Amǝ Mishan 13:31 - Maləmce Məfele mala Ɓakuli: Kurcau Məbəshe

³¹ Aɓalǝ anongŋo pas kǝ pusǝrǝi aban aɓwana mǝnana à kǝ gya andǝia ɗiɗyal, a Galili aban ká Urǝshalima ka. Yia a dyan ngga, à nda ka amǝ nakuni aban amǝ Isǝrayila.

Amǝ Mishan 13:31 ပူးပေါင်းရင်းမြစ်များ

Matiu 28:16

Alaggana man lum-nong-mwashat ka à kutio à o a Galili, amur nkono mana Yesu banggia wia ama ɓǝa kyan kam ngga.

Luka 24:48

Wu nda ka amǝnakun mala mǝnia yì agir ka aban aɓwana.

Yohana 15:27

Sǝ wun gbal ka dumǝna ama wu nǝ̀ nakunam aban aɓwana, acemǝnana tita turo mem ngga sǝm nda a tarǝ sǝm sǝnǝa wun.

Amǝ Mishan 1:11

Sǝ à bangŋa ama, “Wun amǝ Galili, palang sǝ wu cam kani aban sǝnban a kuli? Mǝnia yì Yesu à twali arǝ wun aban ká kuli ka, nǝ̀ ngga nyare kǝla mǝno wu sǝni aban o a kuli ka.”

Amǝ Mishan 1:22

Ɓǝ̀ twal a pwari mǝnana Yohana pakki Yesu batisǝma nǝi, yi bwal a pwari mǝnana à twali nǝi arǝ sǝm aban o a kuli ka. Ɓǝ̀ yana sǝ à twali ka, nǝ̀ duk mwashat ata sǝm aban hamnǝ cau mala loapi ɓembe mala Yesu.

Amǝ Mishan 1:3

Anzǝm tanni andǝ lú mala Yesu ka, yi long nǝ yilǝmu ɗǝm. Aɓalǝ anongŋo lumi-ine, pusǝrǝi kusǝ pas aban alaggana male, arǝ anjar ɗàngɗáng mǝnana lǝmndǝia wia ama kàngkàng longŋǝna ndanǝ yilǝmu ka. À sǝni nǝ mǝsǝia sǝ bangcau nǝia amur Domurǝm mala Ɓakuli.

Amǝ Mishan 1:8

Sǝa ma, wun ngga wu nǝ̀ kum rǝcandǝa, yi mǝnana ɓǝ̀ Bangŋo Mǝfele sulǝna amur wun ngga. Wu nǝ̀ duk amǝ na cau mem a Urǝshalima, andǝ ɓa nzali Yahudi, andǝ nzali Samariya, andǝ ɓanza kat.”

Amǝ Mishan 10:39

Sǝ sǝm, amǝ'mishan ngga, sǝm ndaka amǝnakun mala agir mana sǝm sǝn Yesu pea kat a nzali mala amǝ Yahudi andǝ ɓa Urǝshalima ka. À wal-lui nǝ gbaliban amur nggun-gangndi.

Amǝ Mishan 10:41

Pusǝrǝi aban ɓwapǝndǝa kat ɗang, kǝ sǝm mana Ɓakuli ak dǝmbǝa tarki sǝm ama ɓǝ̀ sǝm duk amǝnakun male, yì sǝm mana anzǝm loapi ɓembe male, sǝm lili sǝnǝia, sǝm nu sǝnǝia ka, sǝm nda.

Amǝ Mishan 2:32

Ɓakuli loasǝ Yesu a ɓembe, sǝm kat ka, sǝm sǝni nǝ mǝsǝ sǝm anzǝm lo male.

Amǝ Mishan 3:15

Wu wal-lú ɓwa mǝnana nǝ̀ pākiyi yilǝmu ka, sǝ pǝlǝa Ɓakuli loasǝi a ɓembe. Sǝ sǝm ngga sǝm sǝnǝni nǝ mǝsǝ sǝm, nda sǝm nggǝ na cau male ka.

Amǝ Mishan 5:32

Sǝm nda ka aɓwana mǝnana sǝm sǝni nǝ mǝsǝ sǝm, nda sǝm nggǝ nakun amǝnia yì agir ka, sǝ anggo gbal sǝ Bangŋo Mǝfele, mǝnana Ɓakuli pani aɓwana mǝnana à kǝ kpata cau male ka.