Amǝ Mishan 16:15 - Maləmce Məfele mala Ɓakuli: Kurcau Məbəshe

¹⁵ Anzǝm mana à pangŋǝni batisǝma andǝ amǝ ɓala male ka, pǝlǝa tunǝ sǝm ɓǝ̀ sǝm yiu a ɓala male; na ama, “Ɓǝ̀ wu earnǝ mim ama mǝ nda mǝkwaɗi mǝɓafoe aban Mǝtalabangŋo ka, wu yiu, wu sulǝo a ɓala mem.” Cam arǝ ɓuaki arǝ sǝm gandǝa sǝm eare.

Amǝ Mishan 16:15 ပူးပေါင်းရင်းမြစ်များ

Matiu 10:41

Ɓwa mana ak mǝɓangna mala Ɓakuli acemǝnana ama yì ka, ɓwa mala Ɓakuli na ka, nǝ̀ kum tangnakusǝu mala mǝɓangna. Sǝ ɓwa mǝnana ak mǝ'cauɓoarna ace mǝnana ama yì ka, mǝ'cauɓoarna na ka à nǝ̀ pe wi tangnakusǝu mala mǝ'cauɓoarna.

Matiu 3:6

À bang acauɓikea malea, sǝ pakkia wia batisǝma a Nggeasala Jodan.

Luka 14:23

Pǝlǝa mǝtala-ɓala ne guro ama, “Puro o amur anjargula mǝgulke andǝ amǝkeke, kya ɓuaki arǝ aɓwana ɓǝa yiu, ace mǝnana ɓala mem ɓǝ̀ yi lumsǝ ka.

Luka 24:29

sǝ à ne wi ama, “Nongŋo aban sǝm, pwari kpana, sǝ du mala nǝ̀ pǝndǝa.” Pǝlǝa o atea.

Amǝ Mishan 11:14

Yì nda ɓwa mǝnana nǝ̀ banggo cau mana nǝ̀ amsǝo andǝ amǝɓala mo kat ka.”

Amǝ Mishan 16:31

À eari wi ama, “Paɓamuro aban Mǝtalabangŋo Yesu, sǝ a wu nǝ kum amsǝban, we wunǝ aɓwana mana aɓala mo ka.”

Amǝ Mishan 16:33

Àkǝ̀ mǝno yì bu du ka, mǝyal ndàkurban ɗenyi nǝia, lakki wia anpenye malea; sǝ yì andǝ koyana aɓa ɓala male ka, à pakkia wia batisǝma.

Amǝ Mishan 16:34

Pǝlǝa wari nǝ Bulǝs andǝ Silas a ɓala male, sǝ yi pea wia girlina. Yì andǝ amǝ ɓala male kat ka à lumsǝ nǝ bumpwasǝa, acemǝnana yia kat ka à angŋǝna Ɓakuli.

Amǝ Mishan 18:8

Kǝrispus, ɓwamǝgule ndakpapi ka, paɓamuri aban Mǝtalabangŋo, yì andǝ amǝɓala male kat. Sǝ aɓwana pas a Korinti, mǝnana à ok cau mala Bulǝs ka, à paɓamuria aban Mǝtalabangŋo, pǝlǝa à pakkia wia batisǝma.

Amǝ Mishan 8:12

Sǝ lang aɓwana yi ak cau amsǝban mǝnana Filip kǝ hamnǝi amur Domurǝm mala Ɓakuli andǝ lullǝ Yesu Kǝrǝsti ka, à kya pakkia wia batisǝma, aburana andǝ amamǝna.

Amǝ Mishan 8:38

Pǝlǝa bedǝran ne mǝkwak waru ama ɓǝ̀ tamsǝ waru. Filip andǝ bedǝran sulǝo à kutio a mùr, sǝ Filip pakki wi batisǝma.

Amǝ Roma 16:23

Gayus, ɓwa mǝnana ǝn sulǝo a ɓala male, sǝ a ɓala male sǝ amǝkpata Ɓakuli mana akani kǝ̀ kpapi ka, kǝ̀ makka wun kun. Arasǝtus, mǝ'tsǝk boalo mala nggeala, andǝ mǝ'eam sǝm Kwartus, à kǝ makka wun kun.

2 Amǝ Korinti 12:11

Ən kutia pakkiagir kǝla ɓwaɓana. Sǝ wu nda wu ciem a ɓalǝi ka, a kun mǝnana ɓǝ́ wu nǝ̀ nggǝ ɓwangsǝam ngga. Acemǝnana amǝno yì “akanggǝrang amǝ'mishan” ma'wun ngga, à kutiam nǝ kǝgir ɗang, kat andǝ amani ama mǝ nda kǝgir gbal raka.

2 Amǝ Korinti 5:14

Ɓǝ̀ nda a koya nkanggari ka, earcearǝu mala Kǝrǝsti kǝ yal sǝm. Acemǝnana sǝm pana eare ama, Kǝrǝsti wu ace ɓwapǝndǝa kat ka, sǝm pana eare gbal ama sǝm kat ka, sǝm nda te aɓa lú male.

Amǝ Galati 6:10

Ace mani ka, ɓǝ̀ sǝm kum dǝmbǝu ka, ɓǝ̀ sǝm pakkî koyana le ka mǝɓoarne, nggeamurǝmi ka, amǝ'eamrǝarǝu mǝnana sǝm nda aɓa paɓamuru mǝ'mwashati sǝnǝia aban Kǝrǝsti ka.

Amǝ Afisu 1:1

Mǝnia yì cautera ka pur nǝ bu Bulǝs, mǝnana à tàrì, à twali nǝ eare mala Ɓakuli ɓǝ̀ duk mǝ'mishan mala Kǝrǝsti Yesu ka. Gilǝ mǝnia yì cau ka aban ká aban aɓwana mala Ɓakuli, yì amǝkwaɗi mǝnana à pa ɓamuria aban Kǝrǝsti Yesu nǝ mǝsǝcau, a nggeala Afisu ka.

Amǝ Filipi 1:7

Ɓǝ̀ ǝn twal wun kat anggo ka, ǝn ɓwarki ɗang, acemǝnana ɓabumam na arǝ wun. Wun kat ka wu nda atam, wu nda arǝ bwalam arǝ mǝnia yì turo Ɓakuli pam aɓa ɓwamuru male ka, kat aɓa kùrban mem, andǝ bǝl ɓa Cau Amsǝban, andǝ lǝmndǝì aɓwana mǝsǝcau mǝnana a ɓalǝi ka.

Filimon 1:17

Ace mani ka, ɓǝ̀ a twalam kǝla ɓio mǝturo ka, e, kǝla mǝnana a nǝ em ngga.

Amǝ Ibǝru 13:2

Wu kǝa aulǝ nǝ ak abǝri ɗang. Acemǝnana anggo sǝ aɓea aɓwana mǝnana à kǝ ak abǝri ka, à kumo à ak amǝturonjar a ɓala malea, sǝ à sǝlǝ ɗang.

1 Bitǝrus 5:12

Nǝ́ bu Silas mǝnana ǝn earnǝi kǝla mǝ'eamrǝarǝu mǝ'mǝsǝcau nì ka, sǝ ǝn nggǝ gilǝa wun mǝnia yì cau gbǝlǝm ngga. Ən nggǝ earce mǝ ɓak ɓabum wun, sǝ mǝ na wun ama, mǝnia yì gir wu nda ɓālǝi ado ka, ɓwamuru mala Ɓakuli na kat ace wun. Wu cam kàngkàng a ɓalǝi.

2 Yohana 1:10

Ɓǝ̀ kǝɓwa yiu aɓa kpapi ma'wun, sǝ yinǝ mǝnia yì kanigir raka, wu kǝa é arǝ aɓala ma'wun, ko wu cianda ɗang.

3 Yohana 1:5

Gyajam mem mǝnana ǝn earkiyi ace raka, a nda ban lǝmndǝ do nǝ mǝsǝcau aɓa gbasha mǝnana a kǝ́ pea amǝ'eamrǝarǝu amǝgya-kutio ka, ko ɓǝ̀ do ama yia ka abǝri na ka.

3 Yohana 1:8

Sǝm amǝkwaɗi ka, ndanǝ ɓoaro ɓǝ̀ sǝm nggǝ pakki a'ulang amǝnia yì aɓwana ka gbasha, ace mǝnana ɓǝ̀ sǝm kpapi bu sǝm aɓa turo mala hamnǝ mǝsǝcau.