Amǝ Mishan 13:48 - Maləmce Məfele mala Ɓakuli: Kurcau Məbəshe

⁴⁸ Lang aɓwana mana amǝ Yahudi na raka nǝ̀ o a na ka, kara banɓoaria wia, à kǝ ɓwangsǝki Mǝtalabangŋo ace cau male. Sǝ aɓwana mana kat Ɓakuli tàrria ace yilǝmu mana pà nǝ̀ mal raka, à paɓamuria, à duk amǝkwaɗi.

Amǝ Mishan 13:48 ပူးပေါင်းရင်းမြစ်များ

Matiu 25:46

Pǝlǝa amǝnia ka à nǝ̀ tasǝia ɓǝa kutio aɓa tanni mana málá male pà kàm raka, sǝ amǝ'cauɓoarna ka à nǝ̀ kutia ɓa yilǝmu mana masǝlǝate pà kàm raka.

Matiu 28:16

Alaggana man lum-nong-mwashat ka à kutio à o a Galili, amur nkono mana Yesu banggia wia ama ɓǝa kyan kam ngga.

Luka 7:8

Acemǝnana mim nǝ ɓamuram ngga mǝ nda aɓata ɓwa, nǝ asoje a ɓatam. Ɓǝ̀ ǝn ne man ama, ‘O’ ka, nǝ̀ ká, sǝ ɓǝ̀ ǝn ne ɓwa mǝno ama, ‘Yiu’ ka, nǝ̀ yiu gbal. Ɓǝ̀ ǝn ne guro mem ama, ‘Pak mǝnia ka’ nǝ̀ pè.”

Yohana 10:16

Mǝ ndanǝ aɓia anzur mem mǝnana à pà aɓa domwan man raka. Dumǝna púp mǝ nǝ yinǝia gbal. À nǝ̀ kwaki kiria à nǝ̀ ok giem, sǝ domwan ngga nǝ̀ duk mwashat, nǝ yalgir mwashat.

Yohana 11:52

Sǝ pà ace amǝ Yahudi nǝmurǝia ɗang, nda gbal ace acilia aɓwana kat arǝ anzali aɓa ɓanza, amǝnana à nǝ̀ yia pà ɓamuria aban Ɓakuli, sǝ nǝ̀ kpapi ɓamuria kat ɓǝa yi duk mwashat ka.

Amǝ Mishan 13:12

Lang nggwamna nǝ̀ sǝn man yì gir kumban ngga, kara paɓamuri aban Mǝtalabangŋo. Yì ka, ndali kǝrkǝr nǝ mǝnia yì kanigir amur Mǝtalabangŋo ka.

Amǝ Mishan 13:42

Lang Bulǝs andǝ Barnabas à nda ban nying ndakpapi ka, ɓwapǝndǝa zǝmbǝia wia ama ɓǝa nyare a pwari Sabbat mana kǝ yiu ka, ɓǝa nea wia cau ɗǝm amur amǝnia yì agir ka.

Amǝ Mishan 15:2

Bulǝs andǝ Barnabas ka à earnǝ mǝnia yì kanigir ka ɗang, à makgir kǝrkǝr andǝ amǝno yì amǝ Yahudi ka. A masǝlǝate ka, à yì eare ama ɓǝa tasǝ Bulǝs, sǝ Barnabas, andǝ aɓea amǝkwaɗi ɓǝa kya Urǝshalima ɓǝa kya kum amǝ'mishan andǝ aɓwana-mǝgule amur ikǝlisiya, ɓǝa ok kunia amur mǝnia yì cau ka.

Amǝ Mishan 15:31

Lang à ɓalni ka, amǝkwaɗi lumsǝ nǝ banɓoarnado, nǝ cau ɓak ɓabum mana a turia wia ban nǝi ka.

Amǝ Mishan 2:41

Aɓwana mǝnana à akcau mala Ɓakuli ka, à pakkia wia batisǝma. Laki mala mǝnia yì aɓwana, à tsǝa amur lakki mala amǝkpata Yesu a pwari mǝno ka à nda á-tārú.

Amǝ Mishan 2:47

À camarǝ ɓwangsǝki Ɓakuli, sǝ aɓwana kat ka banɓoaria wia a rǝia. Sǝ koya pwari ka, Ɓakuli kǝ tsǝa amur lakki malea nǝ aɓwana mǝnana à kǝ kum amsǝban ngga.

Amǝ Mishan 20:13

Pǝlǝa sǝm o amuria sǝm kya eauwe a waru sǝm samsǝa aban ká a Asos, aban mǝnana sǝm nggea twal Bulǝs a waru kam ngga. Yì Bulǝs ka eau ata sǝm a waru a Tǝros ɗang acemǝnana earce nǝ̀ kàr nǝ nza aban ká Asos.

Amǝ Mishan 22:10

Sǝ ǝn ɗi ama, “Mana mǝ nǝ pak le Mǝtalabangŋo?” Pǝlǝa Mǝtalabangŋo nam ama, “Lo, o aɓa Damaska, akàm sǝ à nǝ̀ ngga no gir mǝnana kat a wu nǝ́ pak ka.”

Amǝ Mishan 28:23

Pǝlǝa à tsǝk pwari mǝnana à nǝ̀ yia dum nǝi andǝa Bulǝs ka. Aɓwana pas yiu a pwari mǝno aban mǝnana Bulǝs duk kam ngga. Twal a dǝmbari yi bwal a pwarikpǝra, Bulǝs bǝlia wia ɓa cau male amur Domurǝm mala Ɓakuli. Bulǝs ɓariki nǝ̀ cia ɓǝa paɓamuria aban Yesu, nǝ̀ nun ɗenyicau malea arǝ acau mǝnana Nggurcau Mala Musa andǝ agir mǝnana amǝ'ɓangna mala Ɓakuli gilǝ ka.

Amǝ Mishan 8:8

Ace mani ka, banɓoarnado sulǝ kǝrkǝr a mǝno yì nggeala ka.

Amǝ Roma 11:7

Sǝ ado ka mana sǝm bang le? Ani sǝ ce pa, bangula amǝ Isǝrayila ka, à kum ɓwamuru mala Ɓakuli mǝnana à alkiyite ka ɗang. Aɓwana aɓalǝia mǝnana Ɓakuli tàrria ka, à nda à kum ngga. Acilia ka ɓabumia tǝra, à mgbikiru arǝ tunǝban mala Ɓakuli.

Amǝ Roma 13:1

Ko ya ɓwa ka ɓǝ̀ nyesǝ ɓamuri aɓata aɓwana mǝnana à pea wia gara yalban ngga, acemǝnana ɓe kǝ garamurǝm pà kàm mǝnana pur nǝ ban Ɓakuli raka ɗang; sǝ aɓwana mǝnana à bwalkiyi garamurǝm ado ka, Ɓakuli nǝ̀ cia.

Amǝ Roma 8:28

Sǝ sǝm sǝlǝna ama Ɓakuli kǝ tsǝk agir kat ɓǝa pang nǝ ɓoaro, ace lidǝmbǝa mala aɓwana mǝnana à kǝ earce ka, aɓwana male mǝnana tunǝia ace kpata kane male ka.

1 Amǝ Korinti 16:15

Wu sǝlǝna ama Sǝtifanas andǝ ɓala male ka, à nda ka amǝdǝmbǝa ak cau mala Ɓakuli a nzali Akaya, sǝ à pana ɓamuria arǝ turo ace aɓwana mala Ɓakuli. Ən nggǝ zǝmbǝa wun, wun amǝ'eambǝam,

Amǝ Afisu 1:11

Sǝ acemǝnana à dapina sǝm sǝnǝa Kǝrǝsti ka, sǝm angŋǝna liɓala a bu Ɓakuli, acemǝnana ak dǝmbǝa tàr sǝm ɓǝ̀ sǝm duk amale aɓa kpata kane male, sǝ yì nǝ nggearǝì ka kǝ tsǝk koya gir ka ɓǝ̀ pa kǝla mǝnana ɓabumi earkiyice ka.

Amǝ Afisu 1:19

Ɗǝm ngga, ǝn nggǝ pak hiwi ama ɓǝ̀ wu bwalta gulo mala rǝcandǝa mala Ɓakuli mana à pà nǝ̀ gandǝ kane arǝ kǝ ɓe raka, mǝnana ndanǝi ace sǝm, sǝm mǝnana sǝm pa ɓamur sǝm abani ka. Mǝnia yì rǝcandǝa mana Ɓakuli kǝ pangŋǝna turo nǝi aɓalǝ sǝm ngga, nda kǝ rǝcandǝa

Amǝ Afisu 1:4

Kaniama nǝ̀ pak ɓanza ka, Ɓakuli ak tadǝmbǝa tàr sǝm, ɓǝ̀ sǝm duk amale, aɓa kpapi ma'sǝm sǝnǝa Kǝrǝsti, ace mǝnana ɓǝ̀ sǝm tar ɓamur sǝm aceì, ɓe sǝm duk aɓwana amǝ ɗwanyi cau a rǝǔ abani, sǝ ɓǝ̀ sǝm dukdo earcearǝu.

Amǝ Afisu 1:5

Ɓakuli ak dǝmbǝa ɗiɗyal kànì a bumi ama, nǝ̀ pa sǝm bancame mala duk amuni nǝ bu Yesu Kǝrǝsti. Mǝnia ka nda earkiyi ce, sǝ ban kǝ ɓoari wi a rǝì ka.

2 Amǝ Tasalonika 3:1

A masǝlǝate ka, wun amǝ'eamrǝarǝu, wu tsǝk sǝm aɓa hiwi, ace mǝnana ɓǝ̀ Cau mala Mǝtalabangŋo ɓǝ̀ lidǝmbǝa, ɓǝ̀ akiban aban aɓwana kat nǝ mire, sǝ ɓǝa é nǝ gusǝlǝban kǝla mǝnana pa aɓalǝ wun ngga.