓari, sǝ ace mǝno ka aɓwana kat mana nǝ do a bu-nzali mala Asiya ka, amǝ Yahudi andǝ amǝ Gǝrik, à ok cau mala Mǝtalabangŋo.

Amǝ Mishan 19:25

Pǝlǝa Demitǝrǝyus tunǝ kpapi mala aɓwana kat mǝnana à nda aɓa ulang mǝno yì turobu malea ka, sǝ nea wia ama: Wun aburana, wu sǝlǝ ama kume ma'sǝm ngga àkǝ̀ ban mǝnia yì turo sǝ sǝm nggǝ kumi.

1 Amǝ Korinti 12:2

Wun ngga, wu sǝlǝna ama ɗiɗyal mǝnana wu nda ka aɓwana aɓa do ɗwanyi surǝ Ɓakuli ka, à ɓosǝki kusǝ wun aban peri ata ankúl mǝnana à kǝ na cau raka.

1 Amǝ Korinti 8:4

Ace mani ka, amur cau mala li girlina mǝnana à ɗarǝna ankúl nǝi ka, sǝm sǝlǝna ama kǝ nkúl pà kàm a ɓanza mǝnia mǝnana à nǝ̀ na kàngkàng ama ndanǝ yilǝmu ka ɗang. Sǝ Ɓakuli ka, kǝ nda mwashat, kǝ ɓe pà kàm ɗang.

Amǝ Galati 4:8

Ɗiɗyal, mǝnana wu malaká surǝ Ɓakuli raka, wu nda ka aguro mala agir mǝnana aɓa mǝsǝcau ka a Ɓakuli na raka.

1 Amǝ Tasalonika 1:9

Aɓwana nǝ ɓamuria na à cama rǝ na cau mala agir mǝɓoarne mana wu pak kat ace ak sǝm, mana sǝm waria sǝn wun ngga. À bang ce vwakibu ma'wun arǝ ankúl ace kpata Ɓakuli mǝ'mǝsǝcau nì andǝ mǝyilǝmuì.

Sǝna 9:20

Cili ɓwapǝndǝa mǝnana auwa, agirpatanni mǝnia walia raka, à ginǝ pak bumkiɗikea arǝ aɓealɓikea malea, à ginǝ nyare aban Ɓakuli. À lidǝmbǝa nǝ peri a ɓadǝmbǝ akukwar andǝ ankúl mala zǝnariya andǝ azǝrfa, andǝ bolobangŋa, andǝ tali, andǝ nggun; amǝnana à kǝ sǝnban ɗang, à kǝ okban ɗang, sǝ à kǝ ging raka!