Amǝ Mishan 15:32 - Maləmce Məfele mala Ɓakuli: Kurcau Məbəshe

³² Pǝlǝa Yahuda andǝ Silas, yia mǝnana nǝ ɓamuria ka amǝ'ɓangna mala Ɓakuli na ka, à sau kam aban kwarkir amǝkwaɗi, à kǝ ɓak ɓabumia nǝ acau pas.

Amǝ Mishan 15:32 ပူးပေါင်းရင်းမြစ်များ

Matiu 23:34

Ace mani ka mǝ ndo mǝ nǝ tura wun ban nǝ amǝ'ɓangna, andǝ amǝ'sǝle, andǝ amǝkanigir. Aɓea atea ka wu nǝ̀ walia, wu nǝ̀ gballia a nggun; sǝ acilia ka wu nǝ̀ kwea aɓalǝ andakpapi sǝ wu nǝ̀ pǝrtea arǝ ala, wu nǝ̀ pea wia tanni.

Luka 11:49

Mǝnia ka nda cau mǝnana Ɓakuli bangŋa amur wun ngga, “Mǝ nǝ tura wun ban nǝ amǝ'ɓangna andǝ amǝ'mishan, aɓea ka wu nǝ̀ wal-luia sǝ acilia ka wu nǝ̀ pea wia tanni.”

Amǝ Mishan 11:23

Lang yiu yi bwalǝna Antiyok sǝ sǝnǝna tsǝkbu mala Ɓakuli amur aɓwana ka, bumi pwasǝo, camarǝ kwarkiria ɓǝa cam kàngkàng aɓa paɓamuru malea sǝ ɓǝa do nǝ mǝsǝcau aban Mǝtalabangŋo.

Amǝ Mishan 11:27

Àkǝ̀ ɓalǝ anongge mǝno ka aɓea amǝ'ɓangna mala Ɓakuli pur a Urǝshalima sǝ à wario a Antiyok.

Amǝ Mishan 13:1

Aɓa Ikǝlisiya mǝnana a Antiyok mala bu-nzali Suriya ka amǝ'ɓangna mala Ɓakuli nakam, andǝ amǝ kanigir. À nda ka Barnabas, andǝ Shimiyan (mǝnana à tunǝki ama Mǝpǝndǝe ka), andǝ Lukiyus (ɓwa Sayirin), andǝ Maneyan (mǝnana lo a tarǝia andǝ murǝm Hirǝdus ka), sǝ Sawul.

Amǝ Mishan 14:22

À camarǝ pe amǝkwaɗi rǝcandǝa, à kǝ kwarkiria ama, ɓǝa lidǝmbǝa nǝ paɓamuru malea. À kǝ kasǝ ɓalǝia nǝ mǝnia yì cau ka ama, “Dumǝna pup sǝm nǝ̀ nu tanni ɗàngɗáng, sǝ sǝm nǝ̀ kutio a Domurǝm mala Ɓakuli.”

Amǝ Mishan 15:1

Aɓea amǝkwaɗi pur a nzali Yahudi à yiu à Antiyok a bu-nzali Suriya. À tita kani amǝkwaɗi ama, “Ɓǝa kasǝa wun ɓata wun, kǝla mana Nggurcau mala Musa kànì raka, pa wu nǝ̀ kum amsǝban ɗang.”

Amǝ Mishan 15:22

Pǝlǝa amǝ'mishan, andǝ aɓwana-mǝgule amur amǝkwaɗi, andǝ cili ikǝlisiya mana a Urǝshalima ka, sǝni ka ɓoaro ɓǝa twal aɓwana aɓalǝia ɓǝa tasǝia à Antiyok, a tarǝia andǝ a Bulǝs andǝ Barnabas. À twal aɓwana ɓari ata aɓwana-mǝgule amur amǝkwaɗi mana amǝkwaɗi kǝ pea wia gulo ka; ɓwa kǝla Yahuda mana à tunǝki ama Barsabas ka, sǝ Silas.

Amǝ Mishan 15:27

Sǝm ndya sǝm nggǝ tasǝa wun Yahuda andǝ Silas, mana à nǝ̀ bangga wun nǝ kunia yì cau mala agir mǝnana kat sǝm cia aɓa gilǝe ka.

Amǝ Mishan 15:3

Pǝlǝa ikǝlisiya, yì amǝkwaɗi tasǝia aban ká. À ara aɓalǝ abarìban Fonishiya andǝ Samariya à kǝ nea amǝkwaɗi cau mala pǝlǝa mala aɓwana mǝnana amǝ Yahudi na raka aban Ɓakuli. Bum amǝkwaɗi pwasǝo nǝ ok mǝnia yì cau ka.

Amǝ Mishan 15:31

Lang à ɓalni ka, amǝkwaɗi lumsǝ nǝ banɓoarnado, nǝ cau ɓak ɓabum mana a turia wia ban nǝi ka.

Amǝ Mishan 15:41

Pǝlǝa Bulǝs lidǝmbǝa nǝ gya a tarǝia andǝ Silas aɓalǝ abu-nzali Suriya andǝ Sǝlisiya, kǝ kwarkir amǝkwaɗi aban pea wia rǝcandǝa.

Amǝ Mishan 18:23

Anzǝm anonggeo bǝti a Antiyok ka, Bulǝs bwal njar, o arǝ aban aɓalǝ abu-nzali mala amǝ Galati andǝ amǝ Firigiya, kǝ ɓak ɓabum amǝkwaɗi kat mana arǝ abanì ka.

Amǝ Mishan 2:40

Pǝlǝa Bitǝrus banggia wia aɓea acau pas sǝ nunkiria ama, “Wu amsǝ ɓamur rǝ wun aɓa nza mǝɓike mǝnia ka!”

Amǝ Mishan 20:2

Lang gingna arǝ abumban aɓa mǝno yì bu-nzali aban ɓak ɓabum amǝkwaɗi nǝ cau mala Ɓakuli ka, pǝlǝa kutio wario a Gǝris mǝnana gbal à tunǝki ama bu-nzali Akaya ka.

Amǝ Roma 12:6

Sǝm ndanǝ aɓoro ɗàngɗáng aɓa ɓwamuru mǝnana Ɓakuli pa sǝm ngga. Ɓǝ̀ mo yì ɓoro nda na gì Ɓakuli ka, pe anjari mǝnana karǝ arǝ paɓamuru mo ka.

Amǝ Roma 12:8

Ɓǝ̀ mo ka ɓakɓabum aɓwana na ka, wu kǝ pak turo ɓakɓabum. Ɓǝ̀ pabu nda mo yì ɓoro ka, wu kǝ pè nǝ ɓabumo mwashat. Ɓǝ̀ mo ka turo lidǝmbǝa nǝ aɓwana na ka, wu kǝ pe nǝ ɓabumpina. Sǝ ɓǝ̀ lǝmndǝ ɓwamuru nda mo ka, wu kǝ̀ lǝmndǝi nǝ banɓoarnado.

1 Amǝ Korinti 1:8

Yì ka, nǝ̀ bwala wun nggam, wu nǝ̀ dum nǝ rǝcandǝa ba masǝlǝate, ace mǝnana ɓǝa kǝa kum wun nǝ ɓe kǝ cau arǝ wun a pwari yiu mala Mǝtala sǝm Yesu Kǝrǝsti ɗang.

1 Amǝ Korinti 14:29

Aɓwana ɓari ko tārú mǝnana Ɓakuli pea wia cau male ka, ɓǝa na cau, sǝ acili ɓwapǝndǝa ka ɓǝa pelǝki ɓa cau mǝnana à bangŋi ka.

1 Amǝ Korinti 14:3

Sǝ ɓwa mǝnana kat kǝ na gi Ɓakuli ka, nda ban ne aɓwana ɓǝa kum ɓakban andǝ rǝcandǝa andǝ girikiban.

1 Amǝ Korinti 14:32

Abangŋo mala na gi Ɓakuli mǝnana amǝ'ɓangna nani ka à nda aɓata yalban mala amǝ'ɓangna.

Amǝ Afisu 3:5

sǝ à pusǝì a banfana aban aɓwana arǝ anza mǝno à kutikina raka. Sǝa ma adyan a nza man ngga, yi pusǝni a banfana aban amǝ'mishan andǝ amǝ'ɓangna mala Ɓakuli, nǝ bu Bangŋo male.

1 Amǝ Tasalonika 2:11

Wun nǝ nggearǝ wun ngga wu sǝlǝna ama sǝm bwal ko yan ata wun ngga kǝla mǝnana tár amuna kǝ bwal amuna male ka.

1 Amǝ Tasalonika 3:2

sǝ sǝm tasǝ Timoti ɓǝ̀ kyane ɓǝ̀ kya sǝn wun. Yì ka, mǝ'eam sǝm na andǝ ɓi'sǝm mǝturo mala Ɓakuli aɓa hamnǝ Cau Amsǝban mala Kǝrǝsti. Sǝm turi aban wun ace mǝnana ɓǝ̀ yi ɓakɓabum wun, ɓǝ̀ dupa wun gbasha aɓa paɓamuru ma'wun aban Kǝrǝsti.

1 Amǝ Tasalonika 4:1

Sǝ ado ka, wun amǝ'eam sǝm, wu kumǝna kwarkiru nǝ bu sǝm amur njar mǝnana ɓoaro wu nǝ̀ dukdo sǝ ɓabum Ɓakuli nǝ̀ pwasǝ a rǝì ka. Sǝ ado mǝnana wu ndarǝ duk ulang mǝno yì do ka, sǝm nggǝ zǝmbǝa wun nǝ kwarkiru mǝcande aɓa lullǝ Mǝtalabangŋo Yesu, wu lidǝmbǝa nǝi aɓa pe anggo andǝ mǝnana kuti mǝno ka ko aya pwari, aban káne a dǝmbǝa.

1 Amǝ Tasalonika 5:14

Wun amǝ'eambǝam, sǝm nggǝ kwarkir wun, wu nun kir aɓwana mǝnana à ndanǝ nkundǝr ka. Wu ɓak ɓabum amǝ'ɓangciu, wu bwalia aɓwana mǝnana à pànǝ rǝcandǝa raka. Wu dum nǝ munyi arǝ aɓwana kat.

1 Amǝ Tasalonika 5:20

Wu kǝa nyesǝ ce bang gi Ɓakuli nǝ kun aɓwana male ɓà ɗang.

2 Amǝ Tasalonika 3:12

Aɓa lullǝ Mǝtalabangŋo Yesu Kǝrǝsti ka, sǝm nggǝ cia sǝ sǝm nggǝ zǝmbǝia wia, ɓǝa dum nǝ hamírǝu, ɓǝa pǝlǝ buia, ace mǝnana ɓǝa linǝ ɓamuria ka.

1 Timoti 2:1

A dǝmbǝa nǝ agir kat ka, ǝn nggǝ pa kwarkiru ama, wu kǝ pak hiwi ace aɓwana kat. Wu kyan nǝ ɓua ma'wun aban Ɓakuli amuria, wu zǝmbǝi wi ɓǝ̀ bwalia wia kam kat nǝ ɓwamuru male, sǝ wu kǝ pakki wi yàwá acea.

2 Timoti 4:2

We ka, hamnǝ cau mala Ɓakuli. Do aɓa gilǝrǝu ace mǝnia yì turo ka, ko njar na kam ko pà kàm ɗang. Lǝmndǝi aɓwana ɓwarkio malea, nunkiria, sǝ wu ɓak ɓabumia nǝ munyi mǝgule andǝ kwarkiru ɓukɓuk.

1 Bitǝrus 5:1

Mǝ nda rǝ ɓakɓabum aɓwana-mǝgule mǝnana aɓalǝ wun ngga kǝla ɓi'wun ɓwamǝgule. Ən sǝn nutanni mala Kǝrǝsti nǝ amǝsǝam, sǝ mim gbal ka, mǝ nǝ kum kāmbe mem aɓa ɓoarɓwa male, yi mǝnana ɓǝ̀ yi pusǝna rǝì aban ɓanza ka.

1 Bitǝrus 5:10

Ɓakuli ka nda mǝtala ɓwamuru kat. Yì nda mana tunǝ wun aɓa gulo male mǝnana málá male pà kàm raka, aɓa Kǝrǝsti Yesu. Anzǝm mǝnana wu nuna tanni aɓalǝ apwari bǝti ka, nǝ̀ nyesǝ wun aban came mǝɓoarne, nǝ̀ pa'wun gbasha, andǝ rǝcandǝa. Ɗǝm ngga nǝ̀ dumsǝ wun aɓa lidǝmbǝa mana pà wu nǝ̀ dǝurǝ raka.

1 Bitǝrus 5:12

Nǝ́ bu Silas mǝnana ǝn earnǝi kǝla mǝ'eamrǝarǝu mǝ'mǝsǝcau nì ka, sǝ ǝn nggǝ gilǝa wun mǝnia yì cau gbǝlǝm ngga. Ən nggǝ earce mǝ ɓak ɓabum wun, sǝ mǝ na wun ama, mǝnia yì gir wu nda ɓālǝi ado ka, ɓwamuru mala Ɓakuli na kat ace wun. Wu cam kàngkàng a ɓalǝi.