Amǝ Mishan 16:16 - Maləmce Məfele mala Ɓakuli: Kurcau Məbəshe

¹⁶ A ɓe pwari, sǝm nda rǝ o aban pak hiwi ka, sǝm je sǝnǝ ɓe nsari, guro na. Ndanǝ kukwar a rǝì mǝnana kǝ pe wi sǝne, nǝ̀ gandǝ na gir mǝnana nǝ̀ kumban a dǝmbǝa ka. Yì ka, kǝ kumbi amǝtale gǝna kǝrkǝr nǝ ɓangnǝ-ɓangna.

Amǝ Mishan 16:16 ပူးပေါင်းရင်းမြစ်များ

Amǝ Mishan 16:13

A pwari Sabbat ka sǝm puri ɓa nggeala, sǝm wario a kun nggeasala, aban mana sǝm nggǝ sǝni kǝla akàm sǝ amǝ Yahudi kǝ kpapi ace pak hiwi ka. Abanì sǝ sǝm do, sǝm na cau nǝ amamǝna mǝnana sǝm kumia aban rambǝa abanì ka.

Amǝ Mishan 16:18

Twal anonggeo pas camarǝ na cau mǝ'mwashati; gandǝa bum Bulǝs lullo sǝ pǝlǝa arǝ banggi kukwar mǝnana arǝ nsari ka ama, “Aɓa lullǝ Yesu Kǝrǝsti sǝ ǝn banggo, puri rǝ nsari man!” Kara kukwar puri rǝ nsarì àkǝ̀ banì.

Amǝ Mishan 16:19

Lang amǝtala guro-nsari man sǝlǝna ama ta kume malea kasǝna ka, kara à bwal Bulǝs andǝ Silas, à nunggia aɓalǝ aɓwana aban ká aban amǝ'talanzali a bankpapi mala la.

Amǝ Mishan 19:24

Mǝnia yì loasǝban ngga tite nǝ ɓe mǝntul mana lullǝi ama Demitǝrǝyus, mǝ tulki amuna kurǝm mana à nda kǝla ndàperi mala ma-ɓǝ̀nzál Atimis, nǝ bolo-ntul azǝrfa ka. Mǝnia yì nggali ka kǝ yinǝia amǝturoe boalo kǝrkǝr.

Amǝ Galati 5:20

andǝ kpata agir mala alú, andǝ pakkia agir monzǝo, andǝ ɓinǝ-mǝsǝarǝu, andǝ munǝki arǝarǝu, andǝ mɓali, andǝ nggea bumlulla mǝɓane, andǝ earce ɓamuru, andǝ gakitarǝu, andǝ tarki rǝarǝu,

1 Timoti 6:10

Acemǝnana rufi ata boalo ka, nda nlerǝ koya ɓealɓikea. Aɓea aɓwana mana bumia kǝ pi ace alta gǝna ka, gandǝa à kpana, à ɗekina paɓamuru malea aban Ɓakuli, à soana ɓabumia nǝ agir bumkiɗikea.

2 Timoti 3:8

Kǝla mǝnana Janis andǝ Jambǝris ɓinǝì Musa à earnǝi raka, anggo sǝ aman yì aɓwana ka, à ginǝki mǝsǝcau. Yia ka, aɓwana na mǝnana ɓabumia sharna aɓa cauɓikea, sǝ paɓamuru malea ka, mǝɓafoe na ɗang.

2 Bitǝrus 2:3

Nzumon malea nǝ̀ cea à nǝ̀ yiu nǝ acau swarkiban aɓa kutan, à nǝ̀ ɓǝmbǝri wun. Ɓakuli angŋǝna dǝmbǝa ɗiɗyal kasǝnia ɓashi, sǝ kiɗikea malea ka, ceì nong ɗang.