Amǝ Mishan 16:31 - Maləmce Məfele mala Ɓakuli: Kurcau Məbəshe

³¹ À eari wi ama, “Paɓamuro aban Mǝtalabangŋo Yesu, sǝ a wu nǝ kum amsǝban, we wunǝ aɓwana mana aɓala mo ka.”

Amǝ Mishan 16:31 ပူးပေါင်းရင်းမြစ်များ

Markus 16:16

Ɓwa mǝnana ak Cau Amsǝban, paɓamuri, sǝ à pakki wi batisǝma ka, nǝ̀ auwa, sǝ ɓwa mǝnana ɓinǝ ak Cau Amsǝban, paɓamuri raka, ɓashi nǝ̀ sulǝ amuri.

Yohana 1:12

Sǝ aɓwana mǝnana kat à é, à pa ɓamuria abani ka, pania wia rǝcandǝa ɓǝa duk amuna mala Ɓakuli.

Yohana 20:31

Sǝ amǝnia à gilǝia ka, nda ace mǝnana ɓǝ̀ wu earnǝi ama Yesu nda Kǝrǝsti, Mǝ'amsǝban, Muna mala Ɓakuli; sǝ aɓa paɓamuru ma'wun abani ka, wu nǝ̀ kum yilǝmu aɓa rǝcandǝa mala lullǝi.

Yohana 3:36

Koya ɓwa na sǝ pà ɓamuri aban Muna mala Ɓakuli ka, ndanǝ yilǝmu mǝnana málá male pà kàm raka. Sǝ ɓwa mǝnana kat ɓinǝ Muna mala Ɓakuli ka pà nǝ̀ kum yilǝmu ɗang, bumlulla mala Ɓakuli ka nǝ̀ ueo amuri.

Yohana 6:40

Gir mǝnana Tárram earkiyice ka, nda mǝnana ama ɓwa mana kat sǝn Muni sǝ paɓamuri abani ka, ɓǝ̀ kum yilǝmu mǝnana málá male pà kàm raka, sǝ mim gbal ka mǝ nǝ loasǝi nǝ yilǝmu a masǝlǝata apwari.”

Yohana 6:47

Mǝ nda ban bangga wun mǝsǝcau, ɓwa mǝnana paɓamuri abanam ngga, ndanǝ yilǝmu mǝnana málá male pà kàm raka.

Amǝ Mishan 15:11

Mǝnia ka pà nǝ̀ pa anggo ɗang! Sǝm pa ɓamur sǝm sǝ Ɓakuli amsǝ sǝm nǝ ɓwamuru mala Mǝtalabangŋo Yesu, kǝla mana yia gbal ka à paɓamuria ka.

Amǝ Mishan 16:15

Anzǝm mana à pangŋǝni batisǝma andǝ amǝ ɓala male ka, pǝlǝa tunǝ sǝm ɓǝ̀ sǝm yiu a ɓala male; na ama, “Ɓǝ̀ wu earnǝ mim ama mǝ nda mǝkwaɗi mǝɓafoe aban Mǝtalabangŋo ka, wu yiu, wu sulǝo a ɓala mem.” Cam arǝ ɓuaki arǝ sǝm gandǝa sǝm eare.

Amǝ Mishan 16:32

Pǝlǝa Bulǝs andǝ Silas ne wi Cau Amsǝban mala Mǝtalabangŋo, yì andǝ aɓwana mana aɓa ɓala male ka.

Amǝ Mishan 18:8

Kǝrispus, ɓwamǝgule ndakpapi ka, paɓamuri aban Mǝtalabangŋo, yì andǝ amǝɓala male kat. Sǝ aɓwana pas a Korinti, mǝnana à ok cau mala Bulǝs ka, à paɓamuria aban Mǝtalabangŋo, pǝlǝa à pakkia wia batisǝma.

Amǝ Mishan 4:12

Amsǝban ngga à kǝ kumi aban Yesu nǝmurǝì, Ɓakuli pa ma ɓe kǝ lullǝu aɓa ɓanza, mǝnana nǝ yì sǝ aɓwana nǝ̀ kum amsǝban ngga ɗang.

Amǝ Mishan 8:36

À nda ban ká a njargula ka, à yì bwal ɓe ban mǝnana nǝ mur ka. Pǝlǝa bedǝran na ama, “Sǝni! Mur nia ka! Mana nǝ̀ tsǝa sǝ à pà nǝ̀ pakkam batisǝma ɗang?”

Amǝ Roma 11:16

Ibǝrayim andǝ acilia akáu mana a pwaryan ngga Ɓakuli tària à duk amale. Anggo gbal sǝ amǝkea nǝ̀ pa, à nǝ̀ duk a mala Ɓakuli. Kǝla mǝnana ɓǝ̀ dyar bǝredi andǝa kǝringyi ka mǝfele na ka, ɓwanne gbal ka nǝ̀ do mǝfele na. Sǝ ɓǝ̀ anlerǝ nggun ngga amǝfele na ka, nggearǝ abuí gbal ka amǝfele na.

Amǝ Galati 3:14

Kǝrǝsti akmúr sǝm ace mǝnana tsǝkbu mǝ'mwashati mǝnana Ɓakuli banggi Ibǝrayim ama nǝ̀ tsǝki wi ka, ɓǝ̀ yiu amur aɓwana arǝ anzali kat, nǝ bu Kǝrǝsti Yesu. Acemǝnana sǝm mana sǝm ndaka amǝkwaɗi ka, sǝm nǝ̀ gandǝ ak pacau mala Bangŋo Mǝfele nǝ paɓamuru.

Amǝ Galati 3:22

Sǝ Malǝmce ka, bangŋa ama sǝm kat ka, sǝm nda aɓata kùrban mala cauɓikea. Kǝ njargula mǝnana sǝm nǝ̀ kum panzǝban nǝi, mǝnana Ɓakuli pacau ace ka, nda mǝnana ama ɓǝ̀ sǝm pa ɓamur sǝm aban Yesu Kǝrǝsti ka.

Amǝ Galati 3:26

Ace mani ka, wun kat ka, wu ndaka muna mala Ɓakuli ace guli ma'wun arǝ Kǝrǝsti Yesu.