Amǝ Mishan 19:17 - Maləmce Məfele mala Ɓakuli: Kurcau Məbəshe

¹⁷ Aɓwana kat mǝnana à ndanǝ do a Afisu ka, amǝ Yahudi andǝ amǝ Gǝrik, à ok ce mǝnia yì gir ka, kara ɓangciu bwalia kat, sǝ lullǝ Mǝtalabangŋo Yesu kum gulo kǝrkǝr.

Amǝ Mishan 19:17 ပူးပေါင်းရင်းမြစ်များ

Luka 1:65

Amǝkunɓala kat ka muria kàrria. Sǝ aɓwana mǝnana arǝ ala mǝnana amur ankono mala nzali Yahudi ka, à camarǝ naki ce amǝnia yì agir ka.

Luka 7:16

Ko yan ngga gir nî karmuri, pǝlǝa à ɓwangsǝ Ɓakuli, à kǝ na ama, “Ɓe mǝɓangna mǝgule pusǝna rǝì aban sǝm. Ɓakuli yina ace amsǝ aɓwana male!”

Amǝ Mishan 13:12

Lang nggwamna nǝ̀ sǝn man yì gir kumban ngga, kara paɓamuri aban Mǝtalabangŋo. Yì ka, ndali kǝrkǝr nǝ mǝnia yì kanigir amur Mǝtalabangŋo ka.

Amǝ Mishan 18:19

Lang à yì bwal nggeala Afisu ka, Bulǝs nying a Pǝrisǝla andǝ Akila aɓa waru. Sǝ kutio wario a ndakpapi aban naki acau andǝ amǝ Yahudi.

Amǝ Mishan 18:21

Ndo nǝ̀ u ka, pǝlǝa nea wia ama, “Ɓǝ̀ Ɓakuli earǝna ka, mǝ nǝ nyare mǝ nǝ yiu aban wun.” Anggo sǝ kutio a waru nying Afisu, aban o.

Amǝ Mishan 19:1

Mǝnana Apolo na aɓa Korinti ka, Bulǝs twal bǝri gya arǝ abuban, kya puro a Afisu. Abanì sǝ kum aɓea amǝkpata Yesu,

Amǝ Mishan 19:16

Sǝ ɓwa mǝnana nǝ kukwar a rǝì ka, yàlle kpa kwaria, walkia nǝ walo ana, nǝ rǝcandǝa mana kuti malea ka. Kara à tur kusǝia a mire à nying ɓala male, nǝ anpenye a rǝia, nǝ ɓārǝia.

Amǝ Mishan 19:18

Pas aɓalǝ aɓwana mana à paɓamuria, à pǝlǝ amǝkpata Yesu ka, à yiu à yì bang ce pakkia gir ɓealɓikea malea kwas.

Amǝ Mishan 2:43

Ɓwapǝndǝa kat ka do nǝ ɓanggi Ɓakuli, acemǝnana Ɓakuli kǝ pakki agir-ndǝlǝki, andǝ agir-gyambǝliban nǝ abu amǝ'mishan.

Amǝ Mishan 5:11

Pǝlǝa ɓangciu mǝgule sulǝ amur ikǝlisiya kat, andǝ aɓwana kat mǝnana à ok ce mǝnia yì gir ka.

Amǝ Mishan 5:13

Acili aɓwana ka, ɓangciu pakkia wia, à gandǝ kutio aɓalǝ amǝkpata Yesu ɗang, sǝ aɓwana kat ka à twal amǝkpata Yesu nǝ gulo kǝrkǝr.

Amǝ Mishan 5:5

Lang Hananiya nǝ̀ ok cau mǝno ka, kara kpa a nzali, wu. Sǝ aɓwana mana kat à ok cau mǝnia ka, gir nî pea wia ɓangciu kǝrkǝr.

Amǝ Filipi 1:20

Ən nggǝ sǝn dǝmbǝa nǝ tsǝkɓalǝu ama pà mǝ nǝ nu kǝsǝkya ɗang ko bǝti. A kuni ka mǝ nǝ kum mǝsǝkang-kangŋa pepe, acemǝnana ado, kǝla mǝnana a koya pwari ka, Kǝrǝsti nǝ̀ kum gulo a ɓalǝam, ko nǝ yilǝmu ko aɓa lú.

2 Amǝ Tasalonika 1:12

Anggo ka, lullǝ Mǝtala sǝm Yesu nǝ̀ kum gulo nǝban wun, sǝ wu nǝ̀ kum gbal nǝbaní, nǝ ɓwamuru mala Ɓakuli ma'sǝm andǝ Mǝtalabangŋo Yesu Kǝrǝsti.

2 Amǝ Tasalonika 3:1

A masǝlǝate ka, wun amǝ'eamrǝarǝu, wu tsǝk sǝm aɓa hiwi, ace mǝnana ɓǝ̀ Cau mala Mǝtalabangŋo ɓǝ̀ lidǝmbǝa, ɓǝ̀ akiban aban aɓwana kat nǝ mire, sǝ ɓǝa é nǝ gusǝlǝban kǝla mǝnana pa aɓalǝ wun ngga.