Amǝ Mishan 19:11 - Maləmce Məfele mala Ɓakuli: Kurcau Məbəshe

¹¹ Ɓakuli pak agir-ndǝlǝki mǝgule kǝrkǝr nǝ bu Bulǝs.

Amǝ Mishan 19:11 ပူးပေါင်းရင်းမြစ်များ

Yohana 14:12

Mǝ nda ban bangga wun mǝsǝcau, ɓwa mǝnana pà ɓamuri abanam ngga, nǝ̀ pak agir-ndali kǝla amǝnana ǝn pea ka. Yale nǝ̀ pakki agir mǝgulke mǝnana à kuti amǝnana ǝn pea ka, acemǝnana mǝ ndo mǝ nǝ o aban Tárram.

Amǝ Mishan 14:3

Sǝ Bulǝs andǝ Barnabas ka à akrǝia abanì, a sau kam, aban hamnǝ cau ɓwamuru mala Mǝtalabangŋo nǝ rǝcandǝa. Ɓakuli lumsǝ cau malea, nǝ pea wia rǝcandǝa mala pakkia agir-ndǝlǝki andǝ agir-gyambǝliban, lǝmndǝia aɓwana ama, cau male mana à banggia wia ka, mǝsǝcau na.

Amǝ Mishan 15:12

Koyana ka duk ɗǝong, lang Barnabas andǝ Bulǝs kutia nacau mala agir-ndǝlǝki andǝ agir-gyambǝliban mana Ɓakuli pea nǝ buia aɓalǝ aɓwana mana amǝ Yahudi na raka.

Amǝ Mishan 16:18

Twal anonggeo pas camarǝ na cau mǝ'mwashati; gandǝa bum Bulǝs lullo sǝ pǝlǝa arǝ banggi kukwar mǝnana arǝ nsari ka ama, “Aɓa lullǝ Yesu Kǝrǝsti sǝ ǝn banggo, puri rǝ nsari man!” Kara kukwar puri rǝ nsarì àkǝ̀ banì.

Amǝ Mishan 5:12

Amǝ'mishan pakki agir-ndali andǝ agir-gyambǝliban pas aɓalǝ aɓwana. Sǝ amǝkpata Yesu kat pak ka à kǝ kpapi a Ndàmǝgule mala Ɓakuli a buban mǝnana à kǝ tunǝi ama Tara mala Solomon ngga.

Amǝ Mishan 8:13

Sǝ Shiman nǝ nggearǝì gbal ka, paɓamuri, pǝlǝa à pakki wi batisǝma. Pǝlǝa yì ka, akrǝi ata Filip, à kǝ gya andǝi a koya ban mǝnana wari kam ngga. Kǝ ndali kǝrkǝr lang sǝn agir-ndǝlǝki andǝ agir-gyambǝliban mǝgulke mǝnana Filip kǝ pea ka.

Amǝ Galati 3:5

Mǝ nǝ ɗi wun ɗǝm ngga, Bangŋo Mǝfele mǝnana Ɓakuli pa wun, sǝ pakki agir-ndǝlǝki aɓalǝ wun ngga, nda acemǝnana wu kpata Nggurcau mala Musa ka le, ko nda acemǝnana wu pa ɓamur wun arǝ Cau Amsǝban mana wu ok amur Kǝrǝsti ka?

Amǝ Ibǝru 2:4

Ɓakuli gbal ka, pu nzǝm cau malea nǝ agir-lǝmndǝa, andǝ agir-gyambǝliban, andǝ agir-ndǝlǝki ɗàngɗáng, andǝ aɓoro mala Bangŋo Mǝfele mǝnana gakia kǝla mana bumi kani wi ka.