Amǝ Mishan 16:6 - Maləmce Məfele mala Ɓakuli: Kurcau Məbəshe

⁶ Bulǝs andǝ aɓi amǝgya à o arǝ abu-nzali Firigiya andǝ Galati, acemǝnana Bangŋo Mǝfele earia wia ama ɓǝa hamnǝ cau a bu-nzali Asiya ɗang.

Amǝ Mishan 16:6 ပူးပေါင်းရင်းမြစ်များ

Luka 1:2

Cau mǝnana à gilǝ ka nda kǝ̀ mǝnana à oe a kun aɓwana mǝnana à sǝn agir nì nǝ mǝsǝia a nggea dǝmbe, sǝ à hamnǝ ce ka.

Amǝ Mishan 10:19

Sǝ lang Bitǝrus na piu aban pak ɗenyicau amur mǝnia yì gir Ɓakuli mǝn mǝsǝì sǝni ka, Bangŋo mala Ɓakuli ne wi ama, “Shiman, aɓwana tārú à nda kǝ sǝn banio ka.

Amǝ Mishan 11:12

Pǝlǝa Bangŋo banggam ama mǝ ngga ɓukibumam ɗang, ɓǝ̀ sǝm o sǝnǝia. Pǝlǝa amǝkwaɗi mǝnia tongno-nong-mwashat a Jopa ka à lo atam aban ká Kaisariya, sǝm kat sǝm wario a ɓala mala Karnilus.

Amǝ Mishan 16:7

Lang à yina a nzong-nzali mala amǝ Misiya ka, à ɓariki ama à nǝ̀ kutio a bu-nzali Bitiniya, nyare Bangŋo mala Yesu ɓinǝia wia,

Amǝ Mishan 18:23

Anzǝm anonggeo bǝti a Antiyok ka, Bulǝs bwal njar, o arǝ aban aɓalǝ abu-nzali mala amǝ Galati andǝ amǝ Firigiya, kǝ ɓak ɓabum amǝkwaɗi kat mana arǝ abanì ka.

Amǝ Mishan 19:10

Bulǝs lidǝmbǝa nǝ kanigir a mǝno yì ndà-kanigir ka, kya bwal pǝlǝa ɓari, sǝ ace mǝno ka aɓwana kat mana nǝ do a bu-nzali mala Asiya ka, amǝ Yahudi andǝ amǝ Gǝrik, à ok cau mala Mǝtalabangŋo.

Amǝ Mishan 20:16

Amur njar aban ká Miletus ka, waru samsǝa yi kuti nǝ ban nggeala Afisu. Bulǝs ka angŋǝna dǝmbǝa twalǝna a ɓabumi ama pà nǝ̀ came a Afisu ɗang, ace mǝnana ɓǝ̀ kǝa kiɗiki pwari kǝrkǝr aɓa bu-nzali Asiya raka. Yì ka, nda mur larri nǝ̀ ngga bwal Urǝshalima, ɓǝ̀ nǝ̀ gandǝ pa ka ɓǝ̀ yi kum pwari Pakiɗire Pentikos.

Amǝ Mishan 20:28

Wu yal ɓamur rǝ wun andǝ aɓwana mala Ɓakuli mǝnana Bangŋo Mǝfele pa wun a bu wun ɓǝ̀ wu ɗenyi nǝia ka. Wu do kǝla ayalgir amur domwan mala Ɓakuli, yì ikǝlisiya male, amǝkpate mǝnana kúria nǝ nkila mala Muni, mǝnana sukki amur nggun-gangndi ace amsǝia ka.

Amǝ Mishan 20:4

Aɓea burana mǝnana à o ate ka à ndaka Sopata, muna mala Pirus ɓwa Biriya, andǝ Aristakus andǝ Sekundus amǝnana à pur nǝ nggeala Tasalonika ka. Gayus ɓwa Dabe, andǝ Tikikus andǝ Tǝrofimus, amana à pur a bu-nzali mala Asiya ka, à o ate gbal, yia andǝ Timoti.

Amǝ Mishan 21:27

Anonggeo tongno nong-ɓari mala mǝno yì gilǝki rǝia ka a malanǝ mala, sǝ aɓea amǝ Yahudi mǝnana à pur a bu-nzali Asiya ka, à sǝn Bulǝs aɓa Ndàmǝgule mala Ɓakuli. Pǝlǝa à swarkita ɓwabunda kat, kara à bwal Bulǝs.

Amǝ Mishan 6:9

Sǝ aɓea amǝ Yahudi mǝnana à pur nǝ anggea-là Sayirin andǝ Alizandǝriya, mǝnana à nda ɓalǝ amǝ ndakpapi mǝnana à tunǝki ama Ndakpapi mala aɓwana mǝnana à panzǝia ka, à mgbicau a rǝi. Yia andǝ aɓea mǝnana à pur arǝ abu-nzali mala amǝ Sǝlisiya andǝ Asiya ka, à lo nǝ makgir a rǝi.

Amǝ Mishan 8:29

Pǝlǝa Bangŋo mala Ɓakuli ne Filip ama, “Kyane, bwalta mǝno yì waru ka.”

Amǝ Roma 16:5

Wu makki Ikǝlisiya mǝnana kǝ kpapi a ɓala malea ka kun. Wu makki Epenetus, gyajam mem mǝnana ǝn earkiyi ace raka kun. Yì ka, nda ɓwa mǝnana tita ak Kǝrǝsti a bu-nzali Asiya ka.

1 Amǝ Korinti 12:11

Rǝcandǝa mala amǝnia yì aɓoro ka kǝ pur nǝ ban Bangŋo mǝnia mwashat ka, sǝ kǝ Bangŋo mǝ'mwashati na kǝ gaki amǝnia yì aɓoro ka kǝla mǝnana ɓabumi kànì ka, ace mǝnana koyana ka, ɓǝ̀ kum ɓoro mǝnana kum ngga.

1 Amǝ Korinti 16:1

Amur cau mala ramnggi ɓoro ace bwali aɓwana mala Ɓakuli mǝnana a Urǝshalima ka: Wu pa kǝla mǝnana ǝn kania a'ikǝlisiya mǝnana a Galati ka.

1 Amǝ Korinti 16:19

A'ikǝlisiya mǝnana a bu-nzali Asiya ka, à kǝ makka wun kun. Akila andǝ Pǝrisǝla, andǝ ikǝlisiya mǝnana kpapiyi a ɓala malea ka, à kǝ makka wun kun, nǝ earcearǝu mala Mǝtalabangŋo.

2 Amǝ Korinti 1:8

Wun amǝ'eamrǝarǝu, sǝm nggǝ earce ama, wu kǝa dum nǝ ɗwanyi sǝlǝe amur tanni mǝnana kum sǝm a nzali Asiya ka ɗang. Acemǝnana sǝm kutio aɓata parban mala tanni mǝgule mǝnana kuti rǝcandǝa ma'sǝm, yale kǝla pà sǝm nǝ̀ au ɗang.

Amǝ Galati 1:2

Amǝ'eamrǝarǝu mǝnana sǝm nda kani sǝnǝia ka, sǝm nggǝ dapi bu aban tasǝ mǝnia yì cautera ka, aban ká aban a'ikǝlisiya mǝnana a bu-nzali Galati ka.

Amǝ Galati 3:1

Wun amǝ Galati mǝnana wu gǝmi ka. Yana ɓwe pyauta wun? Nda àkǝ̀ ɓamǝsǝ wun sǝ à bǝlki ce lú mala Yesu Kǝrǝsti amur nggun-gangndi.

2 Timoti 1:15

Kǝla mǝnana a sǝlǝna ka, aɓwana mǝnana a bu-nzali Asiya ka, à pǝlǝna nzǝmia a rǝam kat à nyingŋǝnam. Ko nggearǝ Fijelus andǝ Hamojenis gbal ka, à nyingŋǝnam.

2 Timoti 4:10

Acemǝnana Dimas ɗeki nam, ace earce mǝnia yì ɓanza ka, umǝna a Tasalonika. Sǝ Kǝrǝsen ngga, umǝna a Galati, sǝ mala Titus ka, umǝna a Dalmatiya.

Amǝ Ibǝru 11:8

Paɓamuru mala Ibǝrayim aban Ɓakuli na ci sǝ oki Ɓakuli, yì mǝnana Ɓakuli tunǝi ɓǝ̀ purî nzali male, ɓǝ̀ o a ɓe nzali mǝnana bangŋa ama nǝ̀ ngga pe wi ɓǝ̀ duk male ka. Sǝ nying nzali-lá male aban o, kat andǝ amani ama surǝ ban mǝno kákiyi kam ngga raka.

1 Bitǝrus 1:1

Mǝnia yì cautera ka, pur nǝ́ bu Bitǝrus, mǝ'mishan mala Yesu Kǝrǝsti. Aban ká aban aɓwana mala Ɓakuli mǝnana à tària ka, yia amǝnana à mesǝke, à do kǝla abǝri arǝ abu-nzali mala amǝ Pwantus, andǝ Galati, andǝ Kapadosiya, andǝ bu-nzali Asiya, andǝ bu-nzali Bitiniya ka.

Sǝna 1:11

Kǝ na ama, “Gilǝ agir mǝnana a kǝ sǝnia ka aɓa malǝmce. Sǝ wu teri aban a'ikǝlisiya mǝnia tongno-nong-ɓari ka, amǝnana arǝ anggea-là Afisu, andǝ Sǝmirna, andǝ Pargamu, andǝ Tiyatǝra, andǝ Sardis, andǝ Filadefiya, sǝ Lawodisi ka.”

Sǝna 1:4

Cautera mǝnia ka pur abanam, Yohana, aban ká aban a'ikǝlisiya tongno-nong-ɓari aɓa nzali Asiya. Ən nggǝ shamba wun ɓwamuru andǝ do rǝpwala mǝnana à kǝ pur nǝban Ɓakuli ka. Yì Ɓakuli ka nda mana ndakam ado, mǝnana ndakam a pwaryan, sǝ nda mǝnana nǝ̀ pàk kàm a dǝmbǝa ka. Ɗǝm ngga ǝn nggǝ shamba wun ɓwamuru andǝ do rǝpwala mǝnana à kǝ pur nǝban abangŋo tongno-nong-ɓari mǝnana à nda a ɓadǝm bunomurǝm mala Ɓakuli ka.