Amǝ Mishan 16:34 - Maləmce Məfele mala Ɓakuli: Kurcau Məbəshe

³⁴ Pǝlǝa wari nǝ Bulǝs andǝ Silas a ɓala male, sǝ yi pea wia girlina. Yì andǝ amǝ ɓala male kat ka à lumsǝ nǝ bumpwasǝa, acemǝnana yia kat ka à angŋǝna Ɓakuli.

Amǝ Mishan 16:34 ပူးပေါင်းရင်းမြစ်များ

Luka 15:32

Ɓoaro ɓǝ̀ sǝm pak banɓoarnado andǝ bumpwasǝa, acemǝnana mǝnia yì mǝ'kyauweo ka wú, sǝ adyan ngga longŋǝna nǝ amǝsǝì; ɓwaro, sǝ à kumǝni.”

Luka 19:6

Pǝlǝa sulǝo a kaurǝa gingsǝ Yesu nǝ bumpwasǝa.

Luka 5:29

Pǝlǝa Lawi tunǝ pakiɗire mala li girlina ace Yesu a ɓala male. Sǝ pas aɓalǝ aɓwabunda mǝnana aban li atea ka amǝ'ak boalo-cemi na.

Amǝ Mishan 11:14

Yì nda ɓwa mǝnana nǝ̀ banggo cau mana nǝ̀ amsǝo andǝ amǝɓala mo kat ka.”

Amǝ Mishan 16:15

Anzǝm mana à pangŋǝni batisǝma andǝ amǝ ɓala male ka, pǝlǝa tunǝ sǝm ɓǝ̀ sǝm yiu a ɓala male; na ama, “Ɓǝ̀ wu earnǝ mim ama mǝ nda mǝkwaɗi mǝɓafoe aban Mǝtalabangŋo ka, wu yiu, wu sulǝo a ɓala mem.” Cam arǝ ɓuaki arǝ sǝm gandǝa sǝm eare.

Amǝ Mishan 16:35

Ban fana ka, aɓwana-mǝgule mala la tur amǝ'munagara ɓǝa kya banggi mǝyal ndàkurban ama, “Ɓǝa nying amǝno yì aɓwana ka ɓǝa o.”

Amǝ Mishan 2:46

Koya pwari ka, à kǝ yiu a kpapi a tarǝia, aban peri aɓa Ndàmǝgule mala Ɓakuli. À kǝ kpapiki arǝ aɓala malea aban li girlina. À kǝ li girlina a tarǝia nǝ banɓoarnado, nǝ ɓabumia mwashat.

Amǝ Mishan 8:39

Lang à eapini mùr ka, kara Bangŋo mala Mǝtalabangŋo twal Filip um nǝi. Bedǝran nyare sǝni ɗǝm ɗang. Sǝa ma bwal njargula male aban o nǝ bumpwasǝa.

Amǝ Roma 15:13

Ɓǝ̀ Ɓakuli mǝpà tsǝkɓalǝu lumsǝ wun nǝ banɓoarnado, andǝ dorǝpwala, aɓa paɓamuru ma'wun abani, ace mǝnana ɓǝ̀ wu lumsǝ nǝ tsǝkɓalǝu nǝ bu rǝcandǝa mala Bangŋo Mǝfele.

Amǝ Roma 5:11

Sǝ mǝno na nǝmurǝì ɗang; sǝm nda aɓa banɓoarnado ace bǝsa dotarǝu ma'sǝm sǝnǝa Ɓakuli ace gir mǝnana pè nǝ bu Mǝtala sǝm Yesu Kǝrǝsti ka. Yì Kǝrǝsti ka, nda ɓwa mǝnana pǝlǝ sǝm ado, nre sǝm gilǝki sǝnǝa Ɓakuli ka.

Amǝ Roma 5:2

Ndá àkǝ̀ ce guliarǝu ma'sǝm arǝ Kǝrǝsti sǝ yinǝ sǝm aɓa ɓwamuru mala Ɓakuli mǝnana ado sǝm do a ɓalǝi ka. Nda gir mǝnana tsǝa sǝm nggǝ nggori nǝ tsǝkɓalǝu mǝnana sǝm ndanǝi mala kum kāmbe aɓa gulo mala Ɓakuli ka.

Amǝ Galati 5:22

Sǝ ɓǝ̀ Bangŋo Mǝfele na ginggi nǝ sǝm ngga, nǝ̀ pusǝ amǝnia yia aɓealǝu ka aɓalǝ sǝm: earcearǝu, andǝ bumpwasǝa, andǝ dorǝpwala, andǝ munyi, andǝ tsǝkir ɓwa, andǝ pemǝɓoarne, andǝ do'amurmǝsǝcau,

Amǝ Filipi 4:17

Ən pa aban bang mǝnia yì cau ka acemǝnana mǝ nda rǝ alta ɓoro aban wun ngga ɗang. Nda ace mǝnana ɓǝ̀ wu kum tangnakusǝu mala pe mǝɓoarne ma'wun ngga.

Amǝ Filipi 4:4

Wu dum nǝ banɓoarnado aɓa dotarǝu ma'wun wunǝa Mǝtalabangŋo, a koya pwari ka. Nyare mǝ nǝ na wun ɗǝm: Wu pak banɓoarnado!

Filimon 1:7

Earcearǝu mo panam banɓoarnado kǝrkǝr andǝ girikiban, mǝ'eambǝam, acemǝnana pe mǝɓoarne mo yina nǝ bumpwasǝa aban aɓwana mala Ɓakuli kat.

1 Yohana 3:18

Wun amunem, earcearǝu ma'sǝm ngga, ɓǝ̀ kǝa ueo a mburkun ɗang, ɓǝ̀ duk mǝ'mǝsǝcau nì, mǝnana kǝ lǝmndǝ rǝì aɓa pě ka.