Amǝ Mishan 15:29 - Maləmce Məfele mala Ɓakuli: Kurcau Məbəshe

²⁹ Wu kǝa li girlina mǝnana à pea alú ka ɗang; wu kǝa li nkila ɗang; wu kǝa li nyam girkusǝu mana à pūrǝ meali nǝ puro ka ɗang; wu kǝa kutia pakkiagir kìɗìkì mala nonggi nǝ rǝarǝu ɗang. Ɓǝ̀ wu yal ɓamur rǝ wun arǝ amǝnia ka, wu pangŋa mǝɓoarne. Ɓǝ̀ rǝ wun pwalo.

Amǝ Mishan 15:29 ပူးပေါင်းရင်းမြစ်များ

Luka 9:61

Nyare ɓeɓwa bangŋa ama, “Mǝ nǝ kpato, Mǝtalabangŋo, sǝa ma cam peatu mǝ nyare mǝ kya tsǝk amǝɓala mem a ndà.”

Amǝ Mishan 15:20

Gir mana kutibanì ka, sǝm nǝ̀ gilǝ cautera, sǝm nǝ̀ banggia wia ama ɓǝa kǝa li girlina mana à pea alú ata ankúl ka ɗang. Ɓǝa puri ɓa kìɗìkì mala nongginǝban. Ɓǝa kǝa li nyam girkusǝu mana à pūrǝ meali nǝ pūrǝo ka ɗang, sǝ ɓǝa kǝa li nkila ɗang.

Amǝ Mishan 18:21

Ndo nǝ̀ u ka, pǝlǝa nea wia ama, “Ɓǝ̀ Ɓakuli earǝna ka, mǝ nǝ nyare mǝ nǝ yiu aban wun.” Anggo sǝ kutio a waru nying Afisu, aban o.

Amǝ Mishan 21:25

Ma mala aɓwana mǝnana amǝ Yahudi na raka, sǝ à pǝlǝa amǝkpata Yesu ka, sǝm tasǝnia wia cautera aban banggia wia gir mǝnana sǝm eare amuri ka. Sǝm bangŋǝna ama ɓǝa kǝa li girlina mǝnana à ɗarǝna alú nǝi ka ɗang, ɓǝa kǝa li nkila ɗang. Ɓǝa kǝa li nyam girkusǝu mǝnana à wali nǝ pūrǝki meali ka ɗang. Ɗǝm ngga ɓǝ̀ ɓwa ɓǝ̀ kǝa nong nǝ ɓwa mǝnana à malaká al rǝia andǝi raka ɗang.

Amǝ Mishan 23:30

Lang à yì banggam ama à kùrnakun amuri à nǝ̀ wal-lui ka, nda ǝn gbara ǝn tasǝi ɓǝ̀ yiu a bano. Ən nani aɓwana mǝnana nǝ cau a rǝì ka ama ɓǝa yiu nǝ cau malea a bano.

2 Amǝ Korinti 11:9

Mǝnana mǝ nda aban wun sǝ mǝ nda aɓa tǝle ka, ǝn duk twalo amur kǝɓwa ɗang. Amǝ'eamrǝarǝu mǝnana à pur nǝ Masǝdoniya ka, à yinǝam nǝ gir mǝnana ǝn earkiyi ce ka kat. Ən yal ɓamuram, ǝn eare mǝ duk twalo amur wun aɓa koya kǝ njari ka ɗang, sǝ pa mǝ nǝ duk ɗang.

2 Amǝ Korinti 13:11

A masǝlǝate ka, wun amǝ'eamrǝarǝu, ǝn nggǝ tsǝk wun a ndà nǝ amǝnia yì acau ka: Wu dum nǝ bumpwasǝa. Wu gulo wu kya bwal ban mǝnana wu karǝna ɓwa ka. Wu earnǝ rǝarǝ wun. Wu do aɓa rǝpwala. Anggo ka, sǝ Ɓakuli mǝ'earcearǝu nì andǝ mala dorǝpwala ka, nǝ̀ do ata wun.

1 Timoti 5:22

Ce a kaurǝa ata pe ɓwa gulo aɓa ikǝlisiya ɗang. Sǝ kǝa wu oasǝ ɓamuro aɓalǝ acauɓikea mala aɓea aɓwana ɗang. Yal ɓamuro aɓa doɓoarnsari.

Jemis 1:27

Kwaɗi mǝɓoarnsari, mǝɓafoe mǝnana Ɓakuli Tár sǝm earkiyice ka, nda tsǝkir akawa andǝ aman-lú aɓalǝ atanni malea, andǝ ɓanggi pǝndǝkiban mala ɓanza.

1 Yohana 5:21

Wun amunem, wu ɓanggi gir mǝnana kat nǝ̀ ak bancame mala Ɓakuli a ɓabum wun ngga.

Yahuda 1:24

Adyan ngga, gulo ka ɓǝa pe Ɓakuli, mǝnana nǝ̀ gandǝ bwal wun, wu kǝa kpa raka, sǝ nǝ̀ yinǝ wun a ɓadǝmbǝi, mana lumsǝ nǝ ɓoarɓwa ka, nǝ banɓoarnado mǝgule andǝ ɗwanyi cau a rǝǔ.

Sǝna 2:14

Sǝa ma mǝ ndanǝ agir bǝti mǝnana ǝn ɓinǝmǝsǝia a rǝo ka: A kǝ earnǝ aɓea aɓwana a ɓalǝo mǝnana à bwal kanigir mala Balaam, yì ɓwa mǝnana lǝmndǝì Balak njargula mǝnana nǝ̀ tsǝk amǝ Isǝrayila ɓǝa ɓwarki tanjar ka. Yi kania wia, ɓǝa li girlina mǝnana à ci ata ankúl ka, sǝ ɓǝa pak cauɓikea nongginǝ-rǝarǝu.

Sǝna 2:20

Sǝa ma mǝnia nda gir mǝnana ǝn ɓínǝì a rǝo ka. A kǝ eari Jezebel, mɓwama mǝno tunǝki ɓamuri ama mǝɓangna ka, kǝ tsǝk aguro mem ɓǝa ɓwarki tanjar, ɓǝa li girlina mǝnana à ci ata ankúl, sǝ ɓǝa pak cauɓikea nongginǝ-rǝaria.