Amǝ Mishan 18:27 - Maləmce Məfele mala Ɓakuli: Kurcau Məbəshe

²⁷ Lang Apolo bangŋǝna ama nǝ̀ o a Akaya ka, amǝkpata Ɓakuli ɓak ɓabumi ɓǝ̀ kyane. Pǝlǝa à gilǝ cautera aban ká aban amǝkwaɗi mǝnana a Akaya ka, ace mǝnana ɓǝa ak Apolo pepe ka. Lang bwalǝna Akaya ka, kya duk nggea gbasha mǝgule abanì, mǝnana aɓwana kum ɓwamuru mala Ɓakuli, à pǝlǝ amǝkpate ka.

Amǝ Mishan 18:27 ပူးပေါင်းရင်းမြစ်များ

Amǝ Mishan 1:15

Aɓalǝ anongŋo mǝno ka, amǝkpata Yesu yiu à yì rambǝa abanɓwáná, lakki malea kat ka nda gbǝman nǝ lumi-ɓari. Pǝlǝa Bitǝrus lo came na cau ama:

Amǝ Mishan 11:26

Lang kumǝni ka, twali wari nǝi a Antiyok. Yia kǝm à pak pǝlǝa mwashat aban amǝkwaɗi aban kani aɓwana pas cau mala Ɓakuli. Àkǝ̀ Antiyok sǝ à tita tunǝ amǝkwaɗi ama a Kǝrǝsta.

Amǝ Mishan 15:34

Sǝ Bulǝs andǝ Barnabas ka à akrǝia a Antiyok, yia andǝ aɓea aɓwana pas à kania aɓwana gir sǝ à hamnǝ cau mala Mǝtalabangŋo.

Amǝ Mishan 18:12

Lang à tsǝngŋǝna Galiyo, ɓwa Roma a Nggwamna mala bu-nzali Akaya ka, aɓea amǝ Yahudi mana à ndanǝ do abanì ka, à kur kunarǝia à bwal Bulǝs, à wari nǝi a ɓadǝm Nggwamna ace ɓashi.

Amǝ Mishan 18:18

Bulǝs do andǝ amǝkpata Yesu mana aɓa Korinti ka arǝ anonggeo pas. Pǝlǝa nyia, nǝ̀ o a bu-nzali Suriya. À kpapi gya a tarǝia andǝa Pǝrisǝla andǝ Akila. Lang à yì bingŋǝna Sǝnkǝriya, la a kun nggeamur ka, Bulǝs mwa muri ace mǝnana ɓǝ̀ lǝmndǝ ama yì ka, lumsǝna nzongcau mala amǝ Yahudi mǝnana twalo a ɓadǝm Ɓakuli nǝ̀ pe ka. Pǝlǝa à kutio a waru-mur aban ká.

Amǝ Mishan 19:1

Mǝnana Apolo na aɓa Korinti ka, Bulǝs twal bǝri gya arǝ abuban, kya puro a Afisu. Abanì sǝ kum aɓea amǝkpata Yesu,

Amǝ Mishan 9:27

Pǝlǝa Barnabas wari nǝi aban amǝ'mishan, kya bǝlia wia sǝna mǝnana Sawul sǝn Mǝtalabangŋo Yesu amur njargula, andǝ cau mǝnana Mǝtalabangŋo banggi Sawul ka. Ɗǝm ngga banggia wia ce hamnǝ Cau Amsǝban mǝnana Sawul hamnǝi a Damaska nǝ rǝcandǝa aɓa lullǝ Yesu ka.

Amǝ Roma 1:5

Nǝ ban Kǝrǝsti sǝ Ɓakuli pa sǝm ɓwamuru andǝ ɓoro mala do mǝ'mishan, ɓǝ̀ sǝm ne aɓwana arǝ anzali a koya ban ngga, gir mǝnana Ɓakuli pa acea ka, ace mǝnana ɓǝa paɓamuria, ɓǝa oki wi sǝ anggo ka lullǝi ɓǝ̀ kum gulo.

1 Amǝ Korinti 15:10

Ɓǝ̀ mana gir nì mǝ nda ado ka, nda acemǝnana ɓwamuru mala Ɓakuli nǝ̀ cem sǝ ǝn duk gir nì, sǝ mǝnia yì ɓwamuru à lǝmndǝam ngga yi duk ɓà ɗang. Yale ǝn pak turo ǝn kuti koyan ata amǝ'mishan ngga, sǝ mǝnia ka sǝlǝpe mem na ɗang, ko bǝti, ɓwamuru mala Ɓakuli mana nda atam ngga, nǝ̀ pak mani kat.

1 Amǝ Korinti 16:3

Ɓǝ̀ ǝn yina ka, mǝ nǝ yia gilǝ acautera amur aɓwana mǝnana wu earnǝia ama ɓǝa kyan nǝ ɓoro ma'wun a Urǝshalima ka.

1 Amǝ Korinti 3:6

Mim ngga ǝn ɓeal mǝsǝɓeale, sǝ Apolo ka mur na pà ka, sǝ Ɓakuli na tsǝk agir sǝ à gul ka.

2 Amǝ Korinti 1:24

Sǝm pa aban ɓariki ama sǝm nǝ̀ tsǝk wun ɓǝ̀ wu kpata gir mǝnana sǝm earkiyice amur paɓamuru ma'wun ngga ɗang; a kun mani ka sǝm ndarǝ pak turo sǝnǝa wun ace banɓoarnado ma'wun. Acemǝnana paɓamuru ma'wun na tsǝa sǝ wu cam kàngkàng ngga.

Amǝ Filipi 1:25

Sǝ acemǝnana ǝn earǝna nǝ mǝno ka, ǝn sǝlǝna ama mǝ nǝ lidǝmbǝa nǝ do nǝ yilǝmu ace mǝnana ɓǝ̀ ǝn duk gbasha ma'wun kat, ɓǝ̀ wu gulo, sǝ wu kum banɓoarnado mala paɓamuru.

Amǝ Filipi 1:29

Acemǝnana dǝmbǝu mǝnana wu kumo arǝ pakki Kǝrǝsti turo ka, pa ace paɓamuru nǝmurǝì abani ɗang, nda gbal acemǝnana ama wu nǝ̀ nu tanni ace ka.

Amǝ Kolosi 2:12

Wun ngga, à oasǝna wun a ɓembe wunǝa Kǝrǝsti nǝ batisǝma mǝnana à pakka wun ngga, sǝ aɓa batisǝma ɗǝm ngga à loasǝna wun aɓa bǝsa yilǝmu, nǝ guli ma'wun arǝ rǝcandǝa mala Ɓakuli mǝnana loasǝ Kǝrǝsti a ɓembe ka.

Amǝ Kolosi 4:10

Aristakus mǝnana nda kani atam a ndàkurban ngga, kǝ makka wun kun, anggo gbal sǝ Markus mǝnana kèa mwashat andǝ Barnabas ka, kǝ makka wun kun. Kǝla mǝnana à bangŋǝna wun cau amuri yì Markus ka, ɓǝ̀ yina ka wu gingsǝi caca.