Amǝ Mishan 13:38 - Maləmce Məfele mala Ɓakuli: Kurcau Məbəshe

³⁸ Ace mani ka, wun amǝ'eambǝam, wu kwaki kir wun! Wu sǝlǝ ama nǝ bu Yesu sǝ wu nǝ̀ kum twalban cauɓikea ma'wun.

Amǝ Mishan 13:38 ပူးပေါင်းရင်းမြစ်များ

Matiu 1:21

Yì ka, nǝ̀ ɓǝl muna-ɓwabura, sǝ a wu nǝ tsǝki wi lullǝu ama Yesu, acemǝnana nǝ̀ yia amsǝ aɓwana male aɓalǝ acauɓikea malea ka.”

Luka 24:47

Sǝ cau mala pwanzali a mala vwaki bu arǝ cauɓikea, andǝ twalban cauɓikea ka, à nǝ̀ hamnǝi aɓa lullǝi, arǝ anzali kat, à nǝ̀ tite a Urǝshalima.

Yohana 1:29

Ɓe ban fana ka, Yohana sǝn Yesu aban yiu nǝ bani, sǝ pǝlǝa na ama, “Wu sǝn Mǝgam mala Ɓakuli, mǝnana twalkiyi cauɓikea mala ɓanza ka!

Amǝ Mishan 10:43

Yì nda mana amǝ'ɓangna mala Ɓakuli kat ka, à nakun ace ama, koyana kat sǝ paɓamuri abani ka, nǝ̀ kum twalban cauɓikea aɓa lullǝi.

Amǝ Mishan 2:14

Pǝlǝa Bitǝrus lo cam nǝ came andǝ acilia amǝ'mishan mala Yesu lum-nong-mwashat gbal ate, loasǝ gi a kuli bangcau nǝ ɓwabunda ama: Wun aɓwana ma'sǝm, amǝ Yahudi andǝ aɓwana mǝnana kat à ndanǝ do kani aɓa Urǝshalima ka! Wu kwaki kir wun pale wu o, wun kat, ɓǝ̀ ǝn bǝla wun ɓa mǝnia yì gir ka.

Amǝ Mishan 2:38

Pǝlǝa Bitǝrus earia wia ama, “Koyan aɓalǝ wun ngga, ɓǝ̀ pwanzali ɓǝ̀ vwaki bui arǝ cauɓikea. Ɓǝa pakki wi batisǝma aɓa lullǝ Yesu Kǝrǝsti, ace mǝnana ɓǝ̀ Ɓakuli twala wun ban acauɓikea ma'wun, sǝ wu nǝ̀ kum ɓoro mala Bangŋo Mǝfele.

Amǝ Mishan 28:28

Pǝlǝa Bulǝs masǝlǝ cau ama, “Ado ka, wu sǝlǝ ama, Cau Amsǝban mala Ɓakuli ka, à tasǝni aɓwana mǝnana amǝ Yahudi na raka. Yia ka à nǝ̀ kwaki kiria à nǝ̀ o!”

Amǝ Mishan 4:10

Came ɓǝ̀ ǝn bangga wun bwāng, wun, wunǝa amǝ Isǝrayila kat ama, nda aɓa lullǝ Yesu Kǝrǝsti ɓwa Nazarat, yì ɓwa mǝnana wu gballì amur nggun-gangndi, sǝ Ɓakuli loasǝi a ɓembe ka, sǝ mǝnia yì ɓwa ka kum rǝcandǝa.

Amǝ Mishan 5:31

Nda Ɓakuli loasǝi, dumsǝi a buno mala gulo, a bui mǝli, nda sǝ duk Ɓwamǝgule andǝ Mǝ'amsǝban ngga. Ɓakuli pak mǝnia yì gir ka ace pe amǝ Isǝrayila dǝmbǝu mala pwanzali ɓǝa pǝlǝ nzǝmia arǝ acauɓikea malea, sǝ nǝ̀ twalia wia banì.

Amǝ Afisu 1:7

Yì ka, mǝsǝswatǝr andǝ ɓwamuru male ka à gul kǝrkǝr, nda sǝ yi kúr panzǝban ma'sǝm nǝ nkila mala Muni, pǝlǝa twala sǝm ban acauɓikea ma'sǝm ngga.

Amǝ Afisu 4:32

Wu lǝmndǝì arǝ wun pe mǝɓoarne andǝ ɓuɓɓuka, wu sǝn mǝsǝswatǝr mala rǝarǝ wun, wu twali arǝ wun banì, kǝla mǝnana Ɓakuli twala wun banì aɓa kpapi ma'wun wunǝa Kǝrǝsti ka.

Amǝ Kolosi 1:14

mǝnana akmúr sǝm sǝ twalban acauɓikea ma'sǝm ngga.

Amǝ Ibǝru 8:6

Sǝ turo-pǝris mǝnana à pè Yesu ka, karmur turo-pǝris mǝ'e nǝ ɓoaro. Kǝla mǝno gbal ka, bǝsa kurcau mǝnana Yesu yinǝi nǝban Ɓakuli aban aɓwana male ka, kuti mǝ'e. Nda acemǝnana yì bǝsa kurcau ka, à kwakite amur apacau ace agir mǝnana à ɓoari mala kurcau mǝ'e ka.

Amǝ Ibǝru 9:22

Mǝsǝcau ka, nggurcau earce ama bangula agir kat ka, ɓǝa lea nǝ ɗarǝban nǝ nkila; sǝ ɓǝ̀ ɗarǝban nǝ nkila pà kàm raka, twalban cauɓikea pa kàm ɗang.

1 Yohana 2:12

Ən nggǝ gilǝa wun, wun amunem, acemǝnana à twalǝna wun ban acauɓikea ma'wun, ace gir mǝnana Kǝrǝsti pè ka.