Amǝ Mishan 18:24 - Maləmce Məfele mala Ɓakuli: Kurcau Məbəshe

²⁴ A baku mǝno ka, ɓeɓwa Yahudi mana à tunǝki ama Apolo, mǝnana pur nǝ nggeala Alizandǝriya ka, yiu a Afisu. Yì ka, ɓwa na ndanǝ sǝlǝ nacau, sǝ surǝ Malǝmce mala Ɓakuli kǝrkǝr.

Amǝ Mishan 18:24 ပူးပေါင်းရင်းမြစ်များ

Matiu 13:52

Pǝlǝa nea wia ama “Ace mani ka, mǝ'eaulǝki Nggurcau mala Musa mǝnana à kani wi gir, kum kwar rǝǔ ace Domurǝm mala kuli ka, nda kǝla mǝtala-ɓala mǝnana kǝ pusǝ gǝna mǝbǝshe andǝ amǝ'e aɓa bah male ka.”

Luka 24:19

Pǝlǝa ɗia ma, “A ya gir nani?” À eari wi ama, “Agir mǝnana à kum Yesu Ɓwa Nazarat. Yì ka, mǝɓangna mala Ɓakuli na, sǝ ndanǝ rǝcandǝa aɓa cau andǝ turo a ɓadǝm Ɓakuli andǝ ɓwapǝndǝa kat.

Amǝ Mishan 18:19

Lang à yì bwal nggeala Afisu ka, Bulǝs nying a Pǝrisǝla andǝ Akila aɓa waru. Sǝ kutio wario a ndakpapi aban naki acau andǝ amǝ Yahudi.

Amǝ Mishan 18:21

Ndo nǝ̀ u ka, pǝlǝa nea wia ama, “Ɓǝ̀ Ɓakuli earǝna ka, mǝ nǝ nyare mǝ nǝ yiu aban wun.” Anggo sǝ kutio a waru nying Afisu, aban o.

Amǝ Mishan 18:28

Yì ka, gandǝ amǝ Yahudi mǝnana à lo makgir nǝi ka nǝ cau, aɓalǝ aɓwana mana à ram kat ka. Kǝ lǝmndǝia wia aɓa Malǝmce mala Ɓakuli ama, Yesu nda Kǝrǝsti Mǝ'amsǝban.

Amǝ Mishan 19:1

Mǝnana Apolo na aɓa Korinti ka, Bulǝs twal bǝri gya arǝ abuban, kya puro a Afisu. Abanì sǝ kum aɓea amǝkpata Yesu,

Amǝ Mishan 27:6

Abanì sǝ ɓwamǝgule soje kum waru mǝnana pur a Alizandǝriya nǝ̀ ká Italiya ka, pǝlǝa tsǝk sǝm a ɓālǝi.

Amǝ Mishan 6:9

Sǝ aɓea amǝ Yahudi mǝnana à pur nǝ anggea-là Sayirin andǝ Alizandǝriya, mǝnana à nda ɓalǝ amǝ ndakpapi mǝnana à tunǝki ama Ndakpapi mala aɓwana mǝnana à panzǝia ka, à mgbicau a rǝi. Yia andǝ aɓea mǝnana à pur arǝ abu-nzali mala amǝ Sǝlisiya andǝ Asiya ka, à lo nǝ makgir a rǝi.

Amǝ Mishan 7:22

À kanî Musa sǝlǝe mala amǝ Masar kat, pǝlǝa dum nǝ rǝcandǝa aɓa nacau andǝ turo.

1 Amǝ Korinti 1:12

Ceì nda mǝnana ama, koyan aɓalǝ wun ngga, kǝ na gir mǝnana nda ɗàng ngga. Ɓe ɓwa ka kǝ na ama, “Mim ngga Bulǝs na ǝn nggǝ kpate ka.” Man kǝ na ama, “Mim ngga Apolo na ǝn nggǝ kpate ka,” Man ngga ama, “Mim ngga Bitǝrus na ǝn nggǝ kpate ka.” Sǝ ɓeɓwa ka kǝ na ama, “Mim ngga Kǝrǝsti na ǝn nggǝ kpate ka.”

1 Amǝ Korinti 16:12

Mala mǝ'eam sǝm kǝla Apolo ka, ǝn camarǝ ne wi nǝma yì andǝ aɓea amǝ'eamrǝarǝu ka, ɓǝa kya ban wun. Sǝ ado ka, kǝ ear ama nǝ̀ ká ɗang. Nǝ̀ ká nǝ nzǝmo ɓǝ̀ kumǝna dǝmbǝu ka.

1 Amǝ Korinti 4:6

Ace ɓoaro ma'wun, wun amǝ'eambǝam, sǝ ǝn kanigir arǝ Apolo andǝ ɓamuram sǝm ɓari, ace mǝnana ɓǝ̀ wu kànì arǝ sǝm yì ɓa cau mǝnana ama, “Wu kǝa twal aɓwana kpǝm ɓǝa kuti gir mǝnana à gilǝ ka ɗang.” Anggo ka pa wun nǝ̀ nggori nǝ ɓeɓwa sǝ wu nǝ̀ ɓǝsǝki ɓeɓwa ɗang.

2 Amǝ Korinti 10:10

Acemǝnana aɓea aɓwana kǝ na ama, “Acautera mala Bulǝs dǝmbǝrya sǝ à ndanǝ rǝcandǝa, sǝ ɓǝ̀ nda nǝ ɓamǝsǝi aban sǝm ngga, mǝ'rǝwukea na sǝ aɓa nacau ka sǝlǝ tsǝk acau ɗang.”

Amǝ Kolosi 3:16

Ɓǝ̀ cau mala Kǝrǝsti, nǝ ɓoaro male kat ka, ɓǝ̀ lumsǝ ɗenyicau ma'wun. Wu kǝ kania rǝ wun gir sǝ wu kwarkir rǝarǝ wun, nǝ sǝlǝe mǝnana kat Kǝrǝsti pa sǝm ngga. Wu kǝ tuka anggyal ɓa Malǝmce mala Anggyal, andǝa mǝnana à cia nǝ tsǝa ka, andǝ anggyal ɓabangŋo, aban Ɓakuli nǝ ɓabum mana lumsǝ nǝ pak yàwá ka.

Titus 3:13

Ɓǝ̀ lauya Zenas andǝ Apolo longŋa à nǝ̀ twal bǝri ka, ɓariki wu alia wia ta gir mǝnana à nǝ̀ bwalo a buia a njar ka, ace mǝnana ɓǝa kǝa ɗwanyi kǝgir raka.