Amǝ Mishan 18:12 - Maləmce Məfele mala Ɓakuli: Kurcau Məbəshe

¹² Lang à tsǝngŋǝna Galiyo, ɓwa Roma a Nggwamna mala bu-nzali Akaya ka, aɓea amǝ Yahudi mana à ndanǝ do abanì ka, à kur kunarǝia à bwal Bulǝs, à wari nǝi a ɓadǝm Nggwamna ace ɓashi.

Amǝ Mishan 18:12 ပူးပေါင်းရင်းမြစ်များ

Matiu 27:19

Lang Bilatus na ban do amur buno ɓashi ka, mami turi ban nǝ cau ama, “Pusǝki abuo, nying ɓwa mǝno andǝa kunpwasǝa male, acemǝnana ǝn tanni a lorǝo kǝrkǝr yalung ata cau male.”

Yohana 19:13

Lang Bilatus nǝ̀ ok cau mǝno ka, pǝlǝa pusǝ Yesu a banfana sǝ eauwe do amur buno ɓashi mǝnana à kǝ tunǝi ama, “Ban múr tali” ka. (Nǝ kun Ibǝru ka à kǝ tunǝi ama, “Gabbata.”)

Amǝ Mishan 13:12

Lang nggwamna nǝ̀ sǝn man yì gir kumban ngga, kara paɓamuri aban Mǝtalabangŋo. Yì ka, ndali kǝrkǝr nǝ mǝnia yì kanigir amur Mǝtalabangŋo ka.

Amǝ Mishan 13:50

Pǝlǝa aɓwana-mǝgule mala amǝ Yahudi soakita aɓwana-mǝgule mala nggeala, andǝ aɓea amamǝna amǝgulo mala aɓwana mǝnana amǝ Yahudi na raka, mana à kǝ peri aban Ɓakuli ka. A tita pe Bulǝs andǝ Barnabas tanni, pǝlǝa à pǝria à puri ɓa nzali malea.

Amǝ Mishan 13:7

Yì ka, mǝtamurǝm mala nggwamna, Sajiyos Polus na. Sǝ nggwamna ka, ɓwa na ndanǝ sǝlǝe, pǝlǝa turban arǝ Barnabas andǝ Sawul acemǝnana kǝ earce ok cau mala Ɓakuli.

Amǝ Mishan 13:8

Sǝ mǝɓangna mǝ nyirì mǝno, mana gbal à tunǝki ama Elimas ka, camarǝ zurǝì kusǝcau, kǝ ɓariki nǝ̀ tsǝk nggwamna ɓǝ̀ kǝa surǝ mǝsǝcau ɓǝ̀ paɓamuri ɗang.

Amǝ Mishan 14:19

Aɓea amǝ Yahudi pur nǝ Antiyok (a bu-nzali Pisidiya) andǝ Ikoniya, à yì nun ɓwabunda a bui malea. Pǝlǝa à ɓukki Bulǝs nǝ atali, à nunggi, à pusǝì, à kya turi anzǝm nggeala, à kǝ sǝni kǝla wuna.

Amǝ Mishan 14:2

Sǝ amǝ Yahudi mana à paɓamuria raka, à soakita aɓwana mana amǝ Yahudi na raka, ɓǝa pǝlǝ arǝ amǝkwaɗi, ɓǝa ɓinǝ mǝsǝia.

Amǝ Mishan 17:13

Lang amǝ Yahudi mana a Tasalonika ongŋǝna ama a Bulǝs na ban hamnǝ cau mala Ɓakuli a Biriya ka, à yiu abanì à yì soakita aɓwana kam pas, à lo loasǝban.

Amǝ Mishan 17:5

Sǝa ma, aɓea amǝ Yahudi ka mɓali pakkia wia, pǝlǝa à kum aɓwana amǝɓane aɓa limo, à rambǝia, sǝ à kutia zunggǝliban aɓa nggeala. À wari nǝ munǝo a ɓala mala Jasǝn, acemǝnana à nǝ̀ bwal Bulǝs andǝ Silas à nǝ̀ yinǝia a nza aban ɓwabunda ka.

Amǝ Mishan 18:11

Nda Bulǝs lidǝmbǝa nǝ do a Korinti pǝla-mwashat nǝ cili, aban kania wia cau mala Ɓakuli ka.

Amǝ Mishan 18:27

Lang Apolo bangŋǝna ama nǝ̀ o a Akaya ka, amǝkpata Ɓakuli ɓak ɓabumi ɓǝ̀ kyane. Pǝlǝa à gilǝ cautera aban ká aban amǝkwaɗi mǝnana a Akaya ka, ace mǝnana ɓǝa ak Apolo pepe ka. Lang bwalǝna Akaya ka, kya duk nggea gbasha mǝgule abanì, mǝnana aɓwana kum ɓwamuru mala Ɓakuli, à pǝlǝ amǝkpate ka.

Amǝ Mishan 19:21

Anzǝm amǝno yì agir ka, Bulǝs kum ɗenyicau a ɓabumi ama ɓǝ̀ kar aɓalǝ abu-nzali Masǝdoniya andǝ Akaya sǝ ɓǝ̀ kutio ɓǝ̀ kyane a Urǝshalima. Na ama, “Anzǝm mana ɓǝ̀ ǝn warina a Urǝshalima ka, dumǝnam púp mǝ nǝ kutio, mǝ ká gbal a Roma.”

Amǝ Mishan 25:10

Bulǝs na ama, “Awo! Mim ngga mǝ ndya ǝn cam aɓa ndaɓashi mala Murǝm mǝgule mala amǝ Roma, ban mǝnana ɓoaro ɓǝa pakkam ɓashi kam ngga. We nǝ ɓamuro, a sǝlǝna pepe ama ǝn pak mi amǝ Yahudi ɓe kǝgir mǝɓane ɗang.

Amǝ Roma 15:26

Acemǝnana amǝkpata Ɓakuli mǝnana a Masǝdoniya andǝ Akaya ka, à pa ɓoro nǝ banɓoarnado, ɓǝa kya pea amǝtǝr mǝnana à nda aɓalǝ amǝkpata Ɓakuli a Urǝshalima ka.

Amǝ Roma 16:5

Wu makki Ikǝlisiya mǝnana kǝ kpapi a ɓala malea ka kun. Wu makki Epenetus, gyajam mem mǝnana ǝn earkiyi ace raka kun. Yì ka, nda ɓwa mǝnana tita ak Kǝrǝsti a bu-nzali Asiya ka.

1 Amǝ Korinti 16:15

Wu sǝlǝna ama Sǝtifanas andǝ ɓala male ka, à nda ka amǝdǝmbǝa ak cau mala Ɓakuli a nzali Akaya, sǝ à pana ɓamuria arǝ turo ace aɓwana mala Ɓakuli. Ən nggǝ zǝmbǝa wun, wun amǝ'eambǝam,

2 Amǝ Korinti 1:1

Mǝnia yì cautera ka, pur nǝ bu Bulǝs mǝnana nǝ eare mala Ɓakuli sǝ tàri, ama ɓǝ̀ duk mǝ'mishan mala Kǝrǝsti Yesu ka, andǝ mǝ'eam sǝm Timoti. Sǝm nda ban gilǝì ikǝlisiya mala Ɓakuli mǝnana a Korinti, andǝ aɓwana mala Ɓakuli kat mǝnana a nzali Akaya ka.

2 Amǝ Korinti 11:10

Nǝ mǝsǝcau mala Kǝrǝsti mana a ɓalǝam ngga, kǝɓwa kārǝa aɓa bu-nzali Akaya kat, mǝnana nǝ̀ tamsǝam arǝ mǝnia yì nggori ka ɗang.

2 Amǝ Korinti 11:26

Kusǝ pas mǝ nda rǝ twalbǝri mǝsauwe. Sǝ arǝ amǝno yì agya ka, ǝn kum ɓamuram aɓa ká-mǝɓane arǝ anggeasala a mùr-longŋa, ká-mǝɓane a bu amǝ'ɓǝmbǝriban, ká-mǝɓane a bu aɓwana mem amǝ Yahudi andǝ aɓwana mǝnana amǝ Yahudi na raka. Ən kum ɓamuram aɓa ká-mǝɓane a bu amǝ loasǝ munǝo aɓa nggeala; ɓǝ́n wuna a ɓabondo; ɓǝ́n wuna aɓa nggeamur, sǝ ɓǝ́n wuna a bu amǝ'eamrǝarǝu amǝ'nyir nì.

2 Amǝ Korinti 9:2

acemǝnana ǝn sǝlǝna ce rǝɓǝla mǝnana wu ndanǝi a ɓabum wun arǝ mǝnia yì bwaliarǝu ka. Ən nggǝ jali nǝ wun aban ikǝlisiya mǝnana a Masǝdoniya ka, ama wun mǝnana a Akaya ka, nǝbǝān sǝ wu gilǝ rǝ wun ace paɓoro. Nggearǝ ɓabumpina ma'wun nǝ̀ soa ɓabum abangula amǝkwaɗi mǝnana a Masǝdoniya ka arǝ paɓoro.

1 Amǝ Tasalonika 2:14

Wun amǝ'eam sǝm, gir mǝnana pur arǝ amǝkwaɗi mǝnana arǝ a'ikǝlisiya mala Ɓakuli mǝnana a nzali Yahudi, aɓa Kǝrǝsti Yesu ka, purna arǝ wun. Acemǝnana kǝ̀ tanni mǝ'mwashati mǝnana à nu a bu amǝ Yahudi ace pà ɓamuru malea aban Kǝrǝsti Yesu ka, àkǝ̀ nda wu kumo a bu aɓwana mala nzali ma'wun ngga.

1 Amǝ Tasalonika 2:16

acemǝnana à kǝ ɓariki ama à nǝ̀ mgbali kun sǝm, ɓǝ̀ sǝm ngga hamnǝ cau mala yilǝmu aban aɓwana arǝ aɓea nzali ɗang. Yì cau mǝnana nda nǝ̀ yinǝi aɓwana amsǝban ngga. Sǝ anggo ka, kara à camarǝ gwaliki cauɓikea amur acauɓikea malea aban káne a lumsǝo. Sǝ bumlulla mala Ɓakuli a masǝlǝate ka sulǝna amuria!

Jemis 2:6

Sǝ wun ngga wu twal amǝtǝr a kun kǝgir ɗang. Nggearǝì ka amǝkume na mǝnana à pakiyia wun tanni, à nunggiyi wun aban ká a ndaɓashi ka re?