Amǝ Mishan 15:2 - Maləmce Məfele mala Ɓakuli: Kurcau Məbəshe

² Bulǝs andǝ Barnabas ka à earnǝ mǝnia yì kanigir ka ɗang, à makgir kǝrkǝr andǝ amǝno yì amǝ Yahudi ka. A masǝlǝate ka, à yì eare ama ɓǝa tasǝ Bulǝs, sǝ Barnabas, andǝ aɓea amǝkwaɗi ɓǝa kya Urǝshalima ɓǝa kya kum amǝ'mishan andǝ aɓwana-mǝgule amur ikǝlisiya, ɓǝa ok kunia amur mǝnia yì cau ka.

Amǝ Mishan 15:2 ပူးပေါင်းရင်းမြစ်များ

Amǝ Mishan 10:23

Bitǝrus pǝlǝa warinia a ɓala, à pak abǝri male. Ban fana ka, lo andǝia. Aɓea mǝkwaɗi mana a Jopa ka, à lo atea.

Amǝ Mishan 11:12

Pǝlǝa Bangŋo banggam ama mǝ ngga ɓukibumam ɗang, ɓǝ̀ sǝm o sǝnǝia. Pǝlǝa amǝkwaɗi mǝnia tongno-nong-mwashat a Jopa ka à lo atam aban ká Kaisariya, sǝm kat sǝm wario a ɓala mala Karnilus.

Amǝ Mishan 11:30

Anggo sǝ à pa, à tasǝ boale aban aɓwana-mǝgule mala amǝkwaɗi nǝ bu Barnabas andǝ Sawul.

Amǝ Mishan 15:25

Ace mani ka sǝm yì kpapi, sǝ nǝ́ eare ma'sǝm kat sǝ sǝm twal aɓwana sǝm turia aban wun, a tarǝia andǝa Barnabas andǝ Bulǝs, yia mana sǝm earkiyi acea raka.

Amǝ Mishan 15:27

Sǝm ndya sǝm nggǝ tasǝa wun Yahuda andǝ Silas, mana à nǝ̀ bangga wun nǝ kunia yì cau mala agir mǝnana kat sǝm cia aɓa gilǝe ka.

Amǝ Mishan 15:4

Lang à yina a Urǝshalima ka, amǝkwaɗi andǝ amǝ'mishan andǝ aɓwana-mǝgule amur amǝkwaɗi gingsǝia. Pǝlǝa yia ka à twal gir mǝnana kat Ɓakuli pak nǝia aɓa gya malea ka, à banggia wia.

Amǝ Mishan 16:4

Aɓa gya malea arǝ ala ka, à kǝ banggia amǝkwaɗi anzongcau mǝnana amǝ'mishan andǝ aɓwana-mǝgule mana a Urǝshalima earǝna amuria ace aɓwana mala acilia anzali ɓǝa kǝ kpatea ka.

Amǝ Mishan 21:18

Ban fana ka, sǝm sǝnǝa Bulǝs sǝm wario aban Jemis, ace nacau nǝi. Aɓwana-mǝgule mala ikǝlisiya kat ka, à nda abanì.

1 Amǝ Korinti 1:1

Mǝnia yì cautera ka, pur nǝ ban Bulǝs, yì ɓwa mǝnana nǝ kani mala Ɓakuli ka, tunǝi ɓǝ̀ duk mǝturo mishan mala Kǝrǝsti Yesu. Yì Bulǝs andǝ mǝ'eam sǝm Sosǝtins na à kǝ̀ tasǝ mǝnia yì cautera ka.

2 Amǝ Korinti 11:5

Sǝ a sǝne mem ngga, aɓwana mǝno wu tunǝkia ama, “akanggǝrang amǝ'mishan” ngga, à kutiam nǝ kǝgir ɗang!

Amǝ Galati 2:5

Sǝ sǝm ɓinǝ gbal kpekpe, sǝm nyinggia wia njargula ko bǝti ɗang. Eare ma'sǝm ngga, ɓǝ̀ sǝm yal mǝsǝcau mala Cau Amsǝban ace wun.

Yahuda 1:3

Wun agyajam mem mǝnana ǝn earkiyi acea raka, mǝ ndanǝi a ɓabumam nǝ rǝɓǝla mǝ nǝ gilǝa wun cau amur amsǝban mǝnana sǝm kat sǝm ndanǝi ka. Sǝ ado ka ǝn nggǝ sǝni dumǝnam ama mǝ nǝ gilǝa, mǝ nǝ ɓakɓabum wun ɓǝ̀ wu munǝ ace yál dokwaɗi mana Ɓakuli pa kusǝ mwashat ɓǝrɓǝr ace anza kat, a ɓabu aɓwana male mǝnana tària ka.