Amǝ Mishan 15:20 - Maləmce Məfele mala Ɓakuli: Kurcau Məbəshe

²⁰ Gir mana kutibanì ka, sǝm nǝ̀ gilǝ cautera, sǝm nǝ̀ banggia wia ama ɓǝa kǝa li girlina mana à pea alú ata ankúl ka ɗang. Ɓǝa puri ɓa kìɗìkì mala nongginǝban. Ɓǝa kǝa li nyam girkusǝu mana à pūrǝ meali nǝ pūrǝo ka ɗang, sǝ ɓǝa kǝa li nkila ɗang.

Amǝ Mishan 15:20 ပူးပေါင်းရင်းမြစ်များ

Amǝ Mishan 15:29

Wu kǝa li girlina mǝnana à pea alú ka ɗang; wu kǝa li nkila ɗang; wu kǝa li nyam girkusǝu mana à pūrǝ meali nǝ puro ka ɗang; wu kǝa kutia pakkiagir kìɗìkì mala nonggi nǝ rǝarǝu ɗang. Ɓǝ̀ wu yal ɓamur rǝ wun arǝ amǝnia ka, wu pangŋa mǝɓoarne. Ɓǝ̀ rǝ wun pwalo.

Amǝ Mishan 21:25

Ma mala aɓwana mǝnana amǝ Yahudi na raka, sǝ à pǝlǝa amǝkpata Yesu ka, sǝm tasǝnia wia cautera aban banggia wia gir mǝnana sǝm eare amuri ka. Sǝm bangŋǝna ama ɓǝa kǝa li girlina mǝnana à ɗarǝna alú nǝi ka ɗang, ɓǝa kǝa li nkila ɗang. Ɓǝa kǝa li nyam girkusǝu mǝnana à wali nǝ pūrǝki meali ka ɗang. Ɗǝm ngga ɓǝ̀ ɓwa ɓǝ̀ kǝa nong nǝ ɓwa mǝnana à malaká al rǝia andǝi raka ɗang.

1 Amǝ Korinti 5:11

Ɓa cau mǝnana ǝn nggǝ na ka nda mǝnia ka. Wu pa wu nǝ̀ kpapi do a tarǝ wun wunǝ ɓwa mǝnana tunǝ ɓamuri ama yì ka, mǝ kpata Yesu na, sǝ do aɓa cauɓikea nongginǝ aban, ko do mɓali, ko mǝ kpata alú na ka ɗang. Sǝ pà wu nǝ̀ kpapi do gbal wunǝ ɓwa mǝnana mǝ do na'nyir amur aɓwana na, ko mǝ walki a walo mba na, ko mǝɓǝmbǝriban na ka ɗang. Wu kǝa na ama wu nǝ̀ do wu nǝ̀ li girlina a tarǝ wun wunǝ ulang mǝnia yì ɓwa ka ɗang.

1 Amǝ Korinti 6:13

“Girlina ka nda ace bum, sǝ bum ngga nda ace girlina.” Sǝ yia kǝm ngga Ɓakuli nǝ̀ kiɗikia. Nggūrǝu ka pà ace do kìɗìkì mala nonggi nǝ rǝarǝu ɗang, nda ace pakki Mǝtalabangŋo turo; sǝ Mǝtalabangŋo ka kǝ ɗenyi nǝ nggūrǝu.

1 Amǝ Korinti 6:18

Wu ɓanggi aturo mala kìɗìkì mala nongginǝ rǝarǝu. Acemǝnana acilia acauɓikea mana kat ɓwa kǝ pea ka, à kumsǝ nggūrǝi ɗang, sǝ ɓwa mǝnana kat pak cauɓikea nongginǝ rǝarǝu ka, pangŋǝni nggūrǝi cauɓikea.

1 Amǝ Korinti 6:9

Wu sǝlǝ mbak ama amǝ'ɓealɓikea pa nǝ̀ kutio a Domurǝm mala Ɓakuli ɗang? Wu kǝa swarki ɓamur rǝ wun ɗang! Aɓwana mǝnana à kǝ dukdo kiɗìkì mala nonggi nǝ rǝarǝu, ko à kǝ peri ata ankúl andǝ nongginǝ amālá aɓea andǝ abura aɓea ka, à pà nǝ̀ kuti a domurǝm mala Ɓakuli ɗang. Sǝ kǝɓwa pà kàm ata amǝ kìɗìkì mala nongginǝban, ko aburana a rǝarǝia, ko amamǝna gbal a rǝarǝia, mana à nǝ̀ kum kutio a domurǝm mala Ɓakuli ka ɗang.

1 Amǝ Korinti 7:2

Sǝ acemǝnana a dyan ngga, do-kiɗìkì angŋǝna ban ngga, koya ɓwabura nani ka, ɓǝ̀ al male yì mɓwama, sǝ koya mɓwama nani gbal ka, ɓǝ̀ al male yì bura.

1 Amǝ Korinti 8:1

A dyan ngga, amur cau mala girlina mǝnana à pe alú ata ankúl ka: Mǝsǝcau na, kǝla mǝnana wu bang ngga ama, “Sǝm kat ka sǝm ndanǝ surǝgir.” Sǝa ma surǝgir ka kǝ yinǝ gusǝlǝ ɓamuru, sǝ earcearǝu ka, nda kǝ ɓak ɓwa ka.

2 Amǝ Korinti 12:21

E, ɓangciu kǝ pakkam ama ɓǝ̀ ǝn yiu aban wun ɗǝm ngga, Ɓakuli mem nǝ̀ kyauwikiam a ɓadǝm wun. Sǝ ɗǝm ngga ǝn nggǝ ɓangŋa ama mǝ nǝ kum bumkiɗikea amur aɓwana pas ata wun. Aɓwana mǝnana à malaká nying buia arǝ acauɓikea mǝ'e malea mala pǝndǝki rǝarǝu, andǝ kiɗìkì mala nongginǝ-rǝarǝu, andǝ do-kiɗìkì mala gyatarǝu raka.

Amǝ Galati 5:19

Ɓǝ̀ wu kpata gir mǝnana nggurǝ wun mǝ'cauɓike earkiyi ce ka, ɓǝlle ka kǝ pusǝrǝi ani: kìɗìkì mala nongginǝ rǝarǝu, andǝ aturo pǝndǝki rǝǔ, andǝ ɗwanyi bwalrǝu arǝ pakkiagir kǝsǝkya,

Amǝ Afisu 5:3

Nongginǝban, andǝ koya ulang ɓe kǝgir mǝɓeami, ko nzumon ka, ɓǝa kǝa kumia aɓalǝ wun ɗang. Acemǝnana amǝnia yì agir ka, à kārǝa arǝ do mala aɓwana mala Ɓakuli ɗang.

Amǝ Kolosi 3:5

Ace mani ka, wu wal lu koya ɓeal wun mala pakki agirɓana mala ɓanza. Yì aɓealǝu kìɗìkì mala nongginǝ rǝarǝu, andǝ do-pǝndǝkya, andǝ nshawari, andǝ suno mǝɓane, andǝ shamgir mala ɓwa (acemǝnana shamgir mala ɓwa ka ɓe njari mala peri ata nkul na).

1 Amǝ Tasalonika 4:3

Mǝnia ka nda kani mala Ɓakuli aban wun, ama ɓǝ̀ wu tàr ɓamur rǝ wun aɓa do aceì, wu ɓanggi ɓealǝu mala kìɗìkì mala nongginǝ rǝarǝu.

Amǝ Ibǝru 12:16

Wu tsǝkir wun, ce à kum kǝɓwa ata wun nǝ ɓealǝu kiɗìkì mala nonggi nǝ rǝarǝu, ko mǝnana kǝ ɓanggi Ɓakuli raka kǝla Isǝwa, mǝnana mak gulo ɓǝlban male ace kwar girlina ka.

Amǝ Ibǝru 13:4

Ɓǝa aɓwana kat gusǝlǝ doɓala, sǝ wu dum nǝ mǝsǝcau a rǝarǝ wun aɓa doɓala, acemǝnana Ɓakuli nǝ pakki amǝ'nshawari ɓashi andǝ amǝ'nonggi nǝ aɓwana mana à pa doɓala andǝia raka.

1 Bitǝrus 4:3

Apwari mǝnana à kutikina ka, à karǝna mala pakkia agir mǝnana amǝɓanza earkiyice pe ka, kǝla ɓiki do-kiɗìkì mala nongginǝ-rǝarǝu, andǝ npel, andǝ nukia agir aban wal-wale, andǝ dapi ace likiali-ɓana andǝ nongginǝ-rǝarǝu, andǝ akpapíkí mala nu mba andǝ loasǝban, andǝ aturo mǝɓike mala peri aban ankúl.

Sǝna 10:2

Bwal mǝ'malǝmce mǝnana à mǝnni ka a bui. Yi tamsǝ kusǝì mǝli amur nggeamur sǝ kusǝì mǝnggare ka tamsǝi amur kwarban.

Sǝna 10:8

Pǝlǝa ɓwa mǝnana ǝn ok gi na cau nǝ kuli ka, nam cau ɗǝm ama, “Kyane kya ak mǝ'malǝmce mǝno à mǝnni a bu mǝturonjar mǝnana came amúr nggeamur andǝ kwarban ngga.”

Sǝna 2:14

Sǝa ma mǝ ndanǝ agir bǝti mǝnana ǝn ɓinǝmǝsǝia a rǝo ka: A kǝ earnǝ aɓea aɓwana a ɓalǝo mǝnana à bwal kanigir mala Balaam, yì ɓwa mǝnana lǝmndǝì Balak njargula mǝnana nǝ̀ tsǝk amǝ Isǝrayila ɓǝa ɓwarki tanjar ka. Yi kania wia, ɓǝa li girlina mǝnana à ci ata ankúl ka, sǝ ɓǝa pak cauɓikea nongginǝ-rǝarǝu.

Sǝna 2:20

Sǝa ma mǝnia nda gir mǝnana ǝn ɓínǝì a rǝo ka. A kǝ eari Jezebel, mɓwama mǝno tunǝki ɓamuri ama mǝɓangna ka, kǝ tsǝk aguro mem ɓǝa ɓwarki tanjar, ɓǝa li girlina mǝnana à ci ata ankúl, sǝ ɓǝa pak cauɓikea nongginǝ-rǝaria.

Sǝna 9:20

Cili ɓwapǝndǝa mǝnana auwa, agirpatanni mǝnia walia raka, à ginǝ pak bumkiɗikea arǝ aɓealɓikea malea, à ginǝ nyare aban Ɓakuli. À lidǝmbǝa nǝ peri a ɓadǝmbǝ akukwar andǝ ankúl mala zǝnariya andǝ azǝrfa, andǝ bolobangŋa, andǝ tali, andǝ nggun; amǝnana à kǝ sǝnban ɗang, à kǝ okban ɗang, sǝ à kǝ ging raka!