Amǝ Mishan 15:23 - Maləmce Məfele mala Ɓakuli: Kurcau Məbəshe

²³ À tasǝia nǝ mǝnia yì cautera ka: Cau mǝnia ka pur aban sǝm, amǝ'mishan andǝ aɓwana-mǝgule amur amǝkwaɗi, amǝ'eam wun. Sǝm nggǝ tasǝ makkun aban amǝ'eamrǝarǝu kat, mana amǝ Yahudi na raka, mana à ndanǝ do a Antiyok, andǝ acilia aban aɓalǝ abu-nzali Suriya, andǝ Sǝlisiya ka.

Amǝ Mishan 15:23 ပူးပေါင်းရင်းမြစ်များ

Matiu 4:24

Cau male gya akiban aɓa bu-nzali Suriya kat. À yinǝi wi nǝ amǝkwano ɗàngɗáng: a mǝnana à nda ɓa rǝkwana kǝrkǝr, andǝ a mǝnana akukwar kutia rǝia, andǝ a mǝnana à ndanǝ kwano wukiaban, andǝ a mǝnana ɓe kǝ barea wu ka, yi twalia wia ban akwano malea kat.

Amǝ Mishan 11:18

Lang à nǝ̀ o ana ka, à pànǝ kun nacau ɗǝm ɗang, kara à tita ɓwangsǝki Ɓakuli. À na ama, “Sǝm sǝnǝni ado, Ɓakuli pani aɓwana mǝnana amǝ Yahudi na raka gbal njargula mala pwanzali a mala pǝlǝ nzǝmia arǝ acauɓikea malea, ɓǝa kum yilǝmu!”

Amǝ Mishan 11:20

Sǝa ma aɓea amǝkwaɗi mana à pur nǝ luran Sayipǝrus andǝ nggeala Sayirin ka, à kutio à wario a Antiyok, à kya tita hamnǝ Cau Amsǝban mala Mǝtalabangŋo Yesu aban aɓwana mala aɓea anzali.

Amǝ Mishan 14:27

Lang à bingŋǝna ka, pǝlǝa à rambǝa amǝkwaɗi abanɓwáná, sǝ à banggia wia agir mǝnana kat Ɓakuli pe nǝ ta buia, andǝ njar mala paɓamuru mǝnana Ɓakuli mǝnmbi aɓwana mana amǝ Yahudi na raka gbal.

Amǝ Mishan 15:1

Aɓea amǝkwaɗi pur a nzali Yahudi à yiu à Antiyok a bu-nzali Suriya. À tita kani amǝkwaɗi ama, “Ɓǝa kasǝa wun ɓata wun, kǝla mana Nggurcau mala Musa kànì raka, pa wu nǝ̀ kum amsǝban ɗang.”

Amǝ Mishan 15:2

Bulǝs andǝ Barnabas ka à earnǝ mǝnia yì kanigir ka ɗang, à makgir kǝrkǝr andǝ amǝno yì amǝ Yahudi ka. A masǝlǝate ka, à yì eare ama ɓǝa tasǝ Bulǝs, sǝ Barnabas, andǝ aɓea amǝkwaɗi ɓǝa kya Urǝshalima ɓǝa kya kum amǝ'mishan andǝ aɓwana-mǝgule amur ikǝlisiya, ɓǝa ok kunia amur mǝnia yì cau ka.

Amǝ Mishan 15:22

Pǝlǝa amǝ'mishan, andǝ aɓwana-mǝgule amur amǝkwaɗi, andǝ cili ikǝlisiya mana a Urǝshalima ka, sǝni ka ɓoaro ɓǝa twal aɓwana aɓalǝia ɓǝa tasǝia à Antiyok, a tarǝia andǝ a Bulǝs andǝ Barnabas. À twal aɓwana ɓari ata aɓwana-mǝgule amur amǝkwaɗi mana amǝkwaɗi kǝ pea wia gulo ka; ɓwa kǝla Yahuda mana à tunǝki ama Barsabas ka, sǝ Silas.

Amǝ Mishan 15:4

Lang à yina a Urǝshalima ka, amǝkwaɗi andǝ amǝ'mishan andǝ aɓwana-mǝgule amur amǝkwaɗi gingsǝia. Pǝlǝa yia ka à twal gir mǝnana kat Ɓakuli pak nǝia aɓa gya malea ka, à banggia wia.

Amǝ Mishan 15:41

Pǝlǝa Bulǝs lidǝmbǝa nǝ gya a tarǝia andǝ Silas aɓalǝ abu-nzali Suriya andǝ Sǝlisiya, kǝ kwarkir amǝkwaɗi aban pea wia rǝcandǝa.

Amǝ Mishan 18:18

Bulǝs do andǝ amǝkpata Yesu mana aɓa Korinti ka arǝ anonggeo pas. Pǝlǝa nyia, nǝ̀ o a bu-nzali Suriya. À kpapi gya a tarǝia andǝa Pǝrisǝla andǝ Akila. Lang à yì bingŋǝna Sǝnkǝriya, la a kun nggeamur ka, Bulǝs mwa muri ace mǝnana ɓǝ̀ lǝmndǝ ama yì ka, lumsǝna nzongcau mala amǝ Yahudi mǝnana twalo a ɓadǝm Ɓakuli nǝ̀ pe ka. Pǝlǝa à kutio a waru-mur aban ká.

Amǝ Mishan 21:25

Ma mala aɓwana mǝnana amǝ Yahudi na raka, sǝ à pǝlǝa amǝkpata Yesu ka, sǝm tasǝnia wia cautera aban banggia wia gir mǝnana sǝm eare amuri ka. Sǝm bangŋǝna ama ɓǝa kǝa li girlina mǝnana à ɗarǝna alú nǝi ka ɗang, ɓǝa kǝa li nkila ɗang. Ɓǝa kǝa li nyam girkusǝu mǝnana à wali nǝ pūrǝki meali ka ɗang. Ɗǝm ngga ɓǝ̀ ɓwa ɓǝ̀ kǝa nong nǝ ɓwa mǝnana à malaká al rǝia andǝi raka ɗang.

Amǝ Mishan 21:3

Sǝm nda aban samsǝa aɓa nggeamur aban o ka, mǝsǝ sǝm yi kpa arǝ luran mala Sayipǝrus kuko, sǝm yi turi nǝ bu sǝm mǝnggare, sǝm lidǝmbǝa aban o. Sǝm yì kpashi a kunmur mala nggeala Taya, aɓa bu-nzali Suriya. Abanì sǝ amǝturo ɓa-waru sulǝ twalo.

Amǝ Mishan 23:26

Makkun pur a buam mim Kǝlaudiyus Lisiyas, aban ká aban mǝtala-nzali Felis.

Amǝ Mishan 6:9

Sǝ aɓea amǝ Yahudi mǝnana à pur nǝ anggea-là Sayirin andǝ Alizandǝriya, mǝnana à nda ɓalǝ amǝ ndakpapi mǝnana à tunǝki ama Ndakpapi mala aɓwana mǝnana à panzǝia ka, à mgbicau a rǝi. Yia andǝ aɓea mǝnana à pur arǝ abu-nzali mala amǝ Sǝlisiya andǝ Asiya ka, à lo nǝ makgir a rǝi.

Amǝ Galati 1:21

Anzǝm mǝno ka ǝn wario arǝ aɓea ban aɓalǝ abu-nzali Suriya andǝ Sǝlisiya.

Jemis 1:1

Mim Jemis, guro mala Ɓakuli andǝ mala Mǝtalabangŋo Yesu Kǝrǝsti, mǝ nda ban terǝ cau aban ká aban amǝkpata Kǝrǝsti mǝnana aɓalǝ atau lum-nong-ɓari mala amǝ Isǝrayila, mǝnana à mesǝkea arǝ anzali aɓa ɓanza ka. Ən nggǝ makka wun kun!

2 Yohana 1:10

Ɓǝ̀ kǝɓwa yiu aɓa kpapi ma'wun, sǝ yinǝ mǝnia yì kanigir raka, wu kǝa é arǝ aɓala ma'wun, ko wu cianda ɗang.

2 Yohana 1:13

Amuna mala mǝ'nggauleo mǝnana Ɓakuli tárì ka, à kǝ makko kun.

2 Yohana 1:3

Ɓǝ̀ ɓwamuru, andǝ mǝsǝswatǝr, andǝ dorǝpwala mala Ɓakuli Tarrû andǝ Yesu Kǝrǝsti, Muna male, do ata sǝm aɓa mǝsǝcau andǝ earcearǝu.

3 Yohana 1:14

Mǝ ndanǝ tsǝkɓalǝu mǝ nǝ yiu abano banì pà nǝ̀ sau ɗang, sǝ sǝm nǝ̀ yia na cau a kunnarǝ sǝm.