Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Amǝ Mishan 16:9 - Maləmce Məfele mala Ɓakuli: Kurcau Məbəshe

9 A bu mǝno yì du ka, Bulǝs kum sǝnǝ aɓa Bangŋo; sǝn ɓeɓwa mala bu-nzali Masǝdoniya aban came, aban zǝmbǝi wi ama, “Yiu a Masǝdoniya, yiu bwala sǝm!”

အခန်းကိုကြည့်ပါ။ ကော်ပီ




Amǝ Mishan 16:9
32 ပူးပေါင်းရင်းမြစ်များ  

Ɓe kǝ pwari nakam, a bu-pwari tārú mana pwari pǝlǝna ka, sǝni kǝla lorǝo, sǝ lorǝo na ɗang. Sǝn mǝturonjar mala Ɓakuli aban yiu abani, yi ne wi ama, “Karnilus!”


Karnilus eare ama: Nongŋo tārú mǝno kuti ka, pwari na anggo kǝla mǝnia ka, a bu-pwari tārú mala pwarikpǝra, mǝ nda ban pak hiwi a ɓala mem, kara ɓeɓwa mana oasǝ agir-nggurǝu mǝlinzame ka, puro yi came a ɓadǝmbǝam.


Pǝlǝa sǝm lo aban ká a Masǝdoniya, acemǝnana sǝm sǝlǝna ama Ɓakuli na aban tunǝ sǝm ɓǝ̀ sǝm hamnǝ Cau Amsǝban aban aɓwana mana a bu-nzali Masǝdoniya ka.


Akano ka sǝm eauwe a nza aban ká a Filipi, ɓe nggeala mǝgule mala bu-nzali Masǝdoniya aɓa nzali domurǝm mala amǝ Roma. Sǝm pakki aɓea anonggeo akano.


Lang Silas andǝ Timoti nyingŋǝna bu-nzali Masǝdoniya, à yì bwalǝna ka, Bulǝs kara pa ɓamuri kat ace hamnǝ cau mala Ɓakuli. Camarǝ banggi amǝ Yahudi ama, Yesu nda Kǝrǝsti Mǝ'amsǝban.


Anzǝm amǝno yì agir ka, Bulǝs kum ɗenyicau a ɓabumi ama ɓǝ̀ kar aɓalǝ abu-nzali Masǝdoniya andǝ Akaya sǝ ɓǝ̀ kutio ɓǝ̀ kyane a Urǝshalima. Na ama, “Anzǝm mana ɓǝ̀ ǝn warina a Urǝshalima ka, dumǝnam púp mǝ nǝ kutio, mǝ ká gbal a Roma.”


Nda gir mana tsǝa sǝ tasǝ Timoti andǝ Arasǝtus a Masǝdoniya, yia ɓari aɓalǝ aɓwana mana à kǝ bwali wi turo ka. Sǝ yì ka, do a bu-nzali Asiya banì ɓine sau zuku.


Zuku ka, loasǝban mǝno akinaban, ɓa nggeala kat lo cam nǝ kusǝì. Ɓwabunda nyāri, à pur nǝ mire aban ká a bankpapi mala nggeala. À bwal aburana ɓari, Gayus andǝ Aristakus, aɓi amǝ gya mala Bulǝs, mǝnana à pur a Masǝdoniya sǝ à yiu ka. À nunggia à um nǝia a bankpapi.


Anzǝm mana loasǝkiaban malǝna ka, Bulǝs tunǝ amǝkwaɗi à yì rambǝa abanarǝia, pǝlǝa ɓak ɓabumia nǝ cau mala Ɓakuli, pea wia rǝcandǝa sǝ cia a ndà. Pǝlǝa nying banì kutio o a bu-nzali Masǝdoniya.


Abanì sǝ kya do pak azongŋo tārú. Lang Bulǝs mala nǝ̀ twal gya a waru nǝ̀ o a Suriya ka, yi ok ama aɓea amǝ Yahudi kùrna kunia amuri à nǝ̀ wal-lui a njar. Nda gir mǝnana tsǝa sǝ nyar a kusǝì twal nza, pǝlǝ nǝ njar ɓa bu-nzali Masǝdoniya ka.


Pǝlǝa sǝm kutio aɓa waru mǝnana puro a nggeala Adǝrametiyom, sǝ lo gya nǝ̀ ngga karkya arǝ aban-kpashia mala awaru akun nggeamur mala bu-nzali Asiya ka. Sǝm lo gya sǝm puro aɓa nggeamur. Aristakus, yì ɓwa mǝnana pur nǝ nggeala Tasalonika aɓa bu-nzali Masǝdoniya ka, nda ata sǝm.


Lida ka nda aban Jopa tu. Lang amǝkwaɗi o ama Bitǝrus yiu, nda a Lida ka, pǝlǝa à tasǝ aɓwana ɓari, ɓǝa kya zǝmbǝi wi ama ɓǝ̀ ɓangŋa abania a kaurǝa.


Acemǝnana amǝkpata Ɓakuli mǝnana a Masǝdoniya andǝ Akaya ka, à pa ɓoro nǝ banɓoarnado, ɓǝa kya pea amǝtǝr mǝnana à nda aɓalǝ amǝkpata Ɓakuli a Urǝshalima ka.


Mǝnana mǝ nda aban wun sǝ mǝ nda aɓa tǝle ka, ǝn duk twalo amur kǝɓwa ɗang. Amǝ'eamrǝarǝu mǝnana à pur nǝ Masǝdoniya ka, à yinǝam nǝ gir mǝnana ǝn earkiyi ce ka kat. Ən yal ɓamuram, ǝn eare mǝ duk twalo amur wun aɓa koya kǝ njari ka ɗang, sǝ pa mǝ nǝ duk ɗang.


Ɓakuli lǝmndǝam asǝnsǝna amǝpa ndali, sǝ ace mǝnana mǝ ngga pak nǝ twal ɓamuru ace raka, à oasǝam zwe aɓa nyamam, ɓǝ̀ do kǝla mǝturonjar mala Shetan, ɓǝ̀ kǝ param.


Lang sǝm yì bwalǝna Masǝdoniya ka, ko sǝm kum usǝlǝo a nggurǝ sǝm ɗang. A koya ban sǝm pǝlǝ ka, kǝ tanni na. Nǝ nza ka, kúnɓuana na, nǝ ɓaɓalǝu ka, ɓalǝkasǝkya na.


Wun amǝ'eamrǝarǝu, sǝm nggǝ earce ɓǝ̀ wu surǝ gir mǝnana Ɓakuli, aɓa ɓwamuru male ka, pè aɓalǝ a'ikǝlisiya mǝnana a nzali Masǝdoniya ka.


acemǝnana ǝn sǝlǝna ce rǝɓǝla mǝnana wu ndanǝi a ɓabum wun arǝ mǝnia yì bwaliarǝu ka. Ən nggǝ jali nǝ wun aban ikǝlisiya mǝnana a Masǝdoniya ka, ama wun mǝnana a Akaya ka, nǝbǝān sǝ wu gilǝ rǝ wun ace paɓoro. Nggearǝ ɓabumpina ma'wun nǝ̀ soa ɓabum abangula amǝkwaɗi mǝnana a Masǝdoniya ka arǝ paɓoro.


Aɓa mǝsǝcau ka, mǝno nda kǝ gir mǝnana wu kǝ lǝmndǝì amǝ'eamrǝarǝu kat mǝnana aɓa nzali Masǝdoniya ka. Sǝa ma, wun amǝ'eamrǝarǝu, sǝm nggǝ kwarkir wun, wu lǝmndǝi aɓa pě mǝnana kuti mǝno ka aban ká nǝi a dǝmbǝa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ