Amǝ Mishan 17:1 - Maləmce Məfele mala Ɓakuli: Kurcau Məbəshe

¹ Bulǝs andǝ Silas yi gya arǝ ala Amfipolis andǝ Apoloniya, à yì bwal Tasalonika, ban mǝnana ɓe ndakpapi mala amǝ Yahudi nakam ngga.

Amǝ Mishan 17:1 ပူးပေါင်းရင်းမြစ်များ

Amǝ Mishan 14:1

A nggeala Ikoniya a bu-nzali Likoniya ka Bulǝs andǝ Barnabas kutio aɓa ndakpapi mala amǝ Yahudi, kǝla mana à pakkiyi ka. À bang cau mala Ɓakuli kam nǝ rǝcandǝa, sǝ mǝnia ka tsǝa amǝ Yahudi andǝ aɓwana mǝnana amǝ Yahudi na raka pas, à paɓamuria, à pǝlǝ amǝkwaɗi.

Amǝ Mishan 15:21

Ɓǝ̀ sǝm ɗenyi ama twal arǝ anza mana a pwaryan ngga, Nggurcau mala Musa ka, à hamǝna nǝi arǝ andakpapi mala amǝ Yahudi a koya nggeala ka, a koya Pwari Sabbat.

Amǝ Mishan 16:13

A pwari Sabbat ka sǝm puri ɓa nggeala, sǝm wario a kun nggeasala, aban mana sǝm nggǝ sǝni kǝla akàm sǝ amǝ Yahudi kǝ kpapi ace pak hiwi ka. Abanì sǝ sǝm do, sǝm na cau nǝ amamǝna mǝnana sǝm kumia aban rambǝa abanì ka.

Amǝ Mishan 17:10

Lang du pǝndǝna ka, amǝkpata Yesu tasǝ ta Bulǝs andǝ Silas a Biriya. À yì bwalǝna ka, à kutio a ndakpapi mala amǝ Yahudi.

Amǝ Mishan 17:11

Amǝ Biriya ka ɓealǝia ɓoaro kuti mala amǝ Tasalonika, acemǝnana à akcau nǝ rǝɓǝla. À kǝ̀ bǝlki ɓa Malǝmce a koya pwari ka, ace mǝnana à nǝ̀ sǝni ko cau mana Bulǝs bang ngga, nda kǝ mǝsǝcau.

Amǝ Mishan 17:13

Lang amǝ Yahudi mana a Tasalonika ongŋǝna ama a Bulǝs na ban hamnǝ cau mala Ɓakuli a Biriya ka, à yiu abanì à yì soakita aɓwana kam pas, à lo loasǝban.

Amǝ Mishan 20:4

Aɓea burana mǝnana à o ate ka à ndaka Sopata, muna mala Pirus ɓwa Biriya, andǝ Aristakus andǝ Sekundus amǝnana à pur nǝ nggeala Tasalonika ka. Gayus ɓwa Dabe, andǝ Tikikus andǝ Tǝrofimus, amana à pur a bu-nzali mala Asiya ka, à o ate gbal, yia andǝ Timoti.

Amǝ Mishan 27:2

Pǝlǝa sǝm kutio aɓa waru mǝnana puro a nggeala Adǝrametiyom, sǝ lo gya nǝ̀ ngga karkya arǝ aban-kpashia mala awaru akun nggeamur mala bu-nzali Asiya ka. Sǝm lo gya sǝm puro aɓa nggeamur. Aristakus, yì ɓwa mǝnana pur nǝ nggeala Tasalonika aɓa bu-nzali Masǝdoniya ka, nda ata sǝm.

Amǝ Filipi 4:16

Ko mǝnana mǝ nda a Tasalonika ka, wu turam ban nǝ aɓoro, ace pakkam gbasha, pa kusǝ mwashat ɗang.

1 Amǝ Tasalonika 1:1

Mǝnia yì cautera ka pur nǝban Bulǝs, andǝ Silas, andǝ Timoti. Aban ká aban ikǝlisiya mala amǝ Tasalonika, aɓwana mala Ɓakuli Tarrû, andǝa mala Mǝtalabangŋo Yesu Kǝrǝsti. Ɓǝ̀ ɓwamuru andǝ dorǝpwala mala Ɓakuli do ata wun.

1 Amǝ Tasalonika 2:2

A dǝmbe ka sǝm nu tanni sǝ à pakka sǝm gir kǝsǝkya a Filipi, kǝla mǝnana wu sǝlǝ ka. Sǝa ma Ɓakuli ma'sǝm pakka sǝm gbasha sǝm dumnǝ mǝsǝkang-kangŋa aɓa hamba wun Cau Amsǝban male, kat andǝ amani ama aɓwana lǝmndǝa sǝm ɓinǝcau mǝkǝrkǝr nì ka.

2 Amǝ Tasalonika 1:1

Mǝnia yì cautera ka, pur nǝban Bulǝs andǝ Silas andǝ Timoti. Aban ká aban ikǝlisiya mala amǝ Tasalonika, aɓwana mala Ɓakuli Tár sǝm andǝ Mǝtalabangŋo Yesu Kǝrǝsti.

2 Timoti 4:10

Acemǝnana Dimas ɗeki nam, ace earce mǝnia yì ɓanza ka, umǝna a Tasalonika. Sǝ Kǝrǝsen ngga, umǝna a Galati, sǝ mala Titus ka, umǝna a Dalmatiya.