Amǝ Mishan 13:32 - Maləmce Məfele mala Ɓakuli: Kurcau Məbəshe

³² Sǝ ado ka, sǝm ndya sǝm yina wun nǝ mǝnia yì Cau Amsǝban ngga. Mǝnia ka nda gir mana Ɓakuli bangŋa ama nǝ̀ pakki aká sǝm ngga.

Amǝ Mishan 13:32 ပူးပေါင်းရင်းမြစ်များ

Luka 1:19

Mǝturonjar eari wi ama, “Mǝ nda Jibǝrayilu mǝnana camnggiyi a ɓadǝm Ɓakuli ka. Ɓakuli tasǝam ɓǝ̀ ǝn yi banggo mǝnia yì cau mǝɓoarne ka.

Luka 2:10

Mǝturonjar banggia wia ama, “Ɓangciu ɓǝ̀ kǝa pakka wun ɗang. Wu sǝni, ǝn ndya yina wun nǝ bǝsa Cau Mǝɓoarne mǝ'pwasǝ ɓabumì kǝrkǝr mǝnana nda ace ɓwapǝndǝa kat ka.

Amǝ Mishan 10:36

Wu surǝna cau mǝnana Ɓakuli tasǝnaban nǝi aban amǝ Isǝrayila, kǝ nea wia Cau Amsǝban andǝ dorǝpwala nǝban Yesu Kǝrǝsti, yi mǝnana nda Mǝtalabangŋo kat ka.

Amǝ Mishan 13:23

Nǝban tau mala Dauda sǝ Ɓakuli yi pea amǝ Isǝrayila Mǝ'amsǝban, yì Yesu, kǝla mana bangŋa ama nǝ̀ pak ka.

Amǝ Mishan 13:38

Ace mani ka, wun amǝ'eambǝam, wu kwaki kir wun! Wu sǝlǝ ama nǝ bu Yesu sǝ wu nǝ̀ kum twalban cauɓikea ma'wun.

Amǝ Mishan 14:15

Wun aɓwana, palang sǝ wu kǝ pak mǝnia yì gir ka? Sǝm gbal ka sǝm ndaka ɓwapǝndǝa kǝla wun. Sǝm yina wun nǝ Cau Amsǝban mala Ɓakuli. Cau mǝnana ama ɓǝ̀ wu nying kpata amǝnia yì agir mǝɓane mǝnana à panǝ yilǝmu raka. Wu nyare aban Ɓakuli mana nǝ yilǝmu, yì ɓwa mǝnana pusǝ kuli, andǝ nzali, andǝ nggeamur andǝ agir mǝnana aɓalǝia kat ka.

Amǝ Mishan 26:6

Sǝ a dyan ngga, mǝ ndya ǝn came à kǝ ɓashiam ace tsǝkɓalǝu mǝnana mǝ ndanǝi arǝ lumsǝo mala cau mala Ɓakuli mǝnana banggi aká sǝm ngga.

Amǝ Mishan 3:19

Wu pwanzali ado, wu pǝlǝ nzǝm wun arǝ acauɓikea ma'wun. Wu nyare aban Ɓakuli, ace mǝnana ɓǝ̀ twala wun ban acauɓikea ma'wun.

Amǝ Mishan 5:42

Nda do ama ko aya pwari ka, ko a Ndàmǝgule mala Ɓakuli, ko arǝ aɓala, amǝ'mishan ngga, à lidǝmbǝa nǝ kanigir andǝ hama nǝ Cau Amsǝban ama, Yesu nda Kǝrǝsti, Mǝ'amsǝban.

Amǝ Roma 1:2

Ɓakuli pacau ace mǝnia yì Cau Amsǝban ngga, ɓara-ɓara nǝban amǝ'ɓangna male aɓa Malǝmce Mǝfele.

Amǝ Roma 10:15

Sǝ lang sǝ aɓwana nǝ̀ hamnǝ cau, yi mǝnana Ɓakuli turia raka? Kǝla mǝnana à gilǝì ka: “Yiu mala aɓwana mǝnana à kǝ hamnǝ Cau Amsǝban ngga gir mǝɓoarne na kǝ̀rkǝ́r!”

Amǝ Roma 4:13

Mǝnana Ɓakuli pacau aban Ibǝrayim andǝ amǝkè ama nǝ̀ tsǝkia wia bu sǝ ɓanza kat nǝ̀ duk malea ka, pa acemǝnana Ibǝrayim bwal Nggurcau mala Ɓakuli ka ɗang. Nda acemǝnana yì ka, earnǝ Ɓakuli, guli a rǝì ama nǝ̀ pak gir mǝnana bang ngga. Sǝ ace mǝno ka Ɓakuli é mǝ'cauɓoarna na.

Amǝ Roma 9:4

Yia ka à ndaka amǝ'kau mala Isǝrayila; Ɓakuli tárìa ɓǝa duk amuna male; Ɓakuli lǝmndǝ gulo male kǝla Ɓakuli abania. Kurcau andǝia, sǝ pea wia Nggurcau male. Pea wia peri mala ɓa-ndàmǝgule andǝ apacau male.