Amǝ Mishan 18:15 - Maləmce Məfele mala Ɓakuli: Kurcau Məbəshe

¹⁵ Sǝ acemǝnana ce ka nda amur aɗikiaban amur acau, andǝ alullǝu, andǝ anggurcau ma'wun ngga, wu mal nǝ ace nǝ ɓamur rǝ wun. Pa mǝ nǝ do mǝɓashi amur ulang agir kǝla amǝnia ka ɗang!”

Amǝ Mishan 18:15 ပူးပေါင်းရင်းမြစ်များ

Matiu 27:24

Lang Bilatus sǝni pà nǝ̀ gandǝ pak kǝgir raka, sǝ ɗǝm ngga aɓwana no à nǝ̀ loasǝ munǝo a kusǝ ce ka, twal mur laki abui a ɓamǝsǝ aɓwabunda. Na ama, “Buam pa ɓa nkila mala mǝnia yì ɓwa ka ɗang. Mana ka ma'wun na!”

Matiu 27:4

Nea wia ama, “Ən pangŋǝna cauɓikea, mana ǝn mak ɓwa mǝnana pak ɓe kǝ cauɓikea raka.” À pǝlǝa à ne wi ama, “Man oasǝ sǝm aɓa mǝno ka? Mana ka mona nǝmurǝo.”

Yohana 18:31

Bilatus pǝlǝa banggia wia ama, “Ɓǝ̀ nda anggo ka, wu um nǝi, wu kya ɓashi wi nǝ nggurcau ma'wun la.” Pǝlǝa amǝ Yahudi eare ama, “Sǝm pà nǝ́ rǝcandǝa mala kasǝ ɓashi lú amur kǝɓwa ɗang.”

Amǝ Mishan 18:13

A na ama, “Ɓwabura man ngga ndaban ɓariki nǝ̀ pwan bum aɓwana ɓǝa kpata Ɓakuli a njar mana nda ɗàng andǝ gir mǝnana nggurcau ma'sǝm na ka!”

Amǝ Mishan 23:29

Sǝ ǝn yi sǝlǝ ama ce ka, cau mala nggurcau mala kwaɗi malea na; sǝ ce ka, kārǝa ɓǝa kùr ɓwa ko à nǝ̀ wal-lú ɓwa ace ɗang.

Amǝ Mishan 25:11

Mǝni ɓǝa na ama ǝn parna nggurcau, ǝn pangŋǝna gir mǝnana dumǝna à nǝ̀ wal luim a rǝì ka, pa mǝ nǝ zǝmbǝa ama ɓǝa kǝa wal luem ɗang. Sǝ ɓǝ̀ mǝsǝcau pa aɓa cau mǝnana a ne a muram raka, kǝɓwa kārǝa nǝ̀ tasǝam a ɓabu amǝnia yia aɓwana ka ɗang. Ado ka, ǝn nggǝ alte ama ɓǝa um nǝ cau mem a dǝmbǝa aban Kaisar.”

Amǝ Mishan 25:19

Kǝcau mǝnana à kutio aban ne ka, nda mǝnana kunia came arǝ ɓua amur cau kpata Ɓakuli malea andǝ ɓeɓwa mǝnana à kǝ tunǝi ama Yesu, mǝnana wuna, sǝ Bulǝs kǝ na ama longŋǝna ndanǝ yilǝmu.

Amǝ Mishan 26:3

Nggeamurǝmi ata agir mǝnana ɓoar nǝi ka, nda mǝnana ama we ka, a surǝna rǝ cau mala akuncau andǝ akunɓuana mala amǝ Yahudi. Ace mani ka ǝn nggǝ zǝmbǝo, kwaki kiro oem, nǝ munyi.

1 Timoti 1:4

Kǝa earia wia ɓǝa kǝ kiɗiki do ace naki anjarnzǝne andǝ makgir amur acau mala atau mala aɓwana a pwaryan ngga ɗang. Acemǝnana amǝnia yì agir ka, à pà nǝ̀ lumsǝ pe mala Ɓakuli ɗang, ko a na raka, à pà nǝ̀ bwali aɓwana kam aɓa do paɓamuru malea aban Ɓakuli ɗang.

1 Timoti 6:4

ɓwe ka, twalɓamuru akini, sǝ surǝ kǝgir ɗang. Ulang mǝnia yì ɓwa ka, ndanǝ ɓabum mǝɓane mala makgir andǝ loasǝkiaban amur acau mana à kǝ yinǝ mɓali, andǝ kúnɓuana, andǝ kiɗiki ɓwa, andǝ nusǝban nǝ mǝɓane.

2 Timoti 2:23

Kǝa kánǝ ɓamuri aɓalǝ agǝmi makgir andǝ mana sǝlǝe pà aɓalǝia raka ɗang, acemǝnana we ka a sǝlǝna ama, kǝ yinǝ munǝo.

Titus 3:9

Kǝa kutio aɓa makgir mǝɓane amur bǝlkikusǝ atau mala akáu mǝnana a pwaryan ngga, andǝ nunggirǝu, andǝ munǝki amunǝo amur Nggurcau mala amǝ Yahudi ɗang. Amǝno yì amakgir ka à nda ɓà, kǝgir mǝɓoarne pà aɓalǝia ɗang.