Amǝ Mishan 15:36 - Maləmce Məfele mala Ɓakuli: Kurcau Məbəshe

³⁶ Nǝ nzǝmo ka, Bulǝs ne Barnabas ama, “Fa sǝm nǝ̀ nyare arǝ ala mǝnana sǝm hamnǝ Cau Amsǝban mala Mǝtalabangŋo kam ngga, sǝm ngga sǝn lidǝmbǝa mala amǝkwaɗi mana à kǝ loa paɓamuria adyan tu ka.”

Amǝ Mishan 15:36 ပူးပေါင်းရင်းမြစ်များ

Matiu 25:36

Mǝ ndanǝ ɓatam, wu pam agir-nggurǝu. Mǝ nda ɓa rǝkwana, wu tsǝkiram. Mǝ nda ɓa ndàkurban, wu yiua makkam kun.”

Matiu 25:43

Mǝ nda bǝri, wu em a ɓala ɗang. Mǝ ndanǝ ɓatam, wu pam agir-nggurǝu ɗang. Mǝ ndanǝ rǝkwana, ɗǝm ngga mǝ nda aɓa ndàkurban, wu yi makkam kun ɗang.”

Amǝ Mishan 13:12

Lang nggwamna nǝ̀ sǝn man yì gir kumban ngga, kara paɓamuri aban Mǝtalabangŋo. Yì ka, ndali kǝrkǝr nǝ mǝnia yì kanigir amur Mǝtalabangŋo ka.

Amǝ Mishan 13:4

Yia kǝm mana Bangŋo Mǝfele turia ka, à pur a Antiyok sǝ à wario a Selusiya, la a kun múr. Abanì ka à kutia waru aban ká a nggeala Salamis aɓa luran Sayipǝrus.

Amǝ Mishan 13:51

Sǝ yia amǝ'mishan ngga à kǝtǝri tu kusǝia, ɓǝ̀ lǝmndǝia wia ama à pusǝkina abuia, ɓǝ̀ mana kumia le ka nda amuria, pǝlǝa à kutio aban ká a Ikoniya.

Amǝ Mishan 14:1

A nggeala Ikoniya a bu-nzali Likoniya ka Bulǝs andǝ Barnabas kutio aɓa ndakpapi mala amǝ Yahudi, kǝla mana à pakkiyi ka. À bang cau mala Ɓakuli kam nǝ rǝcandǝa, sǝ mǝnia ka tsǝa amǝ Yahudi andǝ aɓwana mǝnana amǝ Yahudi na raka pas, à paɓamuria, à pǝlǝ amǝkwaɗi.

Amǝ Mishan 14:21

Bulǝs andǝ Barnabas hamnǝ Cau Amsǝban a Dabe. À kum aɓwana kam pas mana à pǝlǝ amǝkpata Yesu ka. Pǝlǝa à nyare a Listǝra, andǝ Ikoniya, à kya kutio a Antiyok mana aɓa bu-nzali Pisidiya ka.

Amǝ Mishan 14:6

Lang ce nǝ̀ yia kpa a kir amǝ'mishan ngga, kara à ɓangŋa à o arǝ anggea-là Listǝra andǝ Dabe mala amǝ Likoniya, andǝ cili bum-ban mana kàrǝì ban mǝno ka.

Amǝ Mishan 7:23

Lang apǝlǝa mala Musa lumsǝna lumi-ine ka, ɗenyicau yipi wi a ɓabumi ama ɓǝ̀ kyane, ɓǝ̀ kya sǝn aɓwana male, yia amǝ Isǝrayila.

Amǝ Roma 1:11

Mim ngga ǝn earce kǝrkǝr a ɓabumam ɓǝ̀ ǝn kya sǝn wun, ɓǝ̀ ǝn pa wun aɓoro ɓa Bangŋo mǝnana nǝ̀ pa wun rǝcandǝa ka.

2 Amǝ Korinti 11:28

Ko ɓǝ̀ mala amǝnia na raka, ko aya pwari ka, ɓalǝam kǝ pi ace ɗenyi mem amur a'ikǝlisiya kat.

Amǝ Filipi 1:27

Ado ka, gir mǝnana ɓoaribanì ka, nda mǝnana ama wu do kǝla aɓwana mala Kǝrǝsti, nǝ bwal ɓamur rǝ wun aɓa njar mala Cau Amsǝban. Sǝ ko ɓǝ̀ ǝn yiu ɗǝm a sǝn wun, ko ǝn yiu raka, mǝ nǝ ok ce came ma'wun kàngkàng aɓa Bangŋo andǝ ɓabum mǝ'mwashati andǝ ɓariki a tarǝ wun ace paɓamuru ma'wun arǝ Cau Amsǝban.

1 Amǝ Tasalonika 3:6

Sǝ a dyan ngga, Timoti nyarǝna yina aban sǝm. Yi bangŋǝna sǝm cau mǝɓoarne mala paɓamuru ma'wun aban Ɓakuli andǝ earcearǝu ma'wun. Ɗǝm ngga, bangga sǝm ama wu kǝ ɗenyi nǝ do mǝɓoarne ma'sǝm sǝnǝa wun, wu kǝ pak nzal sǝn sǝm, kǝla mǝnana ado, sǝm nggǝ pak nzal sǝn wun ngga.

2 Timoti 1:4

Ɓǝ̀ ǝn ɗenyi nǝ mǝrǝm mǝnana a sukki a pwari gauwa ma'sǝm ngga, nzal sǝno kǝ pakkam. Ban nǝ̀ ɓoaram kǝrkǝr, yi mǝnana ɓǝ̀ sǝm kum ɓamur rǝ sǝm a tarǝ sǝm ɗǝm ngga.