Amǝ Mishan 13:30 - Maləmce Məfele mala Ɓakuli: Kurcau Məbəshe

³⁰ Sǝ Ɓakuli ka loasǝi nǝ yilǝmu!

Amǝ Mishan 13:30 ပူးပေါင်းရင်းမြစ်များ

Matiu 28:6

Pa akani ɗang; Ɓakuli loasǝni nǝ yilǝmu, kǝla mǝnana bangga wun ngga. Wu yiu wu yi sǝn ban mana nong kam ngga.

Yohana 10:17

Tárram kǝ earcem acemǝnana ǝn eare mǝ nǝ pà yilǝmem mǝ nǝ wu, ace mana ɓǝn é ɗǝm ɓǝn lo nǝ yilǝmu ka.

Yohana 2:19

Yesu earia wia ama, “Wu arki man yì Ndàmǝgule mala Ɓakuli ka, sǝ aɓa nongŋo tārú ka mǝ nǝ loasǝi ɗǝm.”

Amǝ Mishan 10:40

Sǝ Ɓakuli loasǝi a tāruia nongŋo, sǝ nyinggi dǝmbǝu ɓǝ̀ pusǝrǝi ɓǝa sǝni.

Amǝ Mishan 13:33

Sǝ ado ka, Ɓakuli lumsǝna sǝmi, sǝm mǝnana sǝm ndaka amǝkea ka, yi mana loasǝ Yesu a ɓembe ka. Mǝnia ka nda cau mana à bangŋa amur Yesu aɓa ɓaria kure mala Anggyal ama: “We ka, a nda Munem; yalung ngga ǝn dumǝna Tarró.”

Amǝ Mishan 13:34

Ɓakuli ka bangŋǝna ama nǝ̀ loasǝi, pà nǝ̀ ɗeki ɓǝ̀ rǝmbǝa a tūli ɗang. Mǝnia ka bangŋi aɓa Malǝmce ama: “Mǝ nǝ po atsǝkbu mǝfele, amǝ'mǝsǝcau nì mǝnana ǝn pacau acea aban Dauda ka.”

Amǝ Mishan 13:37

Sǝa ma Ɓwa mǝnana Ɓakuli loasǝi a ɓembe ka, nggūrǝi rǝm ɗang.

Amǝ Mishan 17:31

Acemǝnana yì ka, tsǝngŋǝna pwari mana nǝ̀ ɓashi ɓanza nǝi aɓa mǝsǝcau, nǝ bu ɓwa mǝnana ci ka. Lǝmndǝna mǝnia yì ɓwa ka aban aɓwana kat, nǝ loasǝo mana loasǝi a ɓembe nǝ yilǝmu ka.

Amǝ Mishan 2:24

Sǝa ma Ɓakuli panzǝi aɓa bu rǝcandǝa mala lú, pǝlǝa loasǝi a ɓembe, acemǝnana lú kārǝa nǝ̀ bwali a ɓembe ɗang.

Amǝ Mishan 2:32

Ɓakuli loasǝ Yesu a ɓembe, sǝm kat ka, sǝm sǝni nǝ mǝsǝ sǝm anzǝm lo male.

Amǝ Mishan 3:13

Ɓakuli mala Ibǝrayim, andǝ Ishaku andǝ Yakupu, Ɓakuli mala aká sǝm, nda pe guro male yì Yesu gulo nǝ mǝnia yì gir ka. Sǝ wun ngga wu nǝ̀ twali sǝ wu pea aɓwana ɓǝa wali. Wu ɓinǝkì a ɓadǝm Bilatus, anzǝm mǝnana yì ka, earǝna ama nǝ̀ panzǝi ɓǝ̀ o ka.

Amǝ Mishan 3:15

Wu wal-lú ɓwa mǝnana nǝ̀ pākiyi yilǝmu ka, sǝ pǝlǝa Ɓakuli loasǝi a ɓembe. Sǝ sǝm ngga sǝm sǝnǝni nǝ mǝsǝ sǝm, nda sǝm nggǝ na cau male ka.

Amǝ Mishan 3:26

Lang Ɓakuli loasǝna guro male Yesu ka, tasǝi aban wun, wun amǝ Isǝrayila peatu, ace mǝnana ɓǝ̀ tsǝka wun bu, a njar mala pǝlǝ koyan ata wun ngga, ɓǝ̀ nying ɓealɓikea male.

Amǝ Mishan 4:10

Came ɓǝ̀ ǝn bangga wun bwāng, wun, wunǝa amǝ Isǝrayila kat ama, nda aɓa lullǝ Yesu Kǝrǝsti ɓwa Nazarat, yì ɓwa mǝnana wu gballì amur nggun-gangndi, sǝ Ɓakuli loasǝi a ɓembe ka, sǝ mǝnia yì ɓwa ka kum rǝcandǝa.

Amǝ Ibǝru 13:20

Ɓǝ̀ Ɓakuli mala dorǝpwala, mǝnana loasǝ Mǝtala sǝm Yesu, a ɓembe ka, pà wun koya gir mǝɓoarne mǝnana ɓoaro ɓǝ̀ wu pang nǝi ace pak kani male ka. Ɓǝ̀ pakturo male aɓalǝ wun, nǝ rǝcandǝa mala Yesu Kǝrǝsti, ace pwasǝ bumi. Yesu ka nda nggea yalgir mǝgule mala anzur, mǝnana nǝ nkile sǝ Ɓakuli tita kurcau male mǝnana pè nǝ aɓwana male ka, yì kurcau mana pà nǝ̀ mal raka. Gulo kat ka male na mǝnana málá male pà kàm raka. Amin.