Amǝ Mishan 18:2 - Maləmce Məfele mala Ɓakuli: Kurcau Məbəshe

² Abanì sǝ kya kum ɓeɓwa Yahudi à kǝ tunǝi ama Akila, mǝnana à ɓǝli a bu-nzali Pwantus ka. Yì andǝ mami Pǝrisǝla ka, à pur a nggeala Roma, a nzali Italiya sǝ à yiu a dyan tu, acemǝnana Kǝlaudiyus, yì murǝm mǝgule mala amǝ Roma, pǝr amǝ Yahudi kat ɓǝa nying Roma. Bulǝs wario a sǝn a Akila andǝ Pǝrisǝla.

Amǝ Mishan 18:2 ပူးပေါင်းရင်းမြစ်များ

Amǝ Mishan 11:28

Mwashat aɓalǝia, à tunǝki ama Agabus, lo came aɓa rǝcandǝa mala Bangŋo mala Ɓakuli bangŋa ama, nzala mǝgule na nǝ̀ yia kpa a bu ɓanza mǝno ka kat. (Anggo sǝ gir nî yi lumsǝo, nzala kpa a baku mana Kǝlaudiyus nda murǝm mǝgule ka).

Amǝ Mishan 18:18

Bulǝs do andǝ amǝkpata Yesu mana aɓa Korinti ka arǝ anonggeo pas. Pǝlǝa nyia, nǝ̀ o a bu-nzali Suriya. À kpapi gya a tarǝia andǝa Pǝrisǝla andǝ Akila. Lang à yì bingŋǝna Sǝnkǝriya, la a kun nggeamur ka, Bulǝs mwa muri ace mǝnana ɓǝ̀ lǝmndǝ ama yì ka, lumsǝna nzongcau mala amǝ Yahudi mǝnana twalo a ɓadǝm Ɓakuli nǝ̀ pe ka. Pǝlǝa à kutio a waru-mur aban ká.

Amǝ Mishan 18:26

Pǝlǝa Apolo tita nacau nǝ rǝcandǝa a ndakpapi. Lang Pǝrisǝla andǝ Akila okcau mana kǝ na ka, à tunǝi à o andǝi a ɓala malea, à kya mǝnggi wi ɓa njar mala Ɓakuli pepe.

Amǝ Mishan 2:9

Sǝm ngga sǝm purki arǝ anzali Pataya, andǝ Medes, andǝ Elam, andǝ Mesopotamiya, andǝ Yahudi andǝ Kapadosiya. Sǝ aɓea ɓwana ata sǝm ngga à purki arǝ anzali Pwantus andǝ Asiya,

Amǝ Mishan 27:1

Cau yi dumǝna ama sǝm nǝ̀ kutio a waru-mur sǝm nǝ̀ ká a Italiya. Pǝlǝa à pa Bulǝs andǝ aɓea aɓwana mǝnana à kùria ka a bu Juliyos, ɓe soje mǝgulo amur ɓe nggǝsanyi mala asoje Roma, à tunǝia ama, “Nggǝsanyi asoje mala Mǝtala Nzali.”

Amǝ Mishan 27:6

Abanì sǝ ɓwamǝgule soje kum waru mǝnana pur a Alizandǝriya nǝ̀ ká Italiya ka, pǝlǝa tsǝk sǝm a ɓālǝi.

1 Amǝ Korinti 16:19

A'ikǝlisiya mǝnana a bu-nzali Asiya ka, à kǝ makka wun kun. Akila andǝ Pǝrisǝla, andǝ ikǝlisiya mǝnana kpapiyi a ɓala malea ka, à kǝ makka wun kun, nǝ earcearǝu mala Mǝtalabangŋo.

2 Timoti 4:19

Makkia Pǝrisǝla andǝ Akila kun, andǝ amǝɓala mala Onisǝforǝs.

Amǝ Ibǝru 13:24

Wu makki aɓwana-mǝgule ma'wun kun, andǝ acili aɓwana mala Ɓakuli kat. Amǝkwaɗi mǝnana amǝ Italiya na ka à kǝ makka wun kun.

1 Bitǝrus 1:1

Mǝnia yì cautera ka, pur nǝ́ bu Bitǝrus, mǝ'mishan mala Yesu Kǝrǝsti. Aban ká aban aɓwana mala Ɓakuli mǝnana à tària ka, yia amǝnana à mesǝke, à do kǝla abǝri arǝ abu-nzali mala amǝ Pwantus, andǝ Galati, andǝ Kapadosiya, andǝ bu-nzali Asiya, andǝ bu-nzali Bitiniya ka.