Amǝ Mishan 14:15 - Maləmce Məfele mala Ɓakuli: Kurcau Məbəshe

¹⁵ Wun aɓwana, palang sǝ wu kǝ pak mǝnia yì gir ka? Sǝm gbal ka sǝm ndaka ɓwapǝndǝa kǝla wun. Sǝm yina wun nǝ Cau Amsǝban mala Ɓakuli. Cau mǝnana ama ɓǝ̀ wu nying kpata amǝnia yì agir mǝɓane mǝnana à panǝ yilǝmu raka. Wu nyare aban Ɓakuli mana nǝ yilǝmu, yì ɓwa mǝnana pusǝ kuli, andǝ nzali, andǝ nggeamur andǝ agir mǝnana aɓalǝia kat ka.

Amǝ Mishan 14:15 ပူးပေါင်းရင်းမြစ်များ

Matiu 16:16

Shiman Bitǝrus pa eare ama, “A nda Kǝrǝsti, Muna mala Ɓakuli mǝyilǝmuì.”

Yohana 5:26

Kǝla mǝnana Tárram Ɓakuli nda tǝr yilǝmu ka, anggo gbal panam mim Muni ɓǝ̀ ǝn duk tǝr yilǝmu.

Yohana 7:18

Ɓwa mǝnana kǝ na cau aɓa ɓamuri ka, gulo mala ɓamuri na alkiyite ka, sǝ ɓwa mǝnana kǝ pak gir ace gulo mala ɓwa mǝnana turi ka, ɓwa mǝ'mǝsǝcau nì na, ɓe kǝgir nyir pa a ɓalǝi ɗang.

Amǝ Mishan 10:26

Pǝlǝa Bitǝrus loasǝi, ne wi ama, “Lo, mim gbal ka mǝ nda ɓwamǝpǝnde.”

Amǝ Mishan 13:32

Sǝ ado ka, sǝm ndya sǝm yina wun nǝ mǝnia yì Cau Amsǝban ngga. Mǝnia ka nda gir mana Ɓakuli bangŋa ama nǝ̀ pakki aká sǝm ngga.

Amǝ Mishan 14:21

Bulǝs andǝ Barnabas hamnǝ Cau Amsǝban a Dabe. À kum aɓwana kam pas mana à pǝlǝ amǝkpata Yesu ka. Pǝlǝa à nyare a Listǝra, andǝ Ikoniya, à kya kutio a Antiyok mana aɓa bu-nzali Pisidiya ka.

Amǝ Mishan 14:7

Akano ka, à lidǝmbǝa nǝ hamnǝ Cau Amsǝban.

Amǝ Mishan 16:30

Pǝlǝa pusǝia à puro anza, sǝ ɗia ama, “Aɓwana-mǝgule, mana gir ni na mǝ nǝ pa sǝ mǝ nǝ kum amsǝban?”

Amǝ Mishan 27:10

“Wun aburana, ǝn nggǝ sǝni ka gya mǝnia sǝm nggǝ ká nǝi ka, tanni na kam. Lo mala gung-ɓá-nggeamur ka, nǝ̀ yiu nǝ kiɗìkì arǝ waru, bangula twalo nǝ̀ ueɓà sǝ earka nǝ̀ ngga ká-mǝɓane mala ɗwanyi yilǝmi sǝm.”

Amǝ Mishan 27:21

Twal anonggeo pas kǝɓwa ata sǝm a waru li girlina ɗang. Nda Bulǝs lo came a ɓadǝm sǝm, na ama: Ɓǝ̀ wu ongŋǝna cau mǝnana ǝn bangga wun ngga, ɓǝ́ wu nying ma luran Kǝreti aban yiu ɗang. Lǝmndǝ ama ɓǝ́ sǝm auwuni mǝnia yì kiɗikea mala waru andǝ ɗwanyi agir ka.

Amǝ Mishan 27:25

Ace mani ka, wu cam kàngkàng, wun aburana! Mim ngga, mǝ ndanǝ guli arǝ Ɓakuli ama, nǝ̀ pǎ anggo kǝla mǝnana à nam ngga.

Amǝ Mishan 4:24

Lang amǝkpata Yesu o anggo ka, kara à loasǝ gia a tarǝia aban Ɓakuli aban pak hiwi ama: We Mǝtalabangŋo mǝnana Karban kat ka, a nda ɓwa mǝnana a pusǝ kuli, andǝ nzali, andǝ nggeamur, andǝ agir mǝnana aɓalǝia kat ka!

Amǝ Mishan 7:26

Ban fana ka yi kumǝna amǝ Isǝrayila ɓari aban munǝo, pǝlǝa kutia gakia. Nea wia ama, “Wu ndaka amǝ'eamrǝarǝu amǝ Isǝrayila wun kǝm, sǝ palang sǝ wu kǝ munǝo a rǝarǝ wun?”

1 Amǝ Korinti 8:4

Ace mani ka, amur cau mala li girlina mǝnana à ɗarǝna ankúl nǝi ka, sǝm sǝlǝna ama kǝ nkúl pà kàm a ɓanza mǝnia mǝnana à nǝ̀ na kàngkàng ama ndanǝ yilǝmu ka ɗang. Sǝ Ɓakuli ka, kǝ nda mwashat, kǝ ɓe pà kàm ɗang.

Amǝ Afisu 4:17

Aɓa rǝcandǝa mala Mǝtalabangŋo sǝ ǝn nggǝ na mǝnia yì cau ka: Wu kǝa nyare wu duk ulang do mala amǝ ɗwanyi surǝ Ɓakuli, mǝnana aɗenyicau malea ka, kǝgir mǝɓoarne pa a ɓalǝi raka ɗang.

1 Amǝ Tasalonika 1:9

Aɓwana nǝ ɓamuria na à cama rǝ na cau mala agir mǝɓoarne mana wu pak kat ace ak sǝm, mana sǝm waria sǝn wun ngga. À bang ce vwakibu ma'wun arǝ ankúl ace kpata Ɓakuli mǝ'mǝsǝcau nì andǝ mǝyilǝmuì.

1 Timoti 3:15

ɓǝ̀ ǝn wari tu raka, wu surǝ ulang do mǝnana koyan aɓalǝ amǝ'ɓala mala Ɓakuli nǝ̀ dum nǝi ka. Acemǝnana ikǝlisiya mala Ɓakuli mǝyilǝmuì ka, nda nggun ɓalǝu andǝ kusǝɓa mala mǝsǝcau.

Amǝ Ibǝru 3:12

Wun amǝ'eamrǝarǝu, wu tsǝkir wun, ɓǝa kǝa kum kǝɓwa aɓalǝ wun mǝnana ndanǝ ɓabum mala ɓealɓikea andǝ ɗwanyi earnǝ cau mana nǝ̀ ci nǝ̀ bwaki bui arǝ kpata Ɓakuli mǝyilǝmuì ka ɗang.

Jemis 5:17

Iliya ka ɓwapǝndǝa na kǝla sǝm. Pak hiwi a ɓe pwari nǝ ɓabumi kat ama mbulo ɓǝ̀ kǝa nya ɗang, sǝ à nya mbulo a ɓanza ɗang, pǝlǝa tārú nǝ zongŋo tongno-nong-mwashat.

Sǝna 14:7

Pǝlǝa loasǝ gi kpǝm hama ama, “Wu ɓanggi Ɓakuli, sǝ wu pe wi gulo! Acemǝnana pwari ɓashi male yina. Wu peri abaní, yì mǝnana pusǝ kuli, andǝ nzali, andǝ nggeamur, andǝ amgbeaɗe-mur ka.”

Sǝna 19:10

Lang ǝn ok cau mǝno ka, kara ǝn kpa a nzali a ɓadǝm mǝturonjar nǝma mǝ nǝ peri abani. Sǝ yì ka, banggam ama, “Awo, kǝa peri abanam ɗang! Mim ngga mǝ nda ɓeo guro andǝ ɓi guro ata amǝ'eambǝo amǝkwaɗi, mǝnana à kǝ banggi aɓwana cau amur Yesu ka. Peri aban Ɓakuli nǝmurǝì ɓǝrɓǝr, acemǝnana bangŋo mala ɓangna nda cau mala Yesu.”

Sǝna 19:19

Pǝlǝa ǝn sǝn nyamɓikea, andǝ amurǝma mala ɓanza, andǝ amǝ'lwa malea, à yì rambǝa abanɓwáná, à nǝ̀ ká nǝ lwa arǝ ɓwa mǝno do anzǝm pǝr kwakiyi ka, sǝ arǝ amǝ'lwa male.

Sǝna 22:9

Sǝ yì ka, nam ama: Awo, kǝa peri abanam ɗang. Mǝ nda guro mala Ɓakuli, kǝla we wunǝ amǝ'eambǝo, amǝ'ɓangna mala Ɓakuli, andǝ aɓwana kat mǝnana à kǝ kpata gir mǝnana à gilǝì aɓa mǝnia yì malǝmce ka. Peri aban Ɓakuli nǝmurǝì ɓǝrɓǝr!

Sǝna 4:11

“A karǝna, We Mǝtalabangŋo Ɓakuli ma'sǝm. A karǝna ɓǝa ɓwangsǝo, ɓǝa po gulo, sǝ wu ak rǝcandǝa. Acemǝnana a nda mana a pusǝ agir kat ka. Kani mala ɓabumo na sǝ a pusǝia, sǝ do malea gbal ka, kani mala ɓabumo na.”