Amǝ Mishan 15:22 - Maləmce Məfele mala Ɓakuli: Kurcau Məbəshe

²² Pǝlǝa amǝ'mishan, andǝ aɓwana-mǝgule amur amǝkwaɗi, andǝ cili ikǝlisiya mana a Urǝshalima ka, sǝni ka ɓoaro ɓǝa twal aɓwana aɓalǝia ɓǝa tasǝia à Antiyok, a tarǝia andǝ a Bulǝs andǝ Barnabas. À twal aɓwana ɓari ata aɓwana-mǝgule amur amǝkwaɗi mana amǝkwaɗi kǝ pea wia gulo ka; ɓwa kǝla Yahuda mana à tunǝki ama Barsabas ka, sǝ Silas.

Amǝ Mishan 15:22 ပူးပေါင်းရင်းမြစ်များ

Amǝ Mishan 1:23

Pǝlǝa à pa lullǝ aɓwana ɓari: Yisǝfu, mǝnana à kǝ tunǝi ama Barsabas (Sǝ à surǝì gbal nǝ Yustus ka) andǝ Matǝyes.

Amǝ Mishan 11:19

Aɓea amǝkwaɗi mǝnana pàtanni mesǝkea anzǝm lú mala Itǝfanu ka, à gali à kya bwal bareban Fonishiya, andǝ Luran Sayipǝrus, andǝ nggeala Antiyok aɓa bu-nzali Suriya. À kǝ hamnǝ Cau Amsǝban, sǝ kǝ amǝ Yahudi na nǝmurǝia à hambia wia ka.

Amǝ Mishan 11:20

Sǝa ma aɓea amǝkwaɗi mana à pur nǝ luran Sayipǝrus andǝ nggeala Sayirin ka, à kutio à wario a Antiyok, à kya tita hamnǝ Cau Amsǝban mala Mǝtalabangŋo Yesu aban aɓwana mala aɓea anzali.

Amǝ Mishan 11:22

Cau mala mǝnia yì gir ka yi bwal ban amǝkwaɗi a Urǝshalima, pǝlǝa à tasǝ Barnabas a Antiyok.

Amǝ Mishan 11:27

Àkǝ̀ ɓalǝ anongge mǝno ka aɓea amǝ'ɓangna mala Ɓakuli pur a Urǝshalima sǝ à wario a Antiyok.

Amǝ Mishan 15:23

À tasǝia nǝ mǝnia yì cautera ka: Cau mǝnia ka pur aban sǝm, amǝ'mishan andǝ aɓwana-mǝgule amur amǝkwaɗi, amǝ'eam wun. Sǝm nggǝ tasǝ makkun aban amǝ'eamrǝarǝu kat, mana amǝ Yahudi na raka, mana à ndanǝ do a Antiyok, andǝ acilia aban aɓalǝ abu-nzali Suriya, andǝ Sǝlisiya ka.

Amǝ Mishan 15:25

Ace mani ka sǝm yì kpapi, sǝ nǝ́ eare ma'sǝm kat sǝ sǝm twal aɓwana sǝm turia aban wun, a tarǝia andǝa Barnabas andǝ Bulǝs, yia mana sǝm earkiyi acea raka.

Amǝ Mishan 15:27

Sǝm ndya sǝm nggǝ tasǝa wun Yahuda andǝ Silas, mana à nǝ̀ bangga wun nǝ kunia yì cau mala agir mǝnana kat sǝm cia aɓa gilǝe ka.

Amǝ Mishan 15:3

Pǝlǝa ikǝlisiya, yì amǝkwaɗi tasǝia aban ká. À ara aɓalǝ abarìban Fonishiya andǝ Samariya à kǝ nea amǝkwaɗi cau mala pǝlǝa mala aɓwana mǝnana amǝ Yahudi na raka aban Ɓakuli. Bum amǝkwaɗi pwasǝo nǝ ok mǝnia yì cau ka.

Amǝ Mishan 15:30

Aɓwana mana à tasǝia ka, à wario a Antiyok, à kya rambǝa amǝkwaɗi mana abanì ka kat, sǝ à pea wia cautera mana à turia nǝi ka.

Amǝ Mishan 15:32

Pǝlǝa Yahuda andǝ Silas, yia mǝnana nǝ ɓamuria ka amǝ'ɓangna mala Ɓakuli na ka, à sau kam aban kwarkir amǝkwaɗi, à kǝ ɓak ɓabumia nǝ acau pas.

Amǝ Mishan 15:40

Sǝ Bulǝs twal Silas à o andǝi. Amǝkwaɗi cia aɓata ɓwamuru mala Mǝtalabangŋo nǝ hiwi.

Amǝ Mishan 16:19

Lang amǝtala guro-nsari man sǝlǝna ama ta kume malea kasǝna ka, kara à bwal Bulǝs andǝ Silas, à nunggia aɓalǝ aɓwana aban ká aban amǝ'talanzali a bankpapi mala la.

Amǝ Mishan 16:25

Nǝ ɓadu ka Bulǝs andǝ Silas camarǝ pak hiwi, sǝ à kǝ tukia anggyal aban Ɓakuli, sǝ acili aɓwana mana à girria andǝia ka, à kwaki kiria à kǝ oea.

Amǝ Mishan 16:29

Mǝyal ndàkurban tunǝban ɓǝa yinǝi wi nǝ bǝsa. Pǝlǝa ɓangŋa kutio aɓa ndàkurban, kya kpa a ɓadǝm Bulǝs andǝ Silas, rǝì kǝ ɓǝla.

Amǝ Mishan 17:10

Lang du pǝndǝna ka, amǝkpata Yesu tasǝ ta Bulǝs andǝ Silas a Biriya. À yì bwalǝna ka, à kutio a ndakpapi mala amǝ Yahudi.

Amǝ Mishan 17:14

Amǝkpata Yesu lo tu, à tasǝ ta Bulǝs a kun nggeamur, sǝ Silas andǝ Timoti ka à ueo a Biriya.

Amǝ Mishan 17:4

Aɓea amǝ Yahudi kum jeban mala Ɓakuli a ɓabumia pǝlǝa à kpapi muria andǝa Bulǝs andǝ Silas. Anggo gbal sǝ aɓwana-mǝgule amamǝna andǝ aɓwana pas amǝ Gǝrik, mana à kǝ peri aban Ɓakuli ka, à pu ata Bulǝs andǝ Silas.

Amǝ Mishan 18:5

Lang Silas andǝ Timoti nyingŋǝna bu-nzali Masǝdoniya, à yì bwalǝna ka, Bulǝs kara pa ɓamuri kat ace hamnǝ cau mala Ɓakuli. Camarǝ banggi amǝ Yahudi ama, Yesu nda Kǝrǝsti Mǝ'amsǝban.

Amǝ Mishan 8:14

Lang amǝ'mishan mǝnana a Urǝshalima, ongŋǝna ama amǝ Samariya angŋǝna cau mala Ɓakuli ka, à tasǝ Bitǝrus andǝ Yohana abania.

2 Amǝ Korinti 1:19

Acemǝnana Yesu Kǝrǝsti Muna mala Ɓakuli, mǝnana mim sǝnǝ Silas andǝ Timoti, sǝm hamnǝ cau male aban wun ngga, “E” na andǝ “Awo” a tarǝia ɗang. A ɓalǝi ka, “E” na, a koya pwari ka.

1 Amǝ Tasalonika 1:1

Mǝnia yì cautera ka pur nǝban Bulǝs, andǝ Silas, andǝ Timoti. Aban ká aban ikǝlisiya mala amǝ Tasalonika, aɓwana mala Ɓakuli Tarrû, andǝa mala Mǝtalabangŋo Yesu Kǝrǝsti. Ɓǝ̀ ɓwamuru andǝ dorǝpwala mala Ɓakuli do ata wun.

2 Amǝ Tasalonika 1:1

Mǝnia yì cautera ka, pur nǝban Bulǝs andǝ Silas andǝ Timoti. Aban ká aban ikǝlisiya mala amǝ Tasalonika, aɓwana mala Ɓakuli Tár sǝm andǝ Mǝtalabangŋo Yesu Kǝrǝsti.

1 Bitǝrus 5:12

Nǝ́ bu Silas mǝnana ǝn earnǝi kǝla mǝ'eamrǝarǝu mǝ'mǝsǝcau nì ka, sǝ ǝn nggǝ gilǝa wun mǝnia yì cau gbǝlǝm ngga. Ən nggǝ earce mǝ ɓak ɓabum wun, sǝ mǝ na wun ama, mǝnia yì gir wu nda ɓālǝi ado ka, ɓwamuru mala Ɓakuli na kat ace wun. Wu cam kàngkàng a ɓalǝi.