Amǝ Mishan 17:32 - Maləmce Məfele mala Ɓakuli: Kurcau Məbəshe

³² Lang à ok Bulǝs na cau mala loapi ɓembe nǝ yilǝmu ka, aɓea aɓwana aɓalǝia nyesǝ cau mǝnana Bulǝs bang ngga cau oalban na. Acilia ka à na ama, “Sǝm nggǝ earce ama she a ɓe kǝ pwari sǝ wu yi bangga sǝm cau ɗǝm amur mǝnia yì gir ka.”

Amǝ Mishan 17:32 ပူးပေါင်းရင်းမြစ်များ

Luka 14:18

Sǝ yia kat ka à alkita anjar puro. Mǝdǝmbǝa na ama, “Ən nggǝ loa kur ɓaban, mǝ nǝ ká sǝne. Pà mǝ nǝ bwal ɗang, pakkam munyi.”

Luka 22:63

Aɓwana mǝnana à cia ɓǝa yal Yesu ka, à oali, oalban kyauwikiban sǝ à walki.

Luka 23:11

Hirǝdus andǝ asoje male pak ceì ɓa, à nyesǝi gir oalo na. À makki wi adaura murǝm a rǝì pǝlǝa à nyesǝi aban Bilatus.

Luka 23:36

Nggearǝ asoje gbal ka, à oali, sǝ à lo à yì pe wi mùr ɓǝlanggun anap mǝhangŋe.

Amǝ Mishan 13:41

“Wu sǝni, wun amǝ ɓangginǝ cau mala Ɓakuli! Wu ndali, wu kya lú, wu ueɓà! Acemǝnana gir mana ado ǝn nggǝ pe yalung ngga, gir na mǝnana pà wu nǝ̀ earnǝi raka, ko ɓǝa bangŋa ama ɓeɓwa bangga wun ce ka.”

Amǝ Mishan 17:18

Aɓea amǝ sǝlǝe mala amǝ Epikiuriya andǝ amǝ Stoyik kutia makgir arǝ Bulǝs, acemǝnana Bulǝs nea wia Cau Amsǝban amur Yesu andǝ loapi ɓembe ka. Aɓea aɓwana aɓalǝia à ɗiban ama, “Mana gir ni na mǝ'loasǝban mǝnia kǝ earce ama nǝ̀ na le?” Sǝ aɓea aɓwana atea na ama, “Yì ka, sǝm nggǝ sǝni kǝla nda aban hamnǝ cau amur ankúl mala aɓea nzali.”

Amǝ Mishan 17:31

Acemǝnana yì ka, tsǝngŋǝna pwari mana nǝ̀ ɓashi ɓanza nǝi aɓa mǝsǝcau, nǝ bu ɓwa mǝnana ci ka. Lǝmndǝna mǝnia yì ɓwa ka aban aɓwana kat, nǝ loasǝo mana loasǝi a ɓembe nǝ yilǝmu ka.

Amǝ Mishan 17:33

Anggo sǝ Bulǝs nying ɓalǝia, bwal njar nǝ̀ o,

Amǝ Mishan 2:13

Sǝ aɓea ɓwana aɓalǝ aɓwabunda ka à nyesǝ ce gir oalban na, à kǝ na ama, “Mùr-ɓǝlanggun anap na à nu sǝ kǝ walia ka!”

Amǝ Mishan 24:25

Sǝ lang Bulǝs kutia na cau amur ɓealɓoarna, andǝ bwalɓamuru, andǝ ɓashi mala Ɓakuli mǝnana nǝ̀ yiu ka, Felis ka nggea ɓangciu pakki wi, nda na ama, “Karǝna anggo, a nǝ gandǝ o ado. Mǝ nǝ nyare mǝ nǝ tunǝo ɗǝm ɓǝ̀ ǝn kumǝna dǝmbǝu ka.”

Amǝ Mishan 25:19

Kǝcau mǝnana à kutio aban ne ka, nda mǝnana kunia came arǝ ɓua amur cau kpata Ɓakuli malea andǝ ɓeɓwa mǝnana à kǝ tunǝi ama Yesu, mǝnana wuna, sǝ Bulǝs kǝ na ama longŋǝna ndanǝ yilǝmu.

Amǝ Mishan 26:8

Palang sǝ dupa wun nǝ kwano, wun aɓwana mǝnia kani ka, mǝnana wu nǝ̀ earnǝi ama Ɓakuli nǝ̀ loasǝ alú ka?

1 Amǝ Korinti 1:23

Sǝ ma'sǝm ngga, sǝm nggǝ hamnǝ bǝsa Cau Amsǝban mala Kǝrǝsti mǝnana à gballì a nggun-gangndi ka. Mǝnia yì bǝsa cau ka tali annda na aban amǝ Yahudi, sǝ cau mǝɓangge na aban aɓwana mala acili anzali.

1 Amǝ Korinti 15:12

Cau mǝnana sǝm hamnggiyi nǝi ka nda mǝnana ama, Kǝrǝsti ka à loasǝi a ɓembe nǝ yilǝmu, sǝ palang ado sǝ aɓea aɓwana aɓalǝ wun kǝ na ama lo mala alú a ɓembe pa kàm ɗang?

1 Amǝ Korinti 4:10

Ace cau mala Kǝrǝsti ka, sǝm dumǝna amǝ'ɓanggia, sǝ wun ngga wu twali ɓamur rǝ wun ado ama wu ndanǝ sǝlǝe, acemǝnana wu ndaka mala Kǝrǝsti ka! Sǝm ngga, sǝm pànǝ rǝcandǝa ɗang, sǝ wun ngga wu ndanǝ rǝcandǝa! Sǝm ngga à nyesǝ sǝm ɓà, sǝ wun ngga à kǝ pa wun gulo!

2 Amǝ Korinti 6:2

Ɓakuli ka, kǝ bangŋa ama: “Àkǝ̀ bu-pwari mala lǝmndǝ earmuru mem ngga, ǝn oeo. Lang pwari mala amsǝo yina ka, ǝn dupo gbasha.” Sǝni! Ado mǝno ka ndà pwari mǝnana Ɓakuli kǝ lǝmndǝ earmuru male ka; yalung ndà pwari amsǝban.

Amǝ Ibǝru 11:36

Aɓea ɓwana atea ka, à oalia oalban zalǝban sǝ à kwea. Aɓea ka, à oasǝia a nsolo sǝ à ramtea a ndàkurban.

Amǝ Ibǝru 13:13

Ace mani ka, ɓǝ̀ sǝm puro abani anzǝm agumli, ace mǝnana ɓǝ̀ sǝm kya twal mǝno yì gir kǝsǝkya mǝnana yiu amuri ka.