Amǝ Mishan 18:6 - Maləmce Məfele mala Ɓakuli: Kurcau Məbəshe

⁶ Amǝ Yahudi ka à ɓinǝna à pa nǝ̀ ak cau mala Bulǝs ɗang. À camarǝ banggi wi acau mǝɓane. Bulǝs pǝlǝa kǝtǝri tu mana arǝ agir-nggurǝu male ka, ace mǝnana ɓǝ̀ lǝmndǝia wia ama yì ka, pusǝkina abui. Sǝ banggia wia ama, “Ɓǝ̀ nkila ma'wun, ueo amur wun. Ɓǝ̀ wu kutio a lu-bǝsa ka, wu nǝ̀ ɓua nǝ ɓamur rǝ wun! Mim ngga ǝn pusǝkina abuam. Twal ado aban ká a dǝmbǝa ka, mǝ nǝ o a hamnǝ cau aban aɓwana mana amǝ Yahudi na raka.”

Amǝ Mishan 18:6 ပူးပေါင်းရင်းမြစ်များ

Matiu 10:14

Ɓǝ̀ ya ɓala ko la mǝnana gingsǝ wun ko kwaki kiri arǝ cau ma'wun raka, ɓǝ̀ wu nǝ̀ nying banì ka wu kǝtǝrǝki tu la malea mǝnana a kusǝ wun ngga.

Matiu 21:41

Agbani pǝris andǝ aɓwana-mǝgule eari wi ama, “Nǝ̀ yia wal lú amǝ'rya amǝ'ɓealɓikea man, sǝ nǝ̀ ak ɓaban nǝ̀ pea amǝ'rya mǝnana à nǝ̀ pe wi ɓǝlanggun ɓaban ɓǝ̀ kunɓǝle karǝna ka.”

Matiu 21:43

“Sǝ ǝn nggǝ na wun ama Domurǝm mala Ɓakuli ka à nǝ̀ é arǝ wun à nǝ̀ pe aɓwana mǝnana à nǝ̀ pak gir mana Ɓakuli earkiyice ka.

Matiu 22:10

Nda amuna-ɓala man puro à o arǝ agauwata anjarɓala sǝ à tunǝki aɓwana kat mǝnana à kum ngga, amǝɓane andǝ amǝɓoarne. À yì lumsǝ ɓala isǝban.

Matiu 27:25

Ɓwabunda kat ear ama, “Ɓǝ̀ nkile do amur sǝm sǝnǝ amuna ma'sǝm!”

Matiu 8:11

Mǝ ndarǝ bangga wun, a ɓwana pas nǝ̀ purkio arǝ aban ɗàngɗáng a bum ɓanza à nǝ̀ yia do a Domurǝm mala kuli, à nǝ̀ lili andǝa Ibǝrayim, andǝ Ishaku, andǝ Yakupu.

Luka 22:65

À naki wi acau mǝkwanrui sǝ à kǝ sanggì.

Luka 9:5

Sǝ ɓǝ̀ aɓwana ak wun raka, ɓǝ̀ wu nǝ̀ nying le ka wu kǝtǝri tu mǝnana a kusǝ wun ngga, acemǝnana ɓǝ̀ nakun wun amuria.”

Amǝ Mishan 13:51

Sǝ yia amǝ'mishan ngga à kǝtǝri tu kusǝia, ɓǝ̀ lǝmndǝia wia ama à pusǝkina abuia, ɓǝ̀ mana kumia le ka nda amuria, pǝlǝa à kutio aban ká a Ikoniya.

Amǝ Mishan 26:11

Kusǝ pas ǝn tsǝa à pea wia tanni arǝ andakpapi, ǝn nggǝ cia ɓǝa makgir kpata Yesu. Acemǝnana ǝn ɓinǝ mǝsǝia kǝrkǝr ka, ǝn zuppi atea arǝ aɓea anggea-là ace ká pea wia tanni.

Amǝ Mishan 26:20

A tite ka, ǝn hamnǝ cau a Damaska andǝ Urǝshalima andǝ anzali mala amǝ Yahudi kat. Sǝ ǝn hamnǝi gbal aɓalǝ aɓwana mǝnana amǝ Isǝrayila na raka. Ən nea wia nǝma ɓǝa pǝlǝ nzǝmia arǝ cauɓikea ɓǝa pwanzali, ɓǝa nyare aban Ɓakuli, ɓǝa kǝ pak agir mǝnana nǝ̀ lǝmndǝ ama yia ka à nyingŋǝna acauɓikea malea ka.

Amǝ Mishan 28:28

Pǝlǝa Bulǝs masǝlǝ cau ama, “Ado ka, wu sǝlǝ ama, Cau Amsǝban mala Ɓakuli ka, à tasǝni aɓwana mǝnana amǝ Yahudi na raka. Yia ka à nǝ̀ kwaki kiria à nǝ̀ o!”

Amǝ Roma 3:29

Sǝ ana raka, Ɓakuli ka, mala amǝ Yahudi na nǝmurǝia le? Yì ka, Ɓakuli mala acili anzali na kat gbal re? E, nda acea.

1 Timoti 5:22

Ce a kaurǝa ata pe ɓwa gulo aɓa ikǝlisiya ɗang. Sǝ kǝa wu oasǝ ɓamuro aɓalǝ acauɓikea mala aɓea aɓwana ɗang. Yal ɓamuro aɓa doɓoarnsari.

2 Timoti 2:25

Aɓa pê ɓukɓuk ka, kwarkir aɓwana mǝnana à kǝ ɓinǝ earnǝ mǝsǝcau ka. Yakǝla ka, Ɓakuli nǝ̀ nggaɗi ɓabumia, sǝ à nǝ̀ vwaki buia arǝ cauɓikea à nǝ̀ pwanzali, ɓǝ̀ kyan nǝia aɓa surǝ mǝsǝcau.

1 Bitǝrus 4:14

Ɓǝ̀ aɓwana kǝ sang wun acemǝnana wu nda ka amǝkpata Kǝrǝsti ka, tsǝkbu na amur wun, acemǝnana Bangŋo mala gulo andǝ mala Ɓakuli sulǝna amur wun.

1 Bitǝrus 4:4

Ado ka, agyajam ma'wun mǝnana ɗiɗyal ka, à kǝ ndali acemǝnana wu kǝ kpapi wunǝia ɗǝm aɓa mǝno yì do-kiɗìkì andǝ ɗwanyi bwalrǝu ka ɗang. Nda gir nî sǝ à kǝ sanggi wun,