Amǝ Mishan 16:25 - Maləmce Məfele mala Ɓakuli: Kurcau Məbəshe

²⁵ Nǝ ɓadu ka Bulǝs andǝ Silas camarǝ pak hiwi, sǝ à kǝ tukia anggyal aban Ɓakuli, sǝ acili aɓwana mana à girria andǝia ka, à kwaki kiria à kǝ oea.

Amǝ Mishan 16:25 ပူးပေါင်းရင်းမြစ်များ

Luka 22:44

Sǝ acemǝnana nda aɓa bumkiɗikea mǝgule ka, kutio arǝ hiwi nǝ rǝcandǝa. Piban mǝnana pur a rǝì ka kǝ surkio kǝla nkila.

Amǝ Mishan 15:22

Pǝlǝa amǝ'mishan, andǝ aɓwana-mǝgule amur amǝkwaɗi, andǝ cili ikǝlisiya mana a Urǝshalima ka, sǝni ka ɓoaro ɓǝa twal aɓwana aɓalǝia ɓǝa tasǝia à Antiyok, a tarǝia andǝ a Bulǝs andǝ Barnabas. À twal aɓwana ɓari ata aɓwana-mǝgule amur amǝkwaɗi mana amǝkwaɗi kǝ pea wia gulo ka; ɓwa kǝla Yahuda mana à tunǝki ama Barsabas ka, sǝ Silas.

Amǝ Mishan 16:19

Lang amǝtala guro-nsari man sǝlǝna ama ta kume malea kasǝna ka, kara à bwal Bulǝs andǝ Silas, à nunggia aɓalǝ aɓwana aban ká aban amǝ'talanzali a bankpapi mala la.

Amǝ Mishan 16:33

Àkǝ̀ mǝno yì bu du ka, mǝyal ndàkurban ɗenyi nǝia, lakki wia anpenye malea; sǝ yì andǝ koyana aɓa ɓala male ka, à pakkia wia batisǝma.

Amǝ Mishan 5:41

Lang amǝ'mishan nying bania ka, à pak banɓoarnado, acemǝnana Ɓakuli sǝnǝnia ama à karǝna nutanni ace lullǝ Yesu.

Amǝ Roma 12:12

Wu dum nǝ banɓoarnado aɓa tsǝkɓalǝu ma'wun; wu dum nǝ munyi aɓa tanni; wu do aɓa pak hiwi ko ya pwari.

Amǝ Roma 5:3

Ban kǝ ɓoara sǝm gbal, yi mǝnana ɓǝ̀ sǝm kuti aɓalǝ atanni ka. Acemǝnana sǝm sǝlǝna ama tanni ka, nǝ̀ yina sǝm nǝ do gandǝrǝu,

2 Amǝ Korinti 6:10

Kat andǝ amani ama à tsǝk sǝm aɓa bumkiɗikea ka, sǝm nda aɓa bumpwasǝa ko aya pwari. Ko ɓǝ̀ ndo ama sǝm nda ka amǝtǝr ka, sǝm nggǝ tsǝk aɓwana pas à duk amǝkume. Mǝsǝcau na ama sǝm pànǝ kǝgir ɗang, sǝa ma girbunda kat ka ma'sǝma.

Amǝ Afisu 5:19

Wu kǝ nea arǝ wun cau nǝ anggyal peri aban Ɓakuli, andǝ anggyal ɓwangsǝki Ɓakuli, andǝ anggyal nǝ Bangŋo mala Ɓakuli. Wu kǝ ɓwangsǝ Mǝtalabangŋo a ɓabum wun nǝ agí zangŋan.

Amǝ Filipi 2:17

Paɓamuru andǝ aturo ma'wun aɓa kpata Mǝtalabangŋo ka, à ndà kǝla pa ɓoro abani. Sǝ ko ɓǝ̀ yi do ama à nda rǝ ɗarǝ yilǝmem kǝla gir-ɗarǝa amur mǝnia yì ɓoro mala paɓamuru ma'wun ngga, bumam nǝ̀ pwasǝo, sǝm nǝ̀ pak banɓoarnado a tarǝ sǝm kat.

Amǝ Kolosi 1:24

Sǝ ado ka ban kǝ ɓoaram arǝ tanni mǝnana ǝn nggǝ nu ace wun ngga. Acemǝnana aɓa tanni mem a nggūrǝu ka, mǝ nda ban ɓariki mǝ lumsǝkun gir mǝnana ueo aɓa tanni mala Kǝrǝsti ace nggūrǝi, yì amǝkpate.

Amǝ Ibǝru 5:7

Arǝ abaku mǝnana Yesu na akani a ɓanza ka, pakki ahiwi andǝ azǝmba, loasǝ gi ɓua kǝrkǝr nǝ mǝrǝm, aban ká aban ɓwa mǝnana nǝ̀ gandǝ amsǝi a bu lú ka. Ɓakuli pǝlǝa ok ahiwi male, ace pagulo male aban Ɓakuli.

Jemis 1:2

Wun amǝ'eambǝam, ɓǝ̀ wu kutio aɓalǝ akárǝkiban ɗàngɗáng ngga, ɓǝ̀ ban ɓoara wun kǝrkǝr,

Jemis 5:13

Kǝ ɓwa aɓalǝ wun kǝ tanni le? Ɓwe ɓǝ̀ pak hiwi. Kǝ ɓwa na aɓa bumpwasǝa? Ɓwe ɓǝ̀ tu nggyal ɓwangsǝki Ɓakuli.

1 Bitǝrus 4:14

Ɓǝ̀ aɓwana kǝ sang wun acemǝnana wu nda ka amǝkpata Kǝrǝsti ka, tsǝkbu na amur wun, acemǝnana Bangŋo mala gulo andǝ mala Ɓakuli sulǝna amur wun.