Amǝ Mishan 17:18 - Maləmce Məfele mala Ɓakuli: Kurcau Məbəshe

¹⁸ Aɓea amǝ sǝlǝe mala amǝ Epikiuriya andǝ amǝ Stoyik kutia makgir arǝ Bulǝs, acemǝnana Bulǝs nea wia Cau Amsǝban amur Yesu andǝ loapi ɓembe ka. Aɓea aɓwana aɓalǝia à ɗiban ama, “Mana gir ni na mǝ'loasǝban mǝnia kǝ earce ama nǝ̀ na le?” Sǝ aɓea aɓwana atea na ama, “Yì ka, sǝm nggǝ sǝni kǝla nda aban hamnǝ cau amur ankúl mala aɓea nzali.”

Amǝ Mishan 17:18 ပူးပေါင်းရင်းမြစ်များ

Markus 9:14

Lang à nyarǝna aban acili alaggana ka, à sǝn ɓwapǝndǝa kǝrkǝr rambǝa a rǝia, sǝ aɓea amalǝm Nggurcau mala Musa na aban makgir andǝia.

Luka 11:53

Lang Yesu nyingŋǝna banì ka, amǝ Farisi andǝ amalǝm Nggurcau mala Musa tita ɓinǝ mǝsǝì, à cam a rǝì nǝ ɗike amur acau pas.

Amǝ Mishan 26:23

À bangŋa ama Kǝrǝsti, yì ɓwa mǝnana Ɓakuli turi ka, nǝ̀ nu tanni sǝ nda ɓwa mǝnana nǝ̀ tita loapi ɓembe nǝ yilǝmu ka, nǝ̀ hamnǝ cau mǝnana nǝ̀ pa tǎlaban mala amsǝban aban amǝ Yahudi andǝ aɓwana arǝ acilia anzali.

Amǝ Mishan 4:2

Yia ka bumia lul kǝrkǝr, acemǝnana Bitǝrus andǝ Yohana na ban kani aɓwana gir ama, nǝ ban Yesu sǝ aɓwana nǝ̀ kum lo a ɓembe.

Amǝ Mishan 5:42

Nda do ama ko aya pwari ka, ko a Ndàmǝgule mala Ɓakuli, ko arǝ aɓala, amǝ'mishan ngga, à lidǝmbǝa nǝ kanigir andǝ hama nǝ Cau Amsǝban ama, Yesu nda Kǝrǝsti, Mǝ'amsǝban.

Amǝ Mishan 6:9

Sǝ aɓea amǝ Yahudi mǝnana à pur nǝ anggea-là Sayirin andǝ Alizandǝriya, mǝnana à nda ɓalǝ amǝ ndakpapi mǝnana à tunǝki ama Ndakpapi mala aɓwana mǝnana à panzǝia ka, à mgbicau a rǝi. Yia andǝ aɓea mǝnana à pur arǝ abu-nzali mala amǝ Sǝlisiya andǝ Asiya ka, à lo nǝ makgir a rǝi.

Amǝ Roma 1:22

A ne malea ka, à nda ka amǝ'sǝle, sǝa ma yia ka, à kwar ɗang.

1 Amǝ Korinti 3:18

Ɓǝ̀ kǝɓwa ɓǝ̀ kǝa swarki ɓamuri ɗang. Sǝ ɓǝ̀ ɓe kǝɓwa aɓalǝ wun kǝ sǝni kǝla ndanǝ sǝlǝe mala ɓanza man ngga, yì ka, ɓǝ̀ kpata njar mǝnana amǝɓanza twali ɓanggea na ka, sǝ yì ka, nǝ̀ duk mǝsǝle aɓa mǝsǝcau.

1 Amǝ Korinti 4:10

Ace cau mala Kǝrǝsti ka, sǝm dumǝna amǝ'ɓanggia, sǝ wun ngga wu twali ɓamur rǝ wun ado ama wu ndanǝ sǝlǝe, acemǝnana wu ndaka mala Kǝrǝsti ka! Sǝm ngga, sǝm pànǝ rǝcandǝa ɗang, sǝ wun ngga wu ndanǝ rǝcandǝa! Sǝm ngga à nyesǝ sǝm ɓà, sǝ wun ngga à kǝ pa wun gulo!

Amǝ Kolosi 2:8

Wu kǝa eari kǝɓwa ɓǝ̀ swarki wun nǝ makgir amur surǝe male mǝlime mana ɓe kǝ mǝɓoarne pà kàm a ɓalǝi raka. Ulang mǝno yì amakgir ka à kǝ pur aɓa kanigir mana à kumi a bu ɓwapǝndǝa, andǝ abangŋo mala ɓanza man, mǝnana mala Kǝrǝsti na raka.