Amǝ Mishan 17:23 - Maləmce Məfele mala Ɓakuli: Kurcau Məbəshe

²³ Lang mǝ ndaban gya aɓa la ma'wun ngga, ǝn sǝn aban peri ma'wun pas. Ən sǝn ɓe gyangŋan mana à gilǝ cau kam a rǝì ama, “Mǝnia ka Nda Ace Pagulo Aban Ɓakuli Mana Sǝm Surǝì Raka.” Ado ka, mǝno yì Ɓakuli wu kpakiyi ate sǝ wu surǝì raka, nda mǝnana mǝ nǝ na wun cau amuri ka.

Amǝ Mishan 17:23 ပူးပေါင်းရင်းမြစ်များ

Matiu 15:9

Peri malea abanam ngga mǝɓane na; akanigir malea ka anzongcau mala ɓwapǝndǝa na à kaniki ka.”

Yohana 17:25

We Dâ Mǝ'cauɓoarna! Ɓanza surǝo ɗang, sǝ mim ngga ǝn surǝo, sǝ amǝnia yì alaggana mem ngga, à sǝlǝna ama a nǝ turam.

Yohana 17:3

Sǝ mǝnia ka nda njar kum yilǝmu mǝnana pà nǝ̀ mal raka, ɓǝa surǝo, kǝ we Ɓakuli Mǝ'mǝsǝcau nì, andǝ Munio Yesu Kǝrǝsti mǝnana a turi aɓa ɓanza ka.

Yohana 4:22

Wun amǝ Samariya ka, wu kǝ peri aban ɓwa mǝnana wu surǝì raka, sǝ sǝm, amǝ Yahudi ka, sǝm surǝna rǝ ɓwa mǝnana sǝm nggǝ peri abani ka. Acemǝnana amsǝban ngga pur nǝban amǝ Yahudi.

Yohana 8:54

Yesu earia wia ama, “Ɓǝ̀ ǝn pe ɓamuram gulo ka, gulê pà a kun kǝgir ɗang. Sǝ Tárram mǝnana wu twali ama nda Ɓakuli ma'wun ngga, nda mǝnana pākiyam gulo ka.

Amǝ Mishan 17:30

Adó-ɗwanyi surǝ Ɓakuli mana ɗiɗyal ka, Ɓakuli tsǝk kir cea ɗang, sǝ a dyan ngga, kǝ bangŋa ama tsǝngŋǝna nzongcau, ɓǝa ɓwana kat a koya aban, ɓǝa nying acauɓikea malea, ɓǝa pwanzali abani.

Amǝ Roma 1:28

Acemǝnana amǝno yì aɓwana ka à ɓinǝ pak turo nǝ sǝlǝe mala Ɓakuli ka, Ɓakuli nyia gbal andǝ aɗenyicau mǝɓane malea, ɗekia ɓǝa pakkia agir mǝnana ɓoaro ɓǝa pea raka.

1 Amǝ Korinti 1:21

Ɓakuli aɓa sǝlǝe male ka, tsǝa ɓanza gandǝ surǝì nǝ malea yì sǝlǝe ɗang. Kǝcau mǝnana sǝm hamnǝi, sǝ aɓwana nyesǝi gǝmi na ka, kǝ nda Ɓakuli amsǝna aɓwana mǝnana à pà ɓamuria abani nǝi ka.

1 Amǝ Korinti 8:5

Agir andǝ abangŋo na kam pas mǝnana aɓwana kǝ peri abania ka. Aɓea ka à nda a bumkuli sǝ aɓea ka à nda a nzali.

Amǝ Afisu 2:12

Aɓa doe ɗiɗyal anggo ka, kǝgir kpapi wun wunǝ Kǝrǝsti ɗang. Wu nda ka abǝri mǝnana à pa aɓalǝ amǝ Isǝrayila, aɓwana mǝnana Ɓakuli tàrria ka ɗang, sǝ wu panǝ kāmbe aɓa kurcau mala Ɓakuli mana kwakite amur apàcau male aban aɓwana male ka ɗang. Wu dukiado ma'wun a ɓanza, wu panǝ Ɓakuli ɗang, sǝ wu panǝ tsǝkɓalǝu ɗang.

2 Amǝ Tasalonika 2:4

Yì ka, nda ɓiumǝbura mǝnana kǝ loasǝ ɓamuri amur Ɓakuli andǝ agir mǝnana kat aɓwana kǝ peri abania ka. Yale nǝ̀ kutio a Ndàmǝgule mala Ɓakuli nǝ̀ duk kam, nǝ̀ na ama yì nda Ɓakuli.

1 Timoti 1:17

Adyan ngga, gulo andǝ ɓoarɓwa kat ka, mala Ɓakuli na, mana málá male pà kàm raka. Yì mǝnana nda Murǝm mala anza kat, sǝ pà nǝ̀ wu ɗang, yale ɓwapǝndǝa pa nǝ̀ gandǝ sǝne raka, kǝ yì mwashat nda Ɓakuli. Amin.

1 Yohana 5:20

Ɗǝm ngga sǝm sǝlǝna ama Muna mala Ɓakuli yina, yi pana sǝm sǝlǝe, ace mǝnana ɓǝ̀ sǝm surǝ Ɓakuli mǝ'mǝsǝcau nì. Sǝ sǝm ngga sǝm nda aɓa dotarǝu sǝnǝia, yì ɓwa mǝnana nda Ɓakuli mǝ'mǝsǝcau nì ka, andǝ Muni Yesu Kǝrǝsti. Yì Yesu ka, nda kǝ Ɓakuli mǝ'mǝsǝcau nì, sǝ nda yilǝmu mǝnana málá male pà kàm raka.