Amǝ Mishan 13:3 - Maləmce Məfele mala Ɓakuli: Kurcau Məbəshe

³ Anzǝm gilmur andǝ hiwi ka, pǝlǝa à tsǝk abu amuria sǝ à tasǝia aban o a turo mishan.

Amǝ Mishan 13:3 ပူးပေါင်းရင်းမြစ်များ

Luka 2:37

Anggo sǝ do man-lú apǝlǝa lumi-tongno-nong-tārú nǝ mǝsǝì ine. Gapiyi tarǝia andǝ Ndàmǝgule mala Ɓakuli ɗang, du andǝ pwari nda aban peri aban Ɓakuli nǝ gilmur andǝ hiwi.

Amǝ Mishan 1:24

Pǝlǝa à pak hiwi ama, “We Mǝtalabangŋo, mǝnana surǝ ɓabum koyan kat ka, lǝmndǝa sǝm yana a twalo aɓalǝ aɓwana mǝnia ɓari ka,

Amǝ Mishan 13:2

A ɓe pwari lang à nǝ̀ nggǝ peri aban Mǝtalabangŋo andǝ gilmur ka, Bangŋo Mǝfele na ama, “Wu taram Barnabas andǝ Sawul wu cia ɗàng ace turo mǝnana ǝn tunǝia à nǝ̀ pakkam ngga.”

Amǝ Mishan 13:4

Yia kǝm mana Bangŋo Mǝfele turia ka, à pur a Antiyok sǝ à wario a Selusiya, la a kun múr. Abanì ka à kutia waru aban ká a nggeala Salamis aɓa luran Sayipǝrus.

Amǝ Mishan 14:23

Bulǝs andǝ Barnabas twal aɓwana-mǝgule mǝnana à cia amur amǝkwaɗi a koya ikǝlisiya ka. Nǝ hiwi andǝ gilmur, à tsǝk aɓwana-mǝgule mǝnia aɓata yalban mala Mǝtalabangŋo mana à guli a rǝi ka.

Amǝ Mishan 14:26

À nying Ataliya ka, à kutia waru sǝ à samsǝa aban ká a Antiyok mala bu-nzali Suriya, aban mǝnana à tita gya malea kam ngga, àkǝ̀ ban mǝnana à cia aɓata ɓwamuru mala Mǝtalabangŋo, ɓǝa kya turo mǝno ado à kǝ nyari pe ka.

Amǝ Mishan 15:40

Sǝ Bulǝs twal Silas à o andǝi. Amǝkwaɗi cia aɓata ɓwamuru mala Mǝtalabangŋo nǝ hiwi.

Amǝ Mishan 6:6

Amǝnia yia aɓwana ka, nda à yì tamsǝia a ɓadǝmbǝ amǝ'mishan, à pakkia wia hiwi, sǝ à tsǝkia wia bu ka.

Amǝ Mishan 9:17

Pǝlǝa Hananiya lo kya kutio a ɓala mǝnana Sawul ndakam ngga. Tsǝk bui amur Sawul, sǝ na ama, “Mǝ'eamrǝarǝu Sawul, Mǝtalabangŋo Yesu mana pusǝrǝi abano amur njargula mǝnana a yiu nǝi ka, turam ace mǝnana wu kum sǝnban ɗǝm, sǝ wu lumsǝ nǝ Bangŋo Mǝfele.”

Amǝ Roma 10:15

Sǝ lang sǝ aɓwana nǝ̀ hamnǝ cau, yi mǝnana Ɓakuli turia raka? Kǝla mǝnana à gilǝì ka: “Yiu mala aɓwana mǝnana à kǝ hamnǝ Cau Amsǝban ngga gir mǝɓoarne na kǝ̀rkǝ́r!”

1 Timoti 4:14

Ce a burice ɓoro mala Bangŋo mǝnana a ndanǝi, mana à po nǝ na gi Ɓakuli, a pwari mǝnana amǝkurcau aɓwana-mǝgule amur ikǝlisiya tsǝko buia a muro ka.

1 Timoti 5:22

Ce a kaurǝa ata pe ɓwa gulo aɓa ikǝlisiya ɗang. Sǝ kǝa wu oasǝ ɓamuro aɓalǝ acauɓikea mala aɓea aɓwana ɗang. Yal ɓamuro aɓa doɓoarnsari.

2 Timoti 1:6

Ace mani ka ǝn nggǝ kasǝ ɓalǝo ama, ɓoro mala Bangŋo mǝnana Ɓakuli po a pwari mǝnana ǝn tsǝk abuam a muro ka, lo ci aɓa turo nǝ pi mala ɓabum.

2 Timoti 2:2

Sǝ kanigir mǝnana a oe a kunam a ɓadǝmbǝ amǝnakun pas ka, twali, kani aɓwana amǝ'mǝsǝcau nì mǝnana à nǝ̀ gandǝ tasǝi aban ká aban aɓea aɓwana gbal ka.

3 Yohana 1:6

À yì nani ikǝlisiya mǝnia kani ka, ulang earcearǝu mǝnana a lǝmndǝia wia ka. Ən nggǝ zǝmbǝo, nǝma wu lidǝmbǝa nǝ pusǝbǝria aɓa njar mǝnana nǝ̀ pwasǝbum Ɓakuli ka.

3 Yohana 1:8

Sǝm amǝkwaɗi ka, ndanǝ ɓoaro ɓǝ̀ sǝm nggǝ pakki a'ulang amǝnia yì aɓwana ka gbasha, ace mǝnana ɓǝ̀ sǝm kpapi bu sǝm aɓa turo mala hamnǝ mǝsǝcau.