Amǝ Mishan 16:23 - Maləmce Məfele mala Ɓakuli: Kurcau Məbəshe

²³ Anzǝm mana à kwangnia kǝrkǝr ka, à kya turia aɓa ndàkurban, sǝ à tsǝk mǝyal ndàkurban ɓǝ̀ tsǝk kiri a rǝia pepe.

Amǝ Mishan 16:23 ပူးပေါင်းရင်းမြစ်များ

Matiu 26:48

Yì ɓwa mǝnana mé ka angŋa dǝmbǝa kanǝnìa wia gir mǝnana nǝ̀ pa sǝ à nǝ̀ surǝì ka ama, “Ɓwa mǝnana mǝ nǝ makki kun, mǝ nǝ kùrrì ka, ɓwe na, wu bwali.”

Luka 21:12

Sǝ kaniama amǝnia yì agir nǝ̀ kumban ngga, à nǝ̀ bwalki wun, à nǝ̀ pa wun tanni. À nǝ̀ ká nǝ wun a ɓashi arǝ andakpapi, à nǝ̀ kur wun arǝ andakurban, à nǝ̀ ká nǝ wun aban amurǝma andǝ anggwamna, acemǝnana wu nda ka amǝ kpatam ngga.

Amǝ Mishan 12:18

Nǝ dǝmbari ka, asoje amǝ yalban ngga ban twalo zurǝì a rǝia, à pǝlǝ ɓalǝia ɓà amur mana kumban sǝ Bitǝrus ka à sǝni raka.

Amǝ Mishan 12:4

Lang bwalǝna Bitǝrus ka pǝlǝa tsǝa à kya oasǝi a ndàkurban. Tamsǝ asoje arǝ abanì ine ɓǝa yallí, sǝ koya banì ka ndanǝ asoje ine. Kànì mala Hirǝdus ka nda mǝnana ama nǝ̀ pakki Bitǝrus ɓashi lú a ɓamǝsǝ ɓwapǝndǝa anzǝm Lamsan Yalimuru.

Amǝ Mishan 16:27

Mǝyal ndàkurban lo ndǝring, lang nǝ̀ sǝnban ngga, akunakurǝm kat ka, à mǝnggina. Aɓa ɗenyicau male ka twali ama, aɓwana mana à girria a ndà ka, à ɓangŋǝna à mesǝkina. Nda kwetǝ nggeabyau nǝ̀ wal ɓamuri.

Amǝ Mishan 16:36

Pǝlǝa mǝyal ndàkurban ne Bulǝs ama, “Aɓwana-mǝgule mala la turban, ama ɓǝa na wun ama, wu o. Ace mani ka wu kyan caca!”

Amǝ Mishan 5:18

Pǝlǝa à bwal amǝ'mishan, à oasǝia a ndàkurban.

Amǝ Mishan 5:23

“Lang sǝm warina a ndàkurban ngga, sǝm nggea kum akun ndàkurban ngga à kumlǝnia, sǝ à ɓun kǝ ɓe atea ɗang. Sǝ amǝyal ndàkurban gbal ka, à nda aban came malea, sǝ lang sǝm loasǝ kunakurǝm ngga, sǝm kum kǝɓwa a ɓalǝi ɗang!”

Amǝ Mishan 8:3

Pǝlǝa Sawul lo wuni adyan aban pe ikǝlisiya tanni, kǝ kutikio arǝ aɓala, kǝ bwalki aburana andǝ amamǝna, kǝ um nǝia a ndàkurban.

Amǝ Mishan 9:2

kya zǝmbǝi wi ɓǝ̀ pe wi acautera aban ká aban aɓwana-mǝgule mala andakpapi mala amǝ Yahudi, mana a nggeala Damaska ka. Pa anggo ace mǝnana ɓǝa eari wi, ɓǝ̀ wario sǝ kum koya ɓwa, mana kǝ kwaɗi Njar mala Mǝtalabangŋo, ko aburana ko amamǝna ka, nǝ̀ bwalkia, nǝ̀ tākia abuia nǝ̀ um nǝia a Urǝshalima.

2 Amǝ Korinti 11:23

Mǝ nǝ na cau kǝla dǝmbam kwar ɗang: Ɓǝ̀ yia ka, à nda ka aguro mala Kǝrǝsti, ǝn ɓoaria wia aɓa pakki Kǝrǝsti turo mǝcande! Ən kum kùrban kusǝ pas ǝn kutia. Ən kum kwakban mǝnana à pà nǝ̀ gandǝ ɓallè raka. Ən api lú kusǝ pas.

2 Amǝ Korinti 6:5

À walki sǝm, à ramta sǝm a ndàkurban, aɓwabunda lo arǝ sǝm aɓa bumlulla; sǝm pak turo aɓa aulǝa, sǝm dum nǝ gandǝrǝu aɓa ɗwanyi ntulo andǝ nzala.

Amǝ Afisu 3:1

Ace mǝnia, sǝ mim Bulǝs ka mǝ nda a kùrban ace Kǝrǝsti Yesu, ace wun, wun aɓwana mana wu ndaka amǝ Yahudi raka.

Amǝ Afisu 4:1

Ace mani ka, mim mǝnana mǝ nda a kùrban ace turo mala Mǝtalabangŋo Yesu ka, ǝn nggǝ zǝmbǝa wun ɓǝ̀ ɓeal wun, ɓǝ̀ kārǝa andǝ do mǝnana Ɓakuli earkiyi ce arǝ aɓwana mǝnana tària ɓǝa duk male ka.

2 Timoti 2:9

Sǝ acemǝnana ǝn nggǝ hamnǝ mǝnia yì Cau Amsǝban ngga, mǝ ndya ǝn nggǝ tanni, à kùrram nǝ ansolo kǝla ɓwa mǝnana mǝɓealɓikea na ka. Sǝa ma cau mala Ɓakuli ka, à kùrrì ɗang.

Filimon 1:9

Kat andǝ amani ka, mǝ nda rǝ zǝmbǝo ace earcearǝu, mim Bulǝs, mǝnana ǝn ena, sǝ ɗǝm adyan ngga mǝ nda kuro ace Kǝrǝsti Yesu ka.

Sǝna 1:9

Mim Yohana, mǝ'eam wun andǝ ɓi wun aɓa nutanni, sǝ aɓa Domurǝm mala Ɓakuli, andǝ gandǝrǝu, amǝnana à dumǝna ma'sǝm aɓa Yesu ka, mǝ nda aɓa luran mǝnana à tunǝki ama Patmos ka. À twalam à yì turam akani acemǝnana ǝn hamnǝ cau mala Ɓakuli, sǝ ace nakun Yesu ka.

Sǝna 2:10

Ɓangciu ɓǝ̀ kǝa pakko arǝ tanni mǝnana ndo nǝ̀ kumo ka ɗang. Sǝni, Shetan no nǝ̀ ngga oasǝ aɓea aɓwana ata wun a ndàkurban ace mwam wun, sǝ ndo wu nǝ̀ kum tanni mǝkwane arǝ anongŋo lum. Wu bwal paɓamuru ma'wun abanam pepe, ko ɓǝ̀ nǝ̀ ká lú ka, sǝ mim ngga mǝ nǝ pa wun tangnakusǝu mala yilǝmu.