Amǝ Mishan 18:7 - Maləmce Məfele mala Ɓakuli: Kurcau Məbəshe

⁷ Pǝlǝa Bulǝs nying ɓa ndakpapi, sǝ o kya do a ɓala mala ɓe mǝkpata Ɓakuli, à tunǝki ama Titiyus Yustus. Ɓala male ka sau nǝ ndakpapi ɗang.

Amǝ Mishan 18:7 ပူးပေါင်းရင်းမြစ်များ

Yohana 9:31

Sǝm sǝlǝna ama, Ɓakuli pakkiyi gir mǝnana amǝ'cauɓikea na ama ɓǝ̀ pakkia wia ka ɗang; sǝa ma ɓǝ̀ kǝɓwa kǝ pe Ɓakuli gulo sǝ kǝ kpata gir mǝnana kǝ earce ama ɓǝa pe ka, Ɓakuli nǝ̀ kwaki kiri nǝ̀ oki wi.

Amǝ Mishan 10:2

Yì andǝ ɓala male kat à kǝ peri aban Ɓakuli, à kǝ gusǝlǝi, sǝ mǝ'ɓanggi Ɓakuli na. Kǝ pe amǝtǝr ɓoro kǝrkǝr, sǝ usǝlǝkiyi pak hiwi ɗang.

Amǝ Mishan 10:22

À eare ama, “Ɓwamǝgule soje, yì Karnilus nǝ̀ tur sǝm. Ɓwa mǝɓafoe na, kǝ ɓanggi Ɓakuli. Aɓwana aɓa nzali mala amǝ Yahudi kat kǝ na mǝɓoarne amuri. Mǝturonjar mala Ɓakuli ne wi ama ɓǝ̀ no wu yiu a ɓala male, ace mǝnana ɓǝ̀ kya ok cau mǝnana a nǝ bang ngga.”

Amǝ Mishan 13:42

Lang Bulǝs andǝ Barnabas à nda ban nying ndakpapi ka, ɓwapǝndǝa zǝmbǝia wia ama ɓǝa nyare a pwari Sabbat mana kǝ yiu ka, ɓǝa nea wia cau ɗǝm amur amǝnia yì agir ka.

Amǝ Mishan 13:43

Anzǝm mana ɓwapǝndǝa mesǝna ka, amǝ Yahudi pas andǝ aɓwana mana à paɓamuru aɓata kwaɗi mala amǝ Yahudi ka, à akrǝia ata Bulǝs andǝ Barnabas. Sǝ Bulǝs andǝ Barnabas ka, à kwarkiria ama ɓǝa lidǝmbǝa nǝ guli arǝ ɓwamuru mala Ɓakuli.

Amǝ Mishan 13:50

Pǝlǝa aɓwana-mǝgule mala amǝ Yahudi soakita aɓwana-mǝgule mala nggeala, andǝ aɓea amamǝna amǝgulo mala aɓwana mǝnana amǝ Yahudi na raka, mana à kǝ peri aban Ɓakuli ka. A tita pe Bulǝs andǝ Barnabas tanni, pǝlǝa à pǝria à puri ɓa nzali malea.

Amǝ Mishan 16:14

Ɓe mɓwama mwashat aɓalǝ amamǝna mǝnana ok sǝm ngga, lullǝi ama Lidiya, ɓwa nggeala Tiyatǝra, mǝ makki anggurbyau mǝcande na. Yì ka, mɓwama na mana kǝ peri aban Ɓakuli pepe ka. Lang kwaki kiri aban ok sǝm ngga, Mǝtalabangŋo mǝn ɓabumi ɓǝ̀ ak cau mana Bulǝs kǝ na ka.

Amǝ Mishan 17:4

Aɓea amǝ Yahudi kum jeban mala Ɓakuli a ɓabumia pǝlǝa à kpapi muria andǝa Bulǝs andǝ Silas. Anggo gbal sǝ aɓwana-mǝgule amamǝna andǝ aɓwana pas amǝ Gǝrik, mana à kǝ peri aban Ɓakuli ka, à pu ata Bulǝs andǝ Silas.

Amǝ Kolosi 4:11

Yesu mǝnana à tunǝki ama Yustus ka, kǝ makka wun kun gbal. Kǝ amǝnia yì aburana ka, à nda ka amǝ Yahudi aɓalǝ aɓeam amǝturo ace Domurǝm mala Ɓakuli. À ɓak ɓabumam nǝ rǝcandǝa.