Amǝ Mishan 16:1 - Maləmce Məfele mala Ɓakuli: Kurcau Məbəshe

¹ Bulǝs andǝ Silas wario a nggeala Dabe, sǝ à kya kutio à o a nggeala Listǝra. Abanì ka ɓe mǝkwaɗi na kam lullǝi ama Timoti. Ngge yì Timoti gbal ka mǝkwaɗi na, ɓwa Yahudi, sǝ tarrí ka ɓwa Gǝrik na.

Amǝ Mishan 16:1 ပူးပေါင်းရင်းမြစ်များ

Amǝ Mishan 14:1

A nggeala Ikoniya a bu-nzali Likoniya ka Bulǝs andǝ Barnabas kutio aɓa ndakpapi mala amǝ Yahudi, kǝla mana à pakkiyi ka. À bang cau mala Ɓakuli kam nǝ rǝcandǝa, sǝ mǝnia ka tsǝa amǝ Yahudi andǝ aɓwana mǝnana amǝ Yahudi na raka pas, à paɓamuria, à pǝlǝ amǝkwaɗi.

Amǝ Mishan 14:21

Bulǝs andǝ Barnabas hamnǝ Cau Amsǝban a Dabe. À kum aɓwana kam pas mana à pǝlǝ amǝkpata Yesu ka. Pǝlǝa à nyare a Listǝra, andǝ Ikoniya, à kya kutio a Antiyok mana aɓa bu-nzali Pisidiya ka.

Amǝ Mishan 14:6

Lang ce nǝ̀ yia kpa a kir amǝ'mishan ngga, kara à ɓangŋa à o arǝ anggea-là Listǝra andǝ Dabe mala amǝ Likoniya, andǝ cili bum-ban mana kàrǝì ban mǝno ka.

Amǝ Mishan 17:14

Amǝkpata Yesu lo tu, à tasǝ ta Bulǝs a kun nggeamur, sǝ Silas andǝ Timoti ka à ueo a Biriya.

Amǝ Mishan 18:5

Lang Silas andǝ Timoti nyingŋǝna bu-nzali Masǝdoniya, à yì bwalǝna ka, Bulǝs kara pa ɓamuri kat ace hamnǝ cau mala Ɓakuli. Camarǝ banggi amǝ Yahudi ama, Yesu nda Kǝrǝsti Mǝ'amsǝban.

Amǝ Mishan 19:22

Nda gir mana tsǝa sǝ tasǝ Timoti andǝ Arasǝtus a Masǝdoniya, yia ɓari aɓalǝ aɓwana mana à kǝ bwali wi turo ka. Sǝ yì ka, do a bu-nzali Asiya banì ɓine sau zuku.

Amǝ Roma 16:21

Timoti, ɓeam mǝturo, kǝ makka wun kun. Anggo gbal sǝ Lukiyus, andǝ Jasǝn, andǝ Sosipata, aɓǝla mem, à kǝ makka wun kun.

1 Amǝ Korinti 16:10

Ɓǝ̀ Timoti yina ka, wu é nǝ banɓoarnado. Yì ka, turo mala Mǝtalabangŋo na pakkiyi, kǝla mǝnana ǝn pakkiyi ka.

1 Amǝ Korinti 4:17

Nda gir mǝnana tsǝa sǝ ǝn tasǝ Timoti aban wun, yì muna mem aɓa kpata Mǝtalabangŋo, yì munem mana à nǝ̀ earnǝi, sǝ ǝn earkiyi ace gbal raka. Yì ka, nǝ̀ kasǝ ɓalǝ wun amur do mem aɓa Kǝrǝsti mǝnana nda mwashat andǝ kanigir mem mǝnana ǝn nggǝ kani amur Kǝrǝsti, arǝ a'ikǝlisiya mǝnana kat ǝn wari kam ngga.

1 Amǝ Korinti 7:14

Acemǝnana ɓwabura mǝnana mǝkwaɗi na raka, pǝlǝna ɓwa mǝnana Ɓakuli nǝ̀ é ka ata cau mala mami. Anggo gbal mɓwama mǝnana mǝkwaɗi na raka, pǝlǝna ɓwa mǝnana Ɓakuli nǝ é ka ata cau mala burri. Ɓǝ̀ anggo raka, amuna malea ka Ɓakuli pà nǝ̀ ea kǝla amale ɗang. Sǝa ma ado ka, Ɓakuli angŋǝnia à dumǝna kǝla amuna mala amǝkwaɗi.

2 Amǝ Korinti 1:1

Mǝnia yì cautera ka, pur nǝ bu Bulǝs mǝnana nǝ eare mala Ɓakuli sǝ tàri, ama ɓǝ̀ duk mǝ'mishan mala Kǝrǝsti Yesu ka, andǝ mǝ'eam sǝm Timoti. Sǝm nda ban gilǝì ikǝlisiya mala Ɓakuli mǝnana a Korinti, andǝ aɓwana mala Ɓakuli kat mǝnana a nzali Akaya ka.

2 Amǝ Korinti 1:19

Acemǝnana Yesu Kǝrǝsti Muna mala Ɓakuli, mǝnana mim sǝnǝ Silas andǝ Timoti, sǝm hamnǝ cau male aban wun ngga, “E” na andǝ “Awo” a tarǝia ɗang. A ɓalǝi ka, “E” na, a koya pwari ka.

Amǝ Filipi 1:1

Cautera mǝnia ka, pur nǝban Bulǝs andǝ Timoti, aguro mala Kǝrǝsti Yesu. Aban ká aban aɓwana amǝ fele mala Ɓakuli a Filipi, yia mǝnana à nda aɓa dotarǝu andǝa Kǝrǝsti Yesu ka, kat andǝ aɓwana-mǝgule andǝ amǝ'bwalturo ɓa ndahiwi.

Amǝ Filipi 2:19

Ɓǝ̀ Mǝtalabangŋo Yesu ear ka, mǝ ndanǝ tsǝkɓalǝu ama mǝ nǝ tasǝta Timoti aban wun, adyan tu, ace mǝnana ɓǝn yi kum ɓakɓabum arǝ cau mǝnana mǝ nǝ yia oe amur wun ngga.

Amǝ Kolosi 1:1

Mim Bulǝs, mǝnana mǝ nda mǝ'mishan mala Kǝrǝsti Yesu, nǝ kani mala Ɓakuli ka, mim sǝnǝ mǝ'eam sǝm Timoti, sǝm gilǝ mǝnia yì Cautera ka.

1 Amǝ Tasalonika 1:1

Mǝnia yì cautera ka pur nǝban Bulǝs, andǝ Silas, andǝ Timoti. Aban ká aban ikǝlisiya mala amǝ Tasalonika, aɓwana mala Ɓakuli Tarrû, andǝa mala Mǝtalabangŋo Yesu Kǝrǝsti. Ɓǝ̀ ɓwamuru andǝ dorǝpwala mala Ɓakuli do ata wun.

1 Amǝ Tasalonika 3:2

sǝ sǝm tasǝ Timoti ɓǝ̀ kyane ɓǝ̀ kya sǝn wun. Yì ka, mǝ'eam sǝm na andǝ ɓi'sǝm mǝturo mala Ɓakuli aɓa hamnǝ Cau Amsǝban mala Kǝrǝsti. Sǝm turi aban wun ace mǝnana ɓǝ̀ yi ɓakɓabum wun, ɓǝ̀ dupa wun gbasha aɓa paɓamuru ma'wun aban Kǝrǝsti.

1 Amǝ Tasalonika 3:6

Sǝ a dyan ngga, Timoti nyarǝna yina aban sǝm. Yi bangŋǝna sǝm cau mǝɓoarne mala paɓamuru ma'wun aban Ɓakuli andǝ earcearǝu ma'wun. Ɗǝm ngga, bangga sǝm ama wu kǝ ɗenyi nǝ do mǝɓoarne ma'sǝm sǝnǝa wun, wu kǝ pak nzal sǝn sǝm, kǝla mǝnana ado, sǝm nggǝ pak nzal sǝn wun ngga.

2 Amǝ Tasalonika 1:1

Mǝnia yì cautera ka, pur nǝban Bulǝs andǝ Silas andǝ Timoti. Aban ká aban ikǝlisiya mala amǝ Tasalonika, aɓwana mala Ɓakuli Tár sǝm andǝ Mǝtalabangŋo Yesu Kǝrǝsti.

1 Timoti 1:18

We munem Timoti, mǝnia ka à nda ka kwarkiru mem abano, kǝla mǝnana cauɓangna mala Ɓakuli bangŋa a muro ɗiɗyal ka. Mǝnia ka ɓǝ̀ po rǝcandǝa mala munǝo pepe aɓalǝ a'lwa mala Mǝtalabangŋo.

1 Timoti 1:2

Mǝ nda ban gilǝì Timoti, yì munem mǝɓafoe aɓa paɓamuru aban Ɓakuli. Ɓǝ̀ ɓwamuru, andǝ sǝn mǝsǝswatǝr, andǝ dorǝpwala nǝ ban Ɓakuli Tár sǝm andǝ Kǝrǝsti Yesu Mǝtala sǝm do ato.

2 Timoti 1:2

Mǝ nda ban gilǝì Timoti munem mǝnana ǝn earkiyi ace raka. Ɓǝ̀ Ɓakuli Tárrû, andǝ Kǝrǝsti Yesu Mǝtala sǝm, lǝmndǝo ɓwamuru, ɓǝ̀ sǝn tǝ̀r mo, sǝ ɓǝ̀ cio wu kum dorǝpwala.

2 Timoti 1:5

Ən nggǝ ɗenyi nǝ paɓamuru mo mǝɓafoe aban Mǝtalabangŋo kǝla ulang pe mala keo mǝ'mɓwamae, yì Loyis andǝ nggo Yunis, sǝ ǝn sǝlǝna nǝma a ndarǝ lidǝmbǝa aɓa mǝno yì paɓamuru ka nǝ rǝcandǝa.

2 Timoti 3:11

kat andǝ atanni mem, andǝ apatanni mana à yiu amuram ngga. À surǝna rǝ kanggǝrang tanni mǝnana à pam a Antiyok, andǝ Ikoniya andǝ Listǝra ka. Kat andǝ amani ka, Mǝtalabangŋo amsǝam aɓalǝ amǝnia yì agir ka kat.

Filimon 1:1

Cautera mǝnia ka pur nǝban Bulǝs, ɓwa mǝnana ndǎ a ndàkurban ace hamnǝ Cau Amsǝban mala Kǝrǝsti Yesu ka, andǝ mǝ'eam sǝm Timoti. Mǝ nda ban gilǝì Filimon, gyajam ma'sǝm andǝ ɓi sǝm mǝturo,

Amǝ Ibǝru 13:23

Ən nggǝ earce wu sǝlǝ ama à pusǝna mǝ'eam sǝm Timoti a ndàkurban. Ɓǝ̀ yina tu ka, sǝm nǝ̀ ká sǝnǝi aban wun.