Amǝ Mishan 19:23 - Maləmce Məfele mala Ɓakuli: Kurcau Məbəshe

²³ Àkǝ̀ ɓalǝ anonggeo mǝno ka, nggea loasǝban lo kǝrkǝr aɓa Afisu amur cau mala kpata Njar mala Mǝtalabangŋo.

Amǝ Mishan 19:23 ပူးပေါင်းရင်းမြစ်များ

Amǝ Mishan 18:26

Pǝlǝa Apolo tita nacau nǝ rǝcandǝa a ndakpapi. Lang Pǝrisǝla andǝ Akila okcau mana kǝ na ka, à tunǝi à o andǝi a ɓala malea, à kya mǝnggi wi ɓa njar mala Ɓakuli pepe.

Amǝ Mishan 19:9

Sǝ aɓea aɓwana ka à candǝkicau à ɓinǝ paɓamuria, à kǝ naki acau mǝɓane amur Njar kpata Mǝtalabangŋo, a ɓadǝmbǝ aɓwana. Pǝlǝa Bulǝs ɗekia, pwan amǝkpata Yesu à o andǝia, sǝ a koya pwari ka kǝ sǝnggi ɓalǝ acau andǝia aɓa ndà-kanigir mala Tiranus.

Amǝ Mishan 22:4

Ən pea amǝ kpata Njar mala Mǝtalabangŋo tanni kǝrkǝr. Aɓea atea ka ǝn walia à wu tam-tam. Sǝ aɓea, aburana andǝ amamǝna ka, ǝn bwalkia ǝn turia aɓa ndàkurban.

Amǝ Mishan 24:14

Ən earǝna mbak ama ǝn nggǝ kpata Ɓakuli mala aká sǝm, aɓa kpata Njar mǝnana yia ka à twali ama mǝɓafoe na raka. Sǝ mim ngga ǝn earnǝ agir kat mǝnana à gilǝa aɓa Nggurcau mala Musa andǝa mǝnana aɓalǝa Malǝmce mala amǝ'ɓangna mala Ɓakuli ka.

Amǝ Mishan 24:22

Pǝlǝa Felis, mǝtala-nzali mǝnana sǝlǝna cau mala kpata Njar mala Yesu ka, gìr cau, bangŋa ama, “Ɓǝ̀ mǝsarǝban mala asoje, yì Lisiyas yina ka, sǝ mǝ nǝ kasǝ cau ma'wun.”

Amǝ Mishan 9:2

kya zǝmbǝi wi ɓǝ̀ pe wi acautera aban ká aban aɓwana-mǝgule mala andakpapi mala amǝ Yahudi, mana a nggeala Damaska ka. Pa anggo ace mǝnana ɓǝa eari wi, ɓǝ̀ wario sǝ kum koya ɓwa, mana kǝ kwaɗi Njar mala Mǝtalabangŋo, ko aburana ko amamǝna ka, nǝ̀ bwalkia, nǝ̀ tākia abuia nǝ̀ um nǝia a Urǝshalima.

2 Amǝ Korinti 11:26

Kusǝ pas mǝ nda rǝ twalbǝri mǝsauwe. Sǝ arǝ amǝno yì agya ka, ǝn kum ɓamuram aɓa ká-mǝɓane arǝ anggeasala a mùr-longŋa, ká-mǝɓane a bu amǝ'ɓǝmbǝriban, ká-mǝɓane a bu aɓwana mem amǝ Yahudi andǝ aɓwana mǝnana amǝ Yahudi na raka. Ən kum ɓamuram aɓa ká-mǝɓane a bu amǝ loasǝ munǝo aɓa nggeala; ɓǝ́n wuna a ɓabondo; ɓǝ́n wuna aɓa nggeamur, sǝ ɓǝ́n wuna a bu amǝ'eamrǝarǝu amǝ'nyir nì.

2 Amǝ Korinti 6:5

À walki sǝm, à ramta sǝm a ndàkurban, aɓwabunda lo arǝ sǝm aɓa bumlulla; sǝm pak turo aɓa aulǝa, sǝm dum nǝ gandǝrǝu aɓa ɗwanyi ntulo andǝ nzala.

2 Amǝ Korinti 6:9

Sǝm do kǝla à surǝ sǝm ɗang, sǝ à surǝna rǝ sǝm pepe. Sǝm do kǝla sǝm nda kun lú, sǝ sǝm ndanǝ yilǝmu. À walki sǝm, sǝ à wal-lú sǝm ɗang.