Amǝ Mishan 14:23 - Maləmce Məfele mala Ɓakuli: Kurcau Məbəshe

²³ Bulǝs andǝ Barnabas twal aɓwana-mǝgule mǝnana à cia amur amǝkwaɗi a koya ikǝlisiya ka. Nǝ hiwi andǝ gilmur, à tsǝk aɓwana-mǝgule mǝnia aɓata yalban mala Mǝtalabangŋo mana à guli a rǝi ka.

Amǝ Mishan 14:23 ပူးပေါင်းရင်းမြစ်များ

Matiu 17:21

[Sǝa ma ulang mǝnia yì kukwar ka kǝ ear puro ɗang she nǝ hiwi andǝ gilmur.]

Markus 3:14

Kya tarki aɓwana lum nong-ɓari sǝ pea wia lullǝu ama amǝ'mishan. Yia ka à nǝ̀ do ate, sǝ nǝ̀ nggǝ tasǝia ɓǝa kya hamnǝ Cau Amsǝban,

Luka 2:37

Anggo sǝ do man-lú apǝlǝa lumi-tongno-nong-tārú nǝ mǝsǝì ine. Gapiyi tarǝia andǝ Ndàmǝgule mala Ɓakuli ɗang, du andǝ pwari nda aban peri aban Ɓakuli nǝ gilmur andǝ hiwi.

Luka 23:46

Pǝlǝa Yesu loasǝ gi bang-bang ama, “Dâ! A ɓabuo sǝ ǝn nggǝ pa bangŋo mem!” Lang bangŋǝna anggo ka, kara yilǝmi puro.

Amǝ Mishan 1:22

Ɓǝ̀ twal a pwari mǝnana Yohana pakki Yesu batisǝma nǝi, yi bwal a pwari mǝnana à twali nǝi arǝ sǝm aban o a kuli ka. Ɓǝ̀ yana sǝ à twali ka, nǝ̀ duk mwashat ata sǝm aban hamnǝ cau mala loapi ɓembe mala Yesu.

Amǝ Mishan 1:24

Pǝlǝa à pak hiwi ama, “We Mǝtalabangŋo, mǝnana surǝ ɓabum koyan kat ka, lǝmndǝa sǝm yana a twalo aɓalǝ aɓwana mǝnia ɓari ka,

Amǝ Mishan 11:30

Anggo sǝ à pa, à tasǝ boale aban aɓwana-mǝgule mala amǝkwaɗi nǝ bu Barnabas andǝ Sawul.

Amǝ Mishan 14:26

À nying Ataliya ka, à kutia waru sǝ à samsǝa aban ká a Antiyok mala bu-nzali Suriya, aban mǝnana à tita gya malea kam ngga, àkǝ̀ ban mǝnana à cia aɓata ɓwamuru mala Mǝtalabangŋo, ɓǝa kya turo mǝno ado à kǝ nyari pe ka.

Amǝ Mishan 15:23

À tasǝia nǝ mǝnia yì cautera ka: Cau mǝnia ka pur aban sǝm, amǝ'mishan andǝ aɓwana-mǝgule amur amǝkwaɗi, amǝ'eam wun. Sǝm nggǝ tasǝ makkun aban amǝ'eamrǝarǝu kat, mana amǝ Yahudi na raka, mana à ndanǝ do a Antiyok, andǝ acilia aban aɓalǝ abu-nzali Suriya, andǝ Sǝlisiya ka.

Amǝ Mishan 15:4

Lang à yina a Urǝshalima ka, amǝkwaɗi andǝ amǝ'mishan andǝ aɓwana-mǝgule amur amǝkwaɗi gingsǝia. Pǝlǝa yia ka à twal gir mǝnana kat Ɓakuli pak nǝia aɓa gya malea ka, à banggia wia.

Amǝ Mishan 15:6

Pǝlǝa amǝ'mishan andǝ aɓwana-mǝgule amur amǝkwaɗi yi do ace sǝnggi ɓa mǝnia yì cau ka.

Amǝ Mishan 20:17

A Miletus sǝ Bulǝs turban ata aɓwana-mǝgule mala ikǝlisiya mana a Afisu ɓǝa yiu ɓǝa yi kumi a Miletus.

Amǝ Mishan 20:32

Ado ka, ǝn nggǝ nying wun aɓa bu Ɓakuli ɓǝ̀ bwal wun sǝ ɓǝ̀ tamsǝ wun aɓa paɓamuru arǝ cau mala ɓwamuru male, mǝnana nǝ̀ gandǝ ɓak wun, nǝ̀ pa wun atsǝkbu mǝnana Ɓakuli ndanǝi ace aɓwana mana twalnia à dumǝna amale na ka.

2 Amǝ Korinti 8:19

Ɗǝm ngga, amǝno yì a'ikǝlisiya ka à twalǝna mǝnia yì mǝ'eamrǝarǝu ka ɓǝ̀ duk ɓi sǝm mǝturo aɓa gya ma'sǝm. Yì ka, ɓǝà angŋa dǝmbǝa à warina a Korinti ka, sǝm nǝ̀ ngga o sǝnǝia a Urǝshalima nǝ ɓoro, ace gusǝlǝ Mǝtalabangŋo, andǝ lǝmndǝ pà ɓamuru ma'sǝm arǝ bwaliarǝu kam.

1 Timoti 5:1

Ce a pyau jamgula ɗang, ne wi cau ɓukɓuk nǝ pagulo, kǝla mǝnana a nǝ ne tárro ka. Ne alaggana cau kǝla mǝnana a nǝ ne amǝ'eambǝo ka.

1 Timoti 5:22

Ce a kaurǝa ata pe ɓwa gulo aɓa ikǝlisiya ɗang. Sǝ kǝa wu oasǝ ɓamuro aɓalǝ acauɓikea mala aɓea aɓwana ɗang. Yal ɓamuro aɓa doɓoarnsari.

2 Timoti 1:12

Nda gir mǝnana tsǝa sǝ ǝn nggǝ nu tanni kǝla mǝno mǝ nda a ɓalǝi ka. Sǝ mim ngga, kǝsǝkya kǝ pakkam arǝ mani ɗang, acemǝnana ǝn surǝna rǝ ɓwa mǝnana ǝn guli a rǝì, sǝ ǝn sǝlǝna ama gir mǝnana ǝn nyingŋǝni wi a bui ka, nǝ̀ gandǝ bwale ba pwari nyare male.

2 Timoti 2:2

Sǝ kanigir mǝnana a oe a kunam a ɓadǝmbǝ amǝnakun pas ka, twali, kani aɓwana amǝ'mǝsǝcau nì mǝnana à nǝ̀ gandǝ tasǝi aban ká aban aɓea aɓwana gbal ka.

Titus 1:5

Gir mǝnana tsǝa sǝ ǝn nyio a luran Kǝreti ka, nda mǝnana ama wu masǝlǝata pakki aturo mǝnana ɓoaro ɓǝa pea ka, sǝ wu twal aɓwana aɓa koya la, wu cia ɓǝa duk aɓwana-mǝgule mala turo mala Ɓakuli. Kǝla mǝnana ǝn banggo ka,

Jemis 5:14

Kǝ ɓwa ata wun rǝì kǝ pakki wi le? Ɓwe ɓǝ̀ tunǝ aɓwana-mǝgule mala amǝkpata Ɓakuli, ɓǝa pakki wi hiwi, sǝ ɓǝa hasǝi wi muru olif amuri aɓa lullǝ Mǝtalabangŋo.

1 Bitǝrus 5:1

Mǝ nda rǝ ɓakɓabum aɓwana-mǝgule mǝnana aɓalǝ wun ngga kǝla ɓi'wun ɓwamǝgule. Ən sǝn nutanni mala Kǝrǝsti nǝ amǝsǝam, sǝ mim gbal ka, mǝ nǝ kum kāmbe mem aɓa ɓoarɓwa male, yi mǝnana ɓǝ̀ yi pusǝna rǝì aban ɓanza ka.

1 Bitǝrus 5:10

Ɓakuli ka nda mǝtala ɓwamuru kat. Yì nda mana tunǝ wun aɓa gulo male mǝnana málá male pà kàm raka, aɓa Kǝrǝsti Yesu. Anzǝm mǝnana wu nuna tanni aɓalǝ apwari bǝti ka, nǝ̀ nyesǝ wun aban came mǝɓoarne, nǝ̀ pa'wun gbasha, andǝ rǝcandǝa. Ɗǝm ngga nǝ̀ dumsǝ wun aɓa lidǝmbǝa mana pà wu nǝ̀ dǝurǝ raka.

2 Yohana 1:1

Mǝnia yì cautera ka, pur nǝ banam, mim jamgula Yohana aban ká aban Nggeaka amuna mǝnana Ɓakuli tárì, andǝ amuni, mǝnana ǝn earcea nǝ mǝsǝcau ka. Mǝ nda nǝmurǝam ǝn earkiyi ace wun ngga ɗang, sǝm nda kat sǝnǝ aɓwana mǝnana à surǝna rǝ mǝsǝcau ka.

3 Yohana 1:1

Mǝnia yì cautera ka, pur nǝ banam, mim ɓwamǝgule Yohana aban ká aban Gayus, gyajam mem mǝ'mǝsǝcau nì, mǝnana ǝn earkiyi ace raka.